SHAHKÜP 13:5 - DAÜLANGPÜ LAIHING (BSI)

⁵ Hapa keipü thibü nevaijü mangh tetpeyü jütüktuh; mehenangkü jomi Shembüpa, ammei Kahvang, üpai am aa vaihampü Ijip kahdok leipü müei leipa, büpa khüei yaongnyüke. Büpai Shembüpa, ammei Kahvangi epü lem kübü am mülanghen khenyüke. Am toueipü henüng keipü mang daütüktuh.

SHAHKÜP 13:5 Iomraidhean Croise

1 ONGPATHÜ 13:19

Hanangkü hapa Kahvang shennyak jom shemei leiyei hahying.

1 ONGPATHÜ 18:40

Hahepak kü Elijah-i, “Baal kahvangei thibüthü yeptuh; hathü hükao aoei tetuh” shei ngeükhüam shuoh. Hanangkü nanglakthüi hathü yep, hatü Elijah-i hathü peü Kishon Kahjilei müei yiüei jütükkem.

2 SHÜPPÜKENGPÜ 34:31

Ongpai shemnyü tüngei yaongtü Shembüpa phei mühen, büpalei shahkungthü noteihen, hatü vanglem kemei jomei mongdang kempai, laangha kempai hapa laitap kü nyangei nyupü vangpüshuwpü shahthü ven danhen shingvaishi Shembüpa touei vangpüshuwpü ja lingei leiteke.

JEREMIAH 14:15

Hanangkü ngelei men kü teteivanpü thibüthü kü Shembüpai hapakei enyüke: Ngei jom neshomshomi jomi, ‘Hapa kahdok kü yan nevaijü münghishaü nepeiküpih’ shei enyüke. Yan hatü münghishaü-i ha thibüthü mahkemhen,

JEREMIAH 29:32

Shembüpai hapakei enyüke: Ngei Nehelam am Shemaiah hatü büpalei hühihathü hanghihühen; ngei ngelei nanglakthü kü mei dükpü eehen mü nanglakthü khongkü büpalei hühiha hükao yemmü netuhhen; mehenangkü büpai Shembüpa khüei yaongteke shei Shembüpai enyüke.

JEREMIAH 50:6

Ngelei nanglakthüyü mah-ei nyupü mithü; jomei mi yombüthüi jom lemnyong kü mülangpeih, hatü vakhivien kü longteihüei angpeih. Jomphongi mikhaok betüktü kahshangei longteiyei nyupeih.

JEREMIAH 7:23

Shejao jom kü, “Ngelei shah bangtuh, hatü ngei ammei Kahvang vaihen, hatü amü ngelei nanglak vaihen; am meishi nyuhen shingvaishi ngei epü lem kü kamtuh” shei hapa ngeükhüam shuohpeih.

ZEKHARIAH 13:3

hatü thibü hanei dangkao shao vamjema, jom büh jom paümpü nyühipathüi, “Didaikemtuh; mehenangkü ammi Shembüpalei men kü shahshem enyüke” shei ehen, hatü mechem jom teteivanei ejahen, jom büh jom paümpü nyühipathüi-üng jom jütükkemhen.

PHONGSHANTHÜ DOU 13:8

Shejao hapa phongyombü Elymas-i (hayü Greek shah mü büpalei men nyu) jiji khüei yaong, hatü büpai governor-i hinglemhen kübü leplangnüng khe.

1 KORINT 5:13

Haolei nyupüthü keyü Kahvangi shahphenhen. “Amphong khong kübü nemeipü shennyak changtüktuh.”

SHAHKÜP 13:10

Hathüyü yaongi shükei jütüktuh; mehenangkü amphong aa vaihampü Ijip kahdok leipü müei leipü Shembüpa, ammei Kahvang toueipü am mülanghen büpai khenyüke.

SHAHKÜP 13:15

hapa shingei nyupü nanglakthü hatü jomei yemhimakthü kemei jütüktuh.

SHAHKÜP 13:9

Büpa hingmei jütüktuh. Ammi shong hathü kü lak shihtuh; hapheikü nanglakthüi lak shihhütuh.

SHAHKÜP 17:5

ünyü üpai hapa mang dou dükpa, ammei ching penyüsha haolei deiyei yaongi shükei jütüktuh.

SHAHKÜP 17:7

Denpü shuohpü shennyakthüi shongei lak shih-ei panghen, hatü hapheikü mon nanglakthü peüi lakhüngei yaongi shükei jühen. Hapakei dükpai am touei nyupü mang daütükhen.

SHAHKÜP 18:20

Shejao ngei etuh shei nekangpü kü üpa thibüi ngelei men kü ehenshang, nevaijü üpa thibüi lebü kahvangthülei men kü ehenshang, büpayü jütükhen.

SHAHKÜP 19:19

büpai mih kü dükhen shei deihpü hanghi büpa kü dükeishuoh. Ammi hapakei am toueipü mang daütükhen.

SHAHKÜP 22:21

pinnyü chepalei shem shadenei müei deihen hatü jom ching ami pinnyü yaongi shükei jühen. Mehenangkü pinnyüi chepa amei shemei nyushi mih mü mükbongjuyungei Israel kü veüpong dou dükteke. Hapakei am toueipü mang daütükhen.

SHAHKÜP 22:24

ammi jiji nyiphen penyüshalei deiyei yaongi shükei jütüktuh. Mehenangkü hapa nela-i chingnyülei pinnyüi vaüpü eepü mih-i danhen mü tuhtü nevaüpü nangkü, hatü hapa bahapai mih-i doi khüamlangphei nela mü mükbongjuyungpü nangkü dihen. Hapa keiha am toueipü mang daütükhen.

SHAHKÜP 24:7

Shennyak hüki jempü Israel shennyak hük yepei daiyei aa kü kei noteijema hatü yutükjema, shennyak yeppü shennyakü jütükhen vongbong. Am toueipü henüng mang daütükhen vongbong.

SHAHKÜP 26:14

Ngei mahng theppü hepak kü haleipü meheyao nehah-angpih nevaijü ngei nedaüi nyushingkü shemong leipü hükao yah-ei nedai, nevaijü haleipü meheyao dipü mahng kü moila neshuoh-angpih. Ngei Shembüpa, ngelei Kahvangi epü bangtepih hatü ngei kü epü lemphüli düktepih.

SHAHKÜP 4:19

Hatü mechem ami phumshangei ngangei veihen, vanghe, lennyü hatü lithathü kü aümei khümhen mü amphong lemnyong kü temühü. Shembüpa, ammei Kahvangi lebü jatlithüi hathü kü khümhen shingvaishi shuohteke.

SHAHKÜP 6:13

Shembüpa, ammei Kahvang kü dhüm shuohtuh hatü büpa kü mon khümtuh, hatü büpalei men kü mon vangeishuwtuh.

SHAHKÜP 7:4

Mehenangkü jomi ammei hapeüthü ngei toueipü lepei jomei kahvang khümhen mülanghen, hatü Shembüpai am khüei mongshihhen hatü ngangahük kü mahtükhen.

JOSHUA 23:8

Shejao am shaang nyupükei-üng Shembüpa, ammei Kahvang kü wongshongi shuongtuh.

SHAKEI VAMPÜ 19:20

Shejao hapa yemha hatü hapalei shahshem thibü üpai nyangeihepü dou dükpü homei yemhalei füoshang shüngpüthü hatü hapalei lajei kü khümpüthü luhahpa, yeplangteke. Henyiphen awkaong meli kü bahpü aw shemyungei yemmü yepei shüktükteke.

SHAHPHENBÜTHÜ 20:13

Israel kübü nemeipü mang shaptükhen shingvaishi Gibeah kü nemeipü shennyakthü shakei ngaishih hatü hamphongi jomphong jütükhen” shei e. Shejao Benjamin ami jempü jeihinaü Israel jatthüi epü kü dhaong neno.

1 SAMUEL 12:14

Ammi Shembüpa kü nyemjema hatü büpa chongphoei büpalei shah bangei, shejao Shembüpalei shahkungnyüthü kü khüei neyaongjema, hatü am hatü am shak kü vanglem lempü ongpai Shembüpa, ammei Kahvang phei müjema, hapayü meikahen;