SHAHKÜP 13:17 - DAÜLANGPÜ LAIHING (BSI)

¹⁷ Hapakei eelatükpü douthü ammei shemei tetuh; shejüang Shembüpai mongshihpü meidaihen; büpai ammei bühipathü kü lahpü keiha am kü phahji, yahyang shinshang huphahen hatü am nanglak longi dahühen;

SHAHKÜP 13:17 Iomraidhean Croise

KAHBHAO 26:24

Ha ya Shembüpa büpa touei vamei, “Ngeiyü ampa Abrahamei Kahvang. Nüng tenyem, ngei nüng mü nyüpeih. Ngei nüng kü moihimanhen hatü ngelei chongphobü Abrahamei men kü ngei nüngei hühihathü dahühen” shei e.

KAHBHAO 26:4

Ngei nüngei hapeüthü vangsho lithathü kei leihühen, hatü nüngei hühihathü kü hapa kahdok kemei shuohhen, hatü nüngei hühihathü homei kahdoknyü jatthü peü moihiman danghen.

KAHBHAO 28:14

hatü nüngei lihilathü molo bhihhiphang kei nyuhen, hatü jomphongü heong heshü apsha pehe peü lemei daei daihen, hatü nüng hatü nüngei lihila homei kahdoknyü nanglak peü moihimanhen.

MENVIH KESHO 78:38

Shejao büpa phahji yahyangpai, jomei mang yaktük; hatü jom nemahtüki düngei büpalei mongshih yepei tuh, hatü büpa mongshihpü kemei nevamhü.

MENVIH KESHO 85:3

Nüngi jom kü mongshih vampü dohdai, hatü nüng mongpuk vampü kübü shümei tuhlang.

MÜLANGPÜ 20:6

shejao ngei kü bampü hatü ngelei shahkungnyü ven bangpüthü kü denshem haja haja ngei bampü hunyüpeih.

MÜLANGPÜ 32:12

Mehekei Ijip ami, ‘Jomü kahshangei jütükkemhen, hatü kahdok shak kübü li hümtükhen nangkü nemeipü küpjani müei deipeih’ shei ehühenang? Nüng mongshih anpü kübü, hatü nüngei nanglakthü kü shanghah koei peihen nyupü kübü mong leituh.

YOUNG LAI 3:32

Büpai jen kü mongshang shuohjao, büpai phahji huphahen; büpa bampü longpü nyüke.

EZEKIEL 37:26

Ngei jom mü chingmeivangmei vangpüshuwpü hük linghen; hapayü nedohnetenpü vangpüshuwpü vaihen; ngei jom kü moihimanhen hatü jom nanglak dahüshehühen, hatü ngelei phopshem düngei jomei kahdokei chonglingei tuhhen.

HOSEA 11:9

Ngei ahshi mongshihpai ngei ne-yei Ephraim am nemahtükpih; Mehenangkü ngeiyü Kahvang, shennyak nevaipih. Ngeiyü am mü nyupü Daülangpü Kahvang hih. Ngei am touei mongshih-ei nepeiküpeih.

BHEI-IE 25:4

Shembüpai Mosa kü, “Israel amei mübüthü kemei müei deiyei jütükkemtuh hatü Shembüpa tou kü vanghenyü kü yeemeishuoh; shejüang Shembüpai nanglakthü kü mongshihpü dohdaihen” shei e.

1 KORINT 16:22

Shembüpa kü nebampü shennyakü thaüvaütüktuh. Maranatha– Oh hamei Shembüpa, yiükei!

SHAHKÜP 13:18

mehenangkü hayü Shembüpa, ammei Kahvangei ven danei ngei shinnyih am kü shuohpü shahkungnyüthü ven bangei büpa touei jiüpü dükjü mon danghen.

SHAHKÜP 30:3

Shembüpa, ammei Kahvangi am kü phahjiei deihhen hatü jatthü touei haitükpü amphong thaiyei leihen hatü am dahüshehühen.

SHAHKÜP 30:5

Büpai amphong ambü ampa amei kahdokei müei leihen hatü ammi hapa kahdok yahhen. Büpai amphong ambü ampa mao nyeinya dahüshehühen hatü nanglak longi dahühen.

SHAHKÜP 7:13

Büpai am kü bamhen, moihimanhen hatü am nanglak dahühen. Büpai ammei naü uoshing, kahdok kü sheilivungla, betjükvungjük, mohoh khok kü mohoh, mi khok kü mi shei am kü shuohhen shei ammei bühipa kü lahpü kahdokei moihimanphahen.

SHAHKÜP 7:26

Ammi laophülei shemei henüng jiühitbenüng yah-ei telei; hei nevaijema hathü keiha amphongao mahtükhen. Hathü kü chemjalak kü jiühittuh hatü yaktüktuh; mehenangkü hathüyü mahtükhen shingvaishi khaatei tuhtükpü nyüke.

JOSHUA 22:20

Mechem Zerahlei cheha Akhani douthü kemei mangtüktuh shei epü nebangi dükpai mang thahpa, hapa mangi Israel am khong kemei neponghah-angpü je? Büpalei mang nangkü büpa mon nemahangpih’ ” shei e.

JOSHUA 6:18

Shejao ammi mangtükhen nyupü douthü meheyao teyah; ammi hapakei dükjema, ammi Israel amei baümtapei shanghah hatü ten koei leihen.

JOSHUA 6:24

Jomi chingnyü hatü halei nyupü lemphüli awi haptük; hon hi ngin, melangnyiam hatü nyiam yungshongthü mon yah-ei leiyei Shembüpalei dou tuhshingei tuh.

JOSHUA 6:26

Hahepak kü Joshua-i hapakei vangeishuwei eteke: “Hapa Jeriko chingnyü üpai leiyei linghen yaongnya, büpa kü Shembüpalei thaüvaü hettuh. Büpai laophülei hashong lomohhütü mon hapa chingnyü chongnyiam linghen; Laophülei hashong lomohhütü mon büpai hapa chingnyü penyüsha linghen.”

JOSHUA 7:1

Shejao Israel ami mangtükhen epü dou meheyao teyah shei Shembüpai epü nebang. Judah am jat kübü Zerahlei cheha Zimri, Zimrilei cheha Karmi, Karmilei cheha Akhani dou hanei joei yahteke. Hanangkü Shembüpa mongshihpü Israel am khüei vam.

JOSHUA 7:26

Jomi Akhanei mahng kü yaong longi thaiyei chetphong hatü hathü shinnyih thahshi nyüke. Hanangkü ha nyih mü leitü hapa shing kü, “Shanghah Kahji” shei nyüknyüke.

JOSHUA 8:28

Joshua-i Ai ching haptüktü lavüngtoiyei yakphong, hatü shinnyih thahshi hapakei nyüke.