SHAHKÜP 12:6 - DAÜLANGPÜ LAIHING (BSI)

⁶ Hatouei ammei jakpü moila hatü lebü moilathü, ammei ankhong moila hatü mongmei moila, ammi shuohhen shei lahpü moilathü, ammei mongong moila hatü shongei shaanpü mohoh hatü mi chehathü hatou shingei koei peihen.

SHAHKÜP 12:6 Iomraidhean Croise

2 SHÜPPÜKENGPÜ 31:14

Heong peshaden yombü Levi am Imnahlei cheha Kore-ü Kahvang kü shuohpü mongong moila, hatü thinthothü demei hanei shuohhen kü khei vaiteke.

2 SHÜPPÜKENGPÜ 7:12

Hapheikü yanüng Solomon touei Shembüpa peiyei büpa kü, “Ngei nüngi phoppü dantepih, hatü hapa shingü ngei kü moila shuohhen shing shei ngei jetepih.

EZRA 3:2

Hahepak kü Jozadakei cheha Jeshua hatü büpa mü jempü ngongpathü hatü Shealtielei cheha Zerubbabel hatü büpa mü jempüthüi Kahvang shennyak Mosa Shahkung kü nyangei nyupükei jakpü moila shuohhen Israel Kahvangei moidü vehen chongpang.

NEHEMIAH 10:36

Shahkungnyülei nyangei nyupükei shongei bühpü yeshang, shongei shaanpü yemha; mohoh, mi, yum, phopshem leipü ngongpa touei müei peiyei daühühen.

NEHEMIAH 10:39

Israel nanglakthü, Levi amao omshi hahying moila, yiüja moila, hatü mainga shei phopshemei douhinang jaoshingei hatü ngongpathüi chongphopü, shaden yombüthü hatü kesho lokbüthü nyushingei koei peihen. Hami Kahvangei shem kü mong neshuoh-i netuhpih.

MENVIH KESHO 116:17

Ngei nüng kü menvihpü moila shuohhen, hatü Shembüpalei men kü nyükhen.

EZEKIEL 20:40

Mehenangkü ngelei daülangpü kahshang, Israel kahshang shaopülei Israel am phang kemei, jom peü hapa kahdokei jomi ngei chongphohen. Halei ngei jom yahhen, hatü halei ngei jomei moila hatü jomei meipü thintho hatü daülangpü douthü peü yahhen shei Shembüpa Kahvangi enyüke.

LEVI 1:3

Hapa moilayü mohoh khong kübü jakpü moila vaijema, ammi kawhikang neshiüpü shuohhen vongbong; Shembüpai hapa yahaokhen shingvaishi ashakshem shadenei deiyei shuohtuh.

MALAKI 3:10

Ngelei shemei hahying changshi nyuhen shingvaishi ammei ankhong moila peü tuhshingei yah-ei peikei, hatü ammi hapa tuhshing neshiüi manglei thahshi vangsho shaden aptü moihiman bhuh-eilinei yahphahen hi neyahphahen shangkü ngei kü doktuh hatü veituh shei Shembüpa Kahvangi enyüke.

MALAKI 3:8

“Shennyaki Kahvang leipü gühhen je?” Shejao ammi ngei leipü gühteke. Shejao, “Hami mekei nüng leipü gühpa?” shei ammi phenyüke. “Ankhong moila hatü moilathü gühteke.”

LUK SHAHSHA APPÜ 11:42

Shejao am Pharisee am onyükei! Mehenangkü ammi chühüng hatü chünem hatü lebü phenlakthü peü yah-ei ankhong shuohnyüke, shejao ammi shahhing hatü Kahvang bampü yakphongnyüke. Ammi shongpü netuhphongi shompü dükhen vaipeih.

LUK SHAHSHA APPÜ 18:12

Ngei hapta kü nyipa shüaeiyungleyei phopnyeih, ngei dangpü peü kübü ankhong shuohnyeih.’ ”

SHAHKÜP 12:17

Amphongi moilapü hahying, ankhong moila, yiü, olive mainga, nevaijü shongei shaanpü mohoh hatü mi, nevaijü Shembüpa kü shuohhen shei lahpü moilathü, nevaijü ammei mongongpü moila hatü lebü moilathü peü am nyushingei nehahhen.

SHAHKÜP 26:2

Shembüpa, ammei Kahvangi am kü shuohpü kahdok kü vampü lemphüli kübü shongpü betjük hanei mühdow kü shihtü Shembüpa ammei Kahvang khümshingei deituh.

JOSHUA 22:27

shejao am hatü ham aa kü, hatü pheinaü den shingvaishi hamao jakpü moila, lebü moilathü hatü mongjempü moila koshi Shembüpalei moidülei chongphonyeih shei nyinghühen, hatü ammei hühihathüi hammei hühihathü kü ngoikahen nyih kü, ‘Ammi Shembüpa mü hean nenyupih’ shei ne-ehen shangmü denpü vaihen shingvaishi moidü lingshah shei eteipeih.”

1 SAMUEL 1:21

Mechem Elkanah hatü büpalei shem am kemei Shembüpa kü vangbong dohpü moila shuohhen hatü büpai lahpü dükhen aongpa,

1 SAMUEL 1:24

Pinnyüi naü jungei longpheikü naü yah-ei bong jem lompü mohoh chebaong hük, atta dok an, hatü yiü aüm hük yah-ei Shilohlei Shembüpalei shemei aong, hatü naü-ü longi hashih mü nyuteke.