SHAHKÜP 12:5 - DAÜLANGPÜ LAIHING (BSI)

⁵ Am jatthülei kahmük peü khongkü Shembüpai büpalei men tuhhen shingvaishi shing hük jehen; halei nanglakthü peü peiyei büpa kü khümhen.

SHAHKÜP 12:5 Iomraidhean Croise

1 ONGPATHÜ 12:27

Hathü nanglakthüi Jerusalemei Shembüpalei Phopshemei moila shuohhen hapakei aongteijema, jomphongi shao Judah am Rehoboam ongpa, jomei shembü kü mong hahdaihen khih. Jomphongi ngei jüphongtepü Rehoboam ongpa touei lepdaihen khih” shei deih.

1 ONGPATHÜ 14:21

Shaang Solomonei cheha Rehoboami Judah kü ong vai. Mechem büpa ong vaipa, büpalei nyübüh vangbong pinyipü hük nyu, hatü büpai Shembüpalei men kü khümhen Israel jat peü khong kübü jepü Jerusalem Chingnyü kü vangbong anpünyet thahshi vanglem lem. Büpalei chenyü-ü Ammon am Naamah nyuteke.

1 ONGPATHÜ 8:16

Ngei ngelei Israel nanglakthü Ijip kahdok leipü müei leipü nyih kübü shinnyih thahshi ngei kü khümhen shingvaishi ngelei men kü Israel kahdok kü chingnyü hükao Phopshem vehen nejeangpih shejao nanglak shak kü ong vaihen ngei David jepeih” shei e.

1 ONGPATHÜ 8:20

Shembüpai mehe lah, ha jiüshi dükteke. Shembüpai lahpükei, ngei opa jeiyei Israel kü ong vainyüke, hatü Shembüpa, Israel Kahvangei men kü Phopshem hük veteke.

1 ONGPATHÜ 8:27

Shejao hingmei, Kahvangü kahdoknyülei nyuhen je? Vangsho dangkao hapa keiha peü mü shaopü vangsho kü dangkao nüng necha-ükhih; shejema mekei etü hajük maanpü ngei vepü Phopshem kü nüng chahenang!

1 ONGPATHÜ 8:29

“Ngelei men hatouei nyuhen” shei nüngi epü shingkü nüngei chongphobüthüi hapa shingei phoppü nüngi danlangphahen shangmü nyakhingai thüngei nüngei müki hapa Phopshem philei veishi nyukei.

2 ONGPATHÜ 18:22

Shao nüngi ngei kü, ‘Hami Shembüpa, hamei Kahvang kü mongnyangnyeih’ shei ejema, Judah hatü Jerusalem kü, ‘Ammi Jerusalemei hapa moidü touei khümtuh’ shei etü hapalei vaümchongthü hatü moidüthü Hezekiah-i yaktükpü ha nevaipü je?

1 SHÜPPÜKENGPÜ 22:1

Hanangkü Davidi, “Shembüpa Kahvangei shem hatü Israel am shingvaishi jakpü moila shuohteipü moidüyü hatouei nyuhen vaipü khih” shei e.

2 SHÜPPÜKENGPÜ 7:12

Hapheikü yanüng Solomon touei Shembüpa peiyei büpa kü, “Ngei nüngi phoppü dantepih, hatü hapa shingü ngei kü moila shuohhen shing shei ngei jetepih.

EZRA 3:2

Hahepak kü Jozadakei cheha Jeshua hatü büpa mü jempü ngongpathü hatü Shealtielei cheha Zerubbabel hatü büpa mü jempüthüi Kahvang shennyak Mosa Shahkung kü nyangei nyupükei jakpü moila shuohhen Israel Kahvangei moidü vehen chongpang.

EZRA 6:12

Üpa shennyaki hapa shahkung nebanghen, hatü Jerusalem leipü phopshem mangtükhenshang, büpa kü khümhen shingvaishi Jerusalem jepü Kahvangi ong nevaijü nanglak büpai yaktükhen. Ngei, Darius-i hapa ngeükhüam shuohnyeih. Hapayü kenhingshi düktuh.

EZRA 7:17

Nüngi hathü lopi mohohbaongthü, mi chebaongha, hatü mi chebaongthü mü hahying moila, yiü moila shaktuh, hatü Jerusalemei Kahvang phopshem moidü shingei hathü moilatuh.

NEHEMIAH 1:9

shejao amphong mong lepei ngelei shahkung bangei hathü dükjema, amphong kahdoknyü junghijang peü lemei haishi nyujao ngei am thaiyei leiyei ngei kü khümhen jepü shingei tuhhen shei epü shah deih-ei dangnyüke.’

MENVIH KESHO 78:68

shejao büpai Judah jat, büpai bampü Zion Kahshang jeteke.

MÜLANGPÜ 15:2

Shembüpayü ngelei wong hatü ngelei kesho, hatü büpa ngelei yemleipüba nyüke. Büpa ngelei Kahvang hatü ngei büpa men longhen; Ngelei opalei Kahvang, hatü ngei büpa longei anshihhen.

MÜLANGPÜ 20:24

Ammi ngei shingvaishi kahdok yah-ei moidü hük mon lingtuh hatü hapa shangkü ammei jakpü moila hatü mongjempü moila, ammei mi, yum hatü mohoh yah-ei ngei kü khümhen shingvaishi am kü shuohpü shing peü kü moilatuh; ngei am touei peikahen hatü moihimanhen.

MÜLANGPÜ 25:22

Halei ngei am mü pongteihen, hatü shaküp shangkü cherubim nyi aa kü Israel nanglakthü shingvaishi ngei ngelei shahkungnyü yahphahen.

JEREMIAH 26:2

Shembüpai hapakei enyüke: Shembüpalei shahphen shingei yaongtuh, hatü Shembüpalei shemei khümnüng peipü Judah jilathü kübü nanglakthü kü ha etuh. Ngei nüng kü epü lemphü eyeishuoh; shah phahükao te-am.

JEREMIAH 7:12

Shongpü ngei kü khümhen lingpü shing Shilohlei heih-ei veituh, hatü Israel nanglaki mang thahpü nangkü ngei mehe dükshuohpa ha kü veituh.

JEREMIAH 7:14

hanangkü ammi mongnyangpü, ngei kü khümpü shem kü ngei Shiloh kü dükshuohpü keiha ngei ambü ampa kü shuohpü hapa shing kü dükhen.

LEVI 17:4

büpa iythüng anpü nangkü büpa shahkung kü pungteke; hanangkü büpa nanglakthü khong kübü katitükhen.

BHEI-IE 7:89

Mechem Mosai ashakshem mongei Shembüpa mü shah eteihen shüpa, büpai Vangpüshuwpü Pela shang kübü cherubim nyi aa kübü ngeü vamei Shembüpai büpa kü eshuohpü büpai dan, hatü büpai Shembüpa mü shah etei.

SHAHKÜP 12:11

Hahepak kü Shembüpai büpa khümhen shingvaishi shing hük jephahen, hatü amphongi ngei epü lemphüli: jakpü moila, lebü lanei shuohpü moila, ammei ankhong moila, hatü ammi Shembüpa kü shuohhen shei lahpü lebü moilathü kemei koei peihen.

SHAHKÜP 12:13

Ammei jakpü moila ammi mongpü shing kü neshuohhen kenhingtuh.

SHAHKÜP 12:18

Shembüpa, ammei Kahvang touei am hatü ammei hapeüthü, ammei aathü hatü ammei jilalei nyupü Levi am kemei Shembüpa, ammei Kahvangi jepü shingei hathü moilathü hahhen, hatü halei ammi dükpü lemphüli shingvaishi mongongteihen.

SHAHKÜP 12:4

Hathü nanglakthüi jomei kahvang kü khümpükei ammi Shembüpa, ammei Kahvang kü tekhüm.

SHAHKÜP 14:23

hatü Shembüpa, ammei Kahvangi büpa khümhen shingvaishi jepü shingei daiyei büpa touei ammei hahying, yiü hatü olive mainga, ammei shongei shaanpü mohoh hatü mi hathü hahtuh. Shembüpa, ammei Kahvang kü düngei dhüm shuohhen shingvaishi hapa düktuh.

SHAHKÜP 14:24

Shembüpai am kü moihimanpü doulem kübü ankhong moila Shembüpa, ammei Kahvangi jepü khümshingei koei daihen ahshi taijema,

SHAHKÜP 15:20

Vangbong ieyei am hatü ammei shemongi Shembüpa ammei Kahvang touei büpai jepü khümshingei hathü hahhen.

SHAHKÜP 16:11

Shembüpa, ammei Kahvang touei ammei hapeüthü, ammei aathü, hatü am mü chemi nyupü Levi am, yenpa-oupathü, hashihhathü hatü vaümnyüthü mü mongongteituh. Hayü büpai jepü khümshingei motuh.

SHAHKÜP 16:15

Shembüpai jepü khümshingei Shembüpa, ammei Kahvang kü dhüm shuoh-ei hapa Hahvet Mo nyih nyet motuh. Mehenangkü Shembüpa, ammei Kahvangi ammei maanvaivang kü hatü ammei lakdou lemphü kü moihimanphahen, hatü hapai am mongongpü changhühen.

SHAHKÜP 16:2

Shembüpai büpa kü khümhen shingvaishi jepü shing hük touei ammei mohoh nevaijü mi jüei Shembüpa, ammei Kahvang kü dhüm shuoh-ei Hompü Mo motuh.

SHAHKÜP 16:6

shejao Shembüpa, ammei Kahvangi büpa kü khümhen jepü shingei Hompü Mo shingvaishi yem jühen. Ammi Ijip leipü layaongei daipü nyih hepak jiüshi om kü ha jütuh.

SHAHKÜP 16:7

Shembüpa, ammei Kahvangi jepü khümshingei hapa cheütuh hatü hahtuh, hatü nepphei shemei leituh.

SHAHKÜP 17:8

Ammi shahphenpü uoshingei nedanteipü hanei koei peipüiy-aongmashateipü nevaijü mophimo heanlem nangkü aetteipü, nevaijü üpteilenteipü nang ammi shahphen neshuoh-aokhen mü vamjema, Shembüpa, ammei Kahvangi jepü khümshingei yah-ei deituh,

SHAHKÜP 18:6

Levi am hüki Israel kü büpa nyupü jila kübü Shembüpai jepü khümshing hükei daihüjema,

SHAHKÜP 26:2

Shembüpa, ammei Kahvangi am kü shuohpü kahdok kü vampü lemphüli kübü shongpü betjük hanei mühdow kü shihtü Shembüpa ammei Kahvang khümshingei deituh.

SHAHKÜP 31:11

Mechem Israel am peü Shembüpa, ammei Kahvangi jepü khümshingei peihenshang, jomi danshi nüngi hapa shahkung ietuh.

KOLOSI 2:9

Mehenangkü büpa kü Kahvang nyingnyoi peü lomei nyüke,

HEBREW 12:22

Shejao amphongü Zion Kahshang, vangsho amei Jerusalem, vanyangyem Kahvangei chingnyülei peiteke. Amphongü vangsho phongshan haja haja mongongei thaipü touei,

JOSHUA 18:1

Hapheikü Israel am khong kemei Shilohlei thai, hatü halei ashakshem veteke. Jomi vehok neü, hatü kahdok jom phangkü tuh.

JOSHUA 22:11

Mechem jomi Israel kahdok lemei Jordan yopailei Kanan viong Gelilothlei moidü hük lingteke shei Israel ami danpa,

JOSHUA 9:27

Hapa nyih mü leitü Gibeon amü Israel am shing hatü Shembüpalei moidü shingei pü kakpüthü hatü yung shopüthü lei, hatü shinnyih thahshi jom hapakei nyüke.

SHAKEI VAMPÜ 14:1

Hapheikü ngei veishuohjü Zion Kahshangei Mi Cheha yaongshi nyu, hatü büpa mü jom 144, 000 büpalei men hatü Chepalei men shangba kü nyangpüthü nyuteke.