SHAHKÜP 12:30 - DAÜLANGPÜ LAIHING (BSI)

³⁰ Shembüpai jatthü mahtükpheikü jomei kahvang nang yemei, “Ha jatthüi jomei kahvang kü mekei khümhampa yo? Hamiyao hapakei khümhen hih” shei baong yemei vongshüh kü nevühen kentuh.

SHAHKÜP 12:30 Iomraidhean Croise

2 ONGPATHÜ 16:10

Mechem Ahaz ongpai Assyria ongpa Tiglath-Pileser mü pongteinüng Damaskalei heihpa, büpai Damaskalei moidü hük eeyei Uriah ngongpa kü hapa moidülei jung kemei meishi nih-ei nyangtü leishih.

2 ONGPATHÜ 17:15

Jomi büpalei shahkungnyüthü nebangi mong vaan, hatü büpai chebü chepa am mü vangteishuwteipü, hatü büpai jom kü shuohpü shahvüng yaktük. Jomi yahlak neshiüpü lajeithü kü khümei yahlak neshiüi leidai. “Jomi dükpükei tedük” shei Shembüpai jom kü ngeükhüam shuohlangmao jomi jom ngeih-ei shonei nyupü jatthülei deiaei nyuhteke, hatü Shembüpai tedük shei epü douthü dük.

MÜLANGPÜ 23:24

ammi jomei kahvang kü aümei shaei nekhümhen nevaijü jomei dükhiling kü nemühen, shejao ammi jomei daülangpü shemnyüthü khih mü benei mangtüktuh.

JEREMIAH 10:2

Shembüpai hapakei enyüke: “Lebü jatthülei lem kü tekam, nevaijü phumshangei vampü nyangeihepü douthü kü lebü jatthüi nyemjao ammi tenyem.

EZEKIEL 11:12

Shejüang ammi ngeiyü, Shembüpa shei nyinghen; mehenangkü ammi ngelei shahkung nebang hatü ngelei vanglem yaktük; shejao ngeihpü shonpü jatthülei vanglem aimü dükteke.”

EZEKIEL 20:28

Ngei jom kü shuohhen shei lahpü kahdokei mechem ngei jom müei leipa, jomi melemei shangtao hatü phenlak ngetpü püthü eepa, hatouei jomi jakpü moila shuohhampeih; halei jomi vong meipü ngü bühüei, yiü moila shuohhampeih.

EZEKIEL 20:32

Ammei mongei, “Jenao mih jatthü kei nyushah, yaong hi pü chongphopü jatthü kei nyushah” shei deihpü ha nejiüküpih.

LEVI 18:3

Ammi am nyupü Ijip kahdokei jomi dükpü tedük, hatü shaang ngei am müei leipü Kanan kahdokei nyupü ami lingpükei teling. Ammi jomei dükhiling vanglem pheikü temü.

LEVI 18:30

Am shekü nyupüthülei vanglem hatü jomi dükpükei jiühitnalaipü dou üpaiyao nedükhen shingvaishi ngelei shah ammi bangtuh, hatü hathüi am tenyethü. Ngeiyü Shembüpa, ammei Kahvang.

BHEI-IE 33:52

hapa kahdokei nyupü shennyakthü peü changtükkemtuh. Jomei lajeithü hatü yaongnaüyathü hatü jomei khümshing kemei bentüktuh.

ROM SHAHSHA APPÜ 12:2

Ammi hapa kahdoknyü kü tevukdai shejao ammei mong ja leipai jeilei yeiyatuh, shejüang Kahvangi mehe mong, mehe mei, mehe yah-aokbenüng hatü changpüshapü nyüpa, ha baong hanei nyingaokhen.

EPHESIA 4:17

Shaang ngei Shembüpalei men kü ha kangei enyeih: am hajük kü Kung am nyupükei yahlak neshiüpü chudeih mongdang jüktü tenyu.

SHAHKÜP 11:16

Lebü kahvangthü kü khümhen hatü chongphohen shingvaishi Shembüpa toueipü lemnyong kü tedai.

SHAHKÜP 12:29

Ammi jatthülei kahdok neüei yahshingkü Shembüpa, ammei Kahvangi jom mahtükhen, hatü ammi hapa kahdok yah-ei halei uohen.

SHAHKÜP 12:31

Ammi Shembüpa, ammei Kahvang kü jomei vanglem aimü tekhüm; mehenangkü jomi jomei kahvang kü khümshingkü Shembüpai jiühitbenüng doulem kemei düknyüke. Jomi laophülei hapeüthü jüei jomei kahvang kü moila shuohnyüke.

SHAHKÜP 18:9

Mechem Shembüpa, ammei Kahvangi am kü shuohpü kahdokei shühenshang, haleipü jatthüi dükteipü jiühitnalaipü douthü tenyuhtei.

SHAHKÜP 20:18

Hei nevaijema, jomi jomei kahvangthü kü khümshing kü dükteipü jiühitbenüng douthü kemei am kü nyuhphahen, hatü ammi Shembüpa, ammei Kahvang khüei mang thahhen.

SHAHKÜP 7:16

Shembüpa Kahvangi ammei lak kü shuohpü jatthü kemei mahtükkemtuh, hatü ammi jom kü yahyang shinshang tehu. Ammi jomei kahvang kü tekhüm; mehenangkü hapai am kü aethitai vaikahen.