SHAHKÜP 12:3 - DAÜLANGPÜ LAIHING (BSI)

³ Jomei moidüthü, daülangpü yaong shemnyüthü khih mü nihtüktuh hatü jomei Asherah kahvangthü aw kü jaktüktuh; jomei kahvang lajeithü dehtükkemtuh hatü hathü shing kübü jomei menthü thittüktuh.

SHAHKÜP 12:3 Iomraidhean Croise

1 ONGPATHÜ 14:15

Shembüpai Israel am kü bheihen, hatü yungei pingu jenlenpükei nyuhen. Büpai chebü chepa kü shuohpü hapa meipü kahdok kübü bhitükhen, hatü Euphrates yung homei haitükkemhen; mehenangkü jomi Asherah nyüha kahvangei lajeithü lingpü nangkü Shembüpa mongshih.

1 ONGPATHÜ 15:13

Büpai chebi Maakah ongla hümlungnyü vaipü kübüao katitük; mehenangkü pinnyüi jiühitnalaipü Asherah kahvangei lajei ling; Asa-i lajei mangtük, hatü Kidron Kahjilei aw kü jaktük.

2 ONGPATHÜ 11:18

Hapheikü nanglakthü peü kemei Baal kahvangei phopshemei heih-ei haleipü moidüthü, hatü lajeithü peü khih mü mangtük, hatü moidü tüngei Baal kahvangei ngongpa Mattanao jomi jütük. Ngongpai Shembüpalei shem kü yombüthüi yomei tuhphong.

2 ONGPATHÜ 18:4

Büpai vaümchongthü, daülangpü yaongthü, hatü Asherah kahvangei lajeithü yaktük. Büpai Mosai lingpü melangnyiam biü khih mü mangtük; mehenangkü hapa hepak thahshi Israel ami hapa kü ayingshü jakei moila shuohhamteke. Hapa kü Nehushtan shei nyükteke.

2 ONGPATHÜ 23:14

Josiah ongpai yaong shemnyüthü nihtükkem, Asherah nyüha kahvangei lajeithü bapei yaktük, hatü büpai hapa shingthü kü shennyakei vangi matük.

2 SHÜPPÜKENGPÜ 14:2

Asa-i Shembüpa, büpalei Kahvang touei mehe mei hatü jiü, ha dük.

2 SHÜPPÜKENGPÜ 14:3

Büpai kung kahvangthülei moidü, vaümchong, daülangpü shemnyüthü, Asherah nyüha kahvangei lajeithü mangtükkem,

2 SHÜPPÜKENGPÜ 19:3

Shejoongpa nüng kü meipü hük nyupeyü nüngi kahdok kübü Asherah kahvang lajeithü yaktük, hatü nüngei mongdangi Kahvang yempü ha khih” shei e.

2 SHÜPPÜKENGPÜ 31:1

Mechem moei kempa, halei thaipü Israel am kemei Judah jilathülei yanei daiyei daülangpü yaong shemnyüthü hatü Asherah nyüha kahvangei lajeithü mangtük. Jomi Judah, Benjamin hatü Ephraim hi Manasseh kü nyupü vaümchong hatü moidü peü bentük. Jomi hathü peü mangtükpheikü Israel ami laophü laophülei ching hatü kahphei shemshing yemei leidaikem.

2 SHÜPPÜKENGPÜ 34:3

Büpa vanglem lempü bong shetpabü maanpü hashih hük nyushi büpai chebü Davidei Kahvang yemhen chongpang. Bong anpünyipabü kü büpai Judah hatü Jerusalem kübü vaümchongthü, Asherah nyüha kahvangei lajeithü hatü lebü lajeithü peü mangei yaktükhen chongpang.

MENVIH KESHO 16:4

Üami lebü kahvangthü phei dainya, shanghah nyeinya dahahnyeih; Jomei iy moila kü ngei hean neyahhen; ngei jomei kahvangthü kü nekhümhen.

MÜLANGPÜ 23:13

Ngei am kü epü lemphüli kenhingei bangtuh. Ammi lebü kahvang kü tephop; ammei ju kübü ha jung epü tedanhü.

MÜLANGPÜ 23:24

ammi jomei kahvang kü aümei shaei nekhümhen nevaijü jomei dükhiling kü nemühen, shejao ammi jomei daülangpü shemnyüthü khih mü benei mangtüktuh.

MÜLANGPÜ 34:13

Ammi jomei moidüthü, jomei daülangpü shemnyüthü, hatü jomei Asherah nyüha kahvang lajeithü nihtüktuh” shei e.

ISAIAH 27:9

Hanangkü Jakobei mang tüktükhen, hatü hapayü jomei mang kemei tüktükpü betjük vaihen. Mechem yaongdhon khih mü ngümpü keiha büpai moidü yaongthü peü linghenshang, nyüha kahvang Asherahlei lajeithü, nevaijü hapalei moidüthü hükao yaongshi nechongkahen.

JEREMIAH 17:2

Jomei hapeüthüi dangkao püdhüm hatü shangtao shaopü peü kü jomei moidü hatü Asherah kahvang lajeithü kü khümnyüke.

HOSEA 2:17

Ngei pinnyülei ju kübü Baal menthü yaktükhen, hatü jomi hapa men ne-yei nenoteihen.

MIKA 5:14

Ngei ammei kahdok kübü Asherah kahvang lajeithü bhiyei yaktükhen, hatü chingnyüthü mangtükhen.

ZEKHARIAH 13:2

Hapa nyih kü, deih-ei danghen shingvaishi kahmük kü nyupü lajeithü men peü katitükhen, hatü kahmük kü nyupü thibüthü hatü nedaüpü laanghathü changtükhen,

BHEI-IE 33:52

hapa kahdokei nyupü shennyakthü peü changtükkemtuh. Jomei lajeithü hatü yaongnaüyathü hatü jomei khümshing kemei bentüktuh.

SHAHKÜP 12:4

Hathü nanglakthüi jomei kahvang kü khümpükei ammi Shembüpa, ammei Kahvang kü tekhüm.

SHAHKÜP 7:25

Ammi jomei kahvangei lajeithü aw kü jaktükhen. Hathü shihpü hon hi nginthü kü amphongi mük tehüh, hatü amphongi laophü shing ha teyah; hei nevaijema hapai aethitai vaikahen, hatü Shembüpa, ammei Kahvang touei hapayü jiühitbenüng nyüke.

SHAHKÜP 7:5

Ammi jom kü hapakei dükeishuoh: Jomei moidüthü bentüktuh; jomei daülangpü yaong shemnyüthü nihtüktuh; jomei Asherah kahvang lajei mangtüktuh, hatü jomei lajeithü aw kü jaktüktuh.

SHAKEI VAMPÜ 13:1

Hapheikü ngei yungching leipü yemha hük vamkei-i ee, hatü büpa kü vaung an hatü shangjing nyet nyuteke, hatü hapalei vaung ieyei kü athen hükbaong thenshi nyu, hatü shangjing ieyei kü Kahvang kü thaüvaüdhemthepü menthü nyuteke.

SHAHPHENBÜTHÜ 2:2

Ammi hapa kahdok kü nyupü nanglakthü mü vangpüshuwpü teling. Ammi jomei moidüthü bentüktuh shei etepih, shejao ammi ngei epü nebang. Mehekei ammi hapakei dükpa?