SHAHKÜP 12:28 - DAÜLANGPÜ LAIHING (BSI)

²⁸ Am hatü ammei hapeüthü meishi nyuhen shingvaishi ngei am kü shuohpü shahkungthü dükhen kentuh; mehenangkü Shembüpa, ammei Kahvang touei mehe mei hatü jiüpa, ha amphongi dükhen.

SHAHKÜP 12:28 Iomraidhean Croise

2 ONGPATHÜ 17:31

hatü Avva shennyakthüi Nibhaz hatü Tartak, hatü Sepharvaim ami jomei Sepharvaim kahvangthü Adrammelekh hatü Anammelekh kü laophülei hapeüthü aw kü jakei moila shuoh.

2 SHÜPPÜKENGPÜ 7:17

Nüngao ampa Davidi kampü keiha ngei epü peü dükei ngelei shahkung hatü vanglemthü dükei ngei mü kamjema,

NEHEMIAH 1:5

Hahepak kü ngei, “Oh Shembüpa, vangpüshuwpü jiüshangi nopü hatü üami nüng kü bam hatü nüngei shahkung jiüshi düknya, hathü kü bampü hupü longpü hatü nyempühanpü vangsho Kahvang;

MENVIH KESHO 105:45

Hathü kemei jomi büpalei shahkungthü banghen, hatü dükhen nangkü ha vampeih. Shembüpalei men longtuh.

MÜLANGPÜ 34:11

Shinnyih ngei am kü shuohpü shahkungnyü ven bangtuh. Ngei am toueipü Amor am, Kanan am, Hit am, Perizz am, Hiv am, hatü Jebus am changtükhen.

CHONGVENBÜ 8:12

Mang shennyakthüi mang kho hükpa düklangmao yangnyu den lushi nyunyüke, shejao üami Kahvang kü nyemnya, jomphong-üng meipüba nyuhen; mehenangkü jomi Kahvang kü nyemnyüke.

EZEKIEL 37:24

Ngei chongphobü David keipü ong hüki jom kü ong vaihühen, hatü jom peü shak kü mi yombü hük mon nyuhen. Jomi ngelei shahkungnyü phei mühen, hatü ngelei vanglemthü kenhingei noteihen.

LEVI 19:37

Ngei epü hatü ngelei shahkungnyüthü peü düktuh, hatü ha kü mütuh. Ngeiyü Shembüpa.

JOHAN 15:10

Ammi ngelei shahkungthü bangjema, ngei Opalei shahkungthü bangei büpa bampü kü nyupükei amphongao ngei bampü kü nyuhen.

JOHAN 15:14

Ngei am kü epü dükjema amphongü ngelei küphüthü.

JOHAN 15:3

Ngei am kü epü shah-i am daüdaiteke.

SHAHKÜP 12:25

Am hatü ammei hapeüthü meishi nyuhen shingvaishi iy tehah; mehenangkü amphongi Shembüpa touei mehe jiüpa, ha dükhen.

SHAHKÜP 24:8

Mechem am kü nemeipü ngomdin vamkahenshang, Levi am ngongpathüi epü jiüshi dükhen kentuh. Ngei jom kü eshuohpükei jiüshi düktuh.

SHAHKÜP 4:40

Am hatü ammei hühihathü meishi nyuhen shingvaishi hatü Shembüpa, ammei Kahvangi den shing am kü shuohpü kahdok kü den luangi nyuhen shingvaishi shinnyih ngei am kü shuohpü shahkungthü bangei düktuh.

SHAHKÜP 5:33

Amphong nyuhen shingvaishi shuohpü kahdokei yangnyu shoshoei daeisheyei yüluei nyuhen shingvaishi Shembüpa, ammei Kahvangi epü lem kü kamtuh.”