SHAHKÜP 12:12 - DAÜLANGPÜ LAIHING (BSI)

¹² Halei amphongi Shembüpa, ammei Kahvang touei ammei hapeüthü, ammei aathü hatü ammei jilalei nyupü Levi am mü mongongtuh; Levi amü jomei kahdok hayaoha neshiü shei deihtuh.

SHAHKÜP 12:12 Iomraidhean Croise

1 ONGPATHÜ 8:66

Nyihphei büpai nanglakthü kemei leitük; jomphongi ongpa kü menvih shuohtü mongongshi shemei leidaikem; mehenangkü Shembüpai doumei kemei büpalei chongphobü David hatü büpalei Israel nanglakthü kü dükteke.

2 SHÜPPÜKENGPÜ 29:36

Hezekiah hatü nanglakthüi Kahvangi lomi dou dükpü nangkü mongong.

NEHEMIAH 8:9

Hapheikü Nehemiah governor, ngongpa hatü nyangbü Ezra, Levi am shahkung nyuhpüthüi nanglakthü kü, “Shinnyih-ü Shembüpa, ammei Kahvang touei daülangpü nyih; am tethep” shei e. Mehenangkü nanglakthüi shahkungi mehe enya, ha danei longi thepei nyu.

MENVIH KESHO 147:1

Shembüpa vihtuh! Jenei Kahvang kü menvih kesho lokhenü meshük meipüang; mehenangkü büpayü phahjipü, hatü menvih kesho lokhenü shangpeih.

LEVI 23:40

Hapa shongpü nyih kü ammi betjük pü kübü meipü betjük vaümhen, melah hatü log phenlak dakei, phenlak ngetpü pükao dakei, hatü yaongnyim pünyim bhiyei ow lingtü nyih nyet Shembüpa, ammei Kahvang tou kü ammi mongongmonglehen.

BHEI-IE 18:20

Shembüpai Aaron kü, “Nüngi mepa douhinangao mükjüp nedanghen, hatü Israel amei kahdok phaihan nüng kü neyahphahen. Shembüpa, ngeiyü nüngei mükjüp” shei eteke.

BHEI-IE 18:26

Levi am kü hapakei etuh shei eteke: “Mechem ammi Israel am leipü ankhong Shembüpai amphong kü mükjüp kei shuohpü danghenshang, ammi Shembüpa kü ankhong kübü ankhong phaihan hük hayaoha moila kotuh.

JOHAN 13:8

Peteri büpa kü, “Nüngi ngelei la demü tephukei” shei e. Jisui, “Ngei nüng mangpaü thahshi nüng ngei mü phaihan neshiü” shei e.

PHONGSHANTHÜ DOU 8:21

Hapa kü nüngei phaihan nevaijü hean neshiüpüh; mehenangkü Kahvang touei nüngei mongdang nejiüang.

SHAHKÜP 10:9

Hanangkü Levi ami lebü jatthüi kei kahdok nedang; Shembüpa, ammei Kahvangi lahpükei jomi dangpeyü jomi Shembüpalei ngongpathü vaihen mükjüp dangpeih.)

SHAHKÜP 12:18

Shembüpa, ammei Kahvang touei am hatü ammei hapeüthü, ammei aathü hatü ammei jilalei nyupü Levi am kemei Shembüpa, ammei Kahvangi jepü shingei hathü moilathü hahhen, hatü halei ammi dükpü lemphüli shingvaishi mongongteihen.

SHAHKÜP 12:19

Ammei kahdokei nyupü thahshi Levi am nebetükhen kentuh.

SHAHKÜP 12:7

Halei, Shembüpa, ammei Kahvangi ammi dükpü lemphü kü moihimanpü nangkü am hatü ammei shem am kemei chemi hahyinghen hatü mongonghen.

SHAHKÜP 14:29

Hapa hahyingü ammei jilalei nyupü Levi am shingvaishi nyüke; mehenangkü jomei mükjüp meheyao neshiü, hatü benhathü, hashihhathü hatü vaümnyüthü shingvaishi nyüke. Jom peiyei hüshemshi hahhen, hatü Shembüpa, ammei Kahvangi ammi dükpü lemphüli kü moihimanphahen.

SHAHKÜP 16:11

Shembüpa, ammei Kahvang touei ammei hapeüthü, ammei aathü, hatü am mü chemi nyupü Levi am, yenpa-oupathü, hashihhathü hatü vaümnyüthü mü mongongteituh. Hayü büpai jepü khümshingei motuh.

SHAHKÜP 16:14

Ammei hapeüthü, ammei aathü hatü am mü chemi nyupü Levi am, yenpa-oupa, hashihhathü hatü vaümnyüthü mü mongongteituh.

SHAHKÜP 18:6

Levi am hüki Israel kü büpa nyupü jila kübü Shembüpai jepü khümshing hükei daihüjema,

SHAHKÜP 26:11

Am hatü ammei shemongsha kü Shembüpa, ammei Kahvangi lemphü doumei shuohpü shingvaishi am hatü Levi am hatü am mü lakeiloiyei nyupüthü peü mongongtuh.

SHAHKÜP 26:12

Vangbong jempabü ieyei kü ammei lak kü vampü lemphü kübü ankhong moila Levi am, benha, hashihha, hatü vaümnyüthüi moh-ei hahhen shingvaishi moilatuh.

SHAHKÜP 27:7

Halei mongjempü moila shuohtuh hatü Shembüpa, ammei Kahvang touei am hahyingei mongongtuh,

JOSHUA 13:14

Shejao büpai Levi am phang kü mükjüp nehan; mehenangkü Shembüpa, Israel amei Kahvang kü jakei shuohpü moilayü jomei phaihan vaihen shei büpai jom kü eteke.

JOSHUA 13:33

Shejao Levi am phang kü Mosai mükjüp nehan; büpai jom kü epükei Shembüpa, Israel Kahvang jomei mükjüp nyuteke.

JOSHUA 14:4

Mehenangkü Josephei hapeüthü Manasseh hatü Ephraim shei jat nyi vamteke. Levi ami nyuhen chingthü hatü yemhimakthü kü het ühhen phaü mü lenei kahdok mükjüp nedang.