SHAHKÜP 12:11 - DAÜLANGPÜ LAIHING (BSI)

¹¹ Hahepak kü Shembüpai büpa khümhen shingvaishi shing hük jephahen, hatü amphongi ngei epü lemphüli: jakpü moila, lebü lanei shuohpü moila, ammei ankhong moila, hatü ammi Shembüpa kü shuohhen shei lahpü lebü moilathü kemei koei peihen.

SHAHKÜP 12:11 Iomraidhean Croise

1 ONGPATHÜ 12:27

Hathü nanglakthüi Jerusalemei Shembüpalei Phopshemei moila shuohhen hapakei aongteijema, jomphongi shao Judah am Rehoboam ongpa, jomei shembü kü mong hahdaihen khih. Jomphongi ngei jüphongtepü Rehoboam ongpa touei lepdaihen khih” shei deih.

1 ONGPATHÜ 8:13

Ngei nüng shing müknyinshekhangpü shem hük, nüng düngei nyuhen shing shem hük vetepih” shei e.

1 ONGPATHÜ 8:16

Ngei ngelei Israel nanglakthü Ijip kahdok leipü müei leipü nyih kübü shinnyih thahshi ngei kü khümhen shingvaishi ngelei men kü Israel kahdok kü chingnyü hükao Phopshem vehen nejeangpih shejao nanglak shak kü ong vaihen ngei David jepeih” shei e.

1 ONGPATHÜ 8:29

“Ngelei men hatouei nyuhen” shei nüngi epü shingkü nüngei chongphobüthüi hapa shingei phoppü nüngi danlangphahen shangmü nyakhingai thüngei nüngei müki hapa Phopshem philei veishi nyukei.

2 ONGPATHÜ 18:22

Shao nüngi ngei kü, ‘Hami Shembüpa, hamei Kahvang kü mongnyangnyeih’ shei ejema, Judah hatü Jerusalem kü, ‘Ammi Jerusalemei hapa moidü touei khümtuh’ shei etü hapalei vaümchongthü hatü moidüthü Hezekiah-i yaktükpü ha nevaipü je?

1 SHÜPPÜKENGPÜ 22:1

Hanangkü Davidi, “Shembüpa Kahvangei shem hatü Israel am shingvaishi jakpü moila shuohteipü moidüyü hatouei nyuhen vaipü khih” shei e.

2 SHÜPPÜKENGPÜ 6:20

Nüng kü khümhen shei epü shing hapa phopshem kü nyihnüng yanüng shei mük vamei veishih. Hapa shing philei nüngei chongphobüi phoppü danlangshih.

2 SHÜPPÜKENGPÜ 7:12

Hapheikü yanüng Solomon touei Shembüpa peiyei büpa kü, “Ngei nüngi phoppü dantepih, hatü hapa shingü ngei kü moila shuohhen shing shei ngei jetepih.

EZRA 6:12

Üpa shennyaki hapa shahkung nebanghen, hatü Jerusalem leipü phopshem mangtükhenshang, büpa kü khümhen shingvaishi Jerusalem jepü Kahvangi ong nevaijü nanglak büpai yaktükhen. Ngei, Darius-i hapa ngeükhüam shuohnyeih. Hapayü kenhingshi düktuh.

MENVIH KESHO 100:2

Mongongpai Shembüpa khümtuh; büpa nyushingei kesho lokyaki peikei.

MENVIH KESHO 116:17

Ngei nüng kü menvihpü moila shuohhen, hatü Shembüpalei men kü nyükhen.

MENVIH KESHO 66:13

Ngei nüngei phopshemei jakpü moila koei peihen; nüng kü lahtükpü ngei dükhen.

MENVIH KESHO 78:68

shejao büpai Judah jat, büpai bampü Zion Kahshang jeteke.

MÜLANGPÜ 25:8

hathü yah-ei ngei jom mü nyuhen shingvaishi daülangpü shing hük lingshih.

MÜLANGPÜ 29:45

Ngei Israel am khong mü nyuhen hatü ngei jomei Kahvang vaihen.

JEREMIAH 7:12

Shongpü ngei kü khümhen lingpü shing Shilohlei heih-ei veituh, hatü Israel nanglaki mang thahpü nangkü ngei mehe dükshuohpa ha kü veituh.

LEVI 17:4

büpa iythüng anpü nangkü büpa shahkung kü pungteke; hanangkü büpa nanglakthü khong kübü katitükhen.

SHAHKÜP 12:13

Ammei jakpü moila ammi mongpü shing kü neshuohhen kenhingtuh.

SHAHKÜP 12:14

Am jatthülei kahmük hükei Shembüpai jephopü shingei mon ngei am kü epü lemphüli moilatuh.

SHAHKÜP 12:18

Shembüpa, ammei Kahvang touei am hatü ammei hapeüthü, ammei aathü hatü ammei jilalei nyupü Levi am kemei Shembüpa, ammei Kahvangi jepü shingei hathü moilathü hahhen, hatü halei ammi dükpü lemphüli shingvaishi mongongteihen.

SHAHKÜP 12:21

Shembüpa, ammei Kahvangi büpa kü khümhen jepü shing am nyushing kübü taishi nyujema, Shembüpai am kü shuohpü mohoh hatü mithü jüei am nyushingei ammi hahhüpüshük hahhen aok.

SHAHKÜP 12:26

Shembüpa kü ammi shuohhen shei lahpü moilathü Shembüpai jepü khümshingei koei peituh.

SHAHKÜP 12:5

Am jatthülei kahmük peü khongkü Shembüpai büpalei men tuhhen shingvaishi shing hük jehen; halei nanglakthü peü peiyei büpa kü khümhen.

SHAHKÜP 14:23

hatü Shembüpa, ammei Kahvangi büpa khümhen shingvaishi jepü shingei daiyei büpa touei ammei hahying, yiü hatü olive mainga, ammei shongei shaanpü mohoh hatü mi hathü hahtuh. Shembüpa, ammei Kahvang kü düngei dhüm shuohhen shingvaishi hapa düktuh.

SHAHKÜP 15:19

Shembüpa, ammei Kahvang shingvaishi shongei shaanpü mohoh hatü mi chebaonghathü peü hayaoha khaatei tuhtuh; shongei shaanpü mohoh chebaonghai dou tedükhü nevaijü shongei shaanpü mi chebaongha kübü mum tejap.

SHAHKÜP 15:20

Vangbong ieyei am hatü ammei shemongi Shembüpa ammei Kahvang touei büpai jepü khümshingei hathü hahhen.

SHAHKÜP 17:8

Ammi shahphenpü uoshingei nedanteipü hanei koei peipüiy-aongmashateipü nevaijü mophimo heanlem nangkü aetteipü, nevaijü üpteilenteipü nang ammi shahphen neshuoh-aokhen mü vamjema, Shembüpa, ammei Kahvangi jepü khümshingei yah-ei deituh,

SHAHKÜP 18:6

Levi am hüki Israel kü büpa nyupü jila kübü Shembüpai jepü khümshing hükei daihüjema,

SHAHKÜP 23:16

Büpai napü shing nevaijü büpai jepü jila hük kü am mü nyuhütuh, hatü büpa kü nemei-i tedük.

SHAHKÜP 26:2

Shembüpa, ammei Kahvangi am kü shuohpü kahdok kü vampü lemphüli kübü shongpü betjük hanei mühdow kü shihtü Shembüpa ammei Kahvang khümshingei deituh.

SHAHKÜP 31:11

Mechem Israel am peü Shembüpa, ammei Kahvangi jepü khümshingei peihenshang, jomi danshi nüngi hapa shahkung ietuh.

JOSHUA 18:1

Hapheikü Israel am khong kemei Shilohlei thai, hatü halei ashakshem veteke. Jomi vehok neü, hatü kahdok jom phangkü tuh.

JOSHUA 22:11

Mechem jomi Israel kahdok lemei Jordan yopailei Kanan viong Gelilothlei moidü hük lingteke shei Israel ami danpa,

JOSHUA 22:16

“Shembüpalei nanglakthü kempai hapakei enyüke, ‘SHEMBÜPABÜPA khüei shinnyih am nyingi moidü lingei Shembüpa phei müpü kübü lepdaihen mü Israel Kahvang khüei ammi mehekei mang dou dükpa?

JOSHUA 22:23

SHEMBÜPAleipü lepdaihen shingvaishi ham nyingi moidü lingei, halei jakpü moila, hahying moila, nevaijü mongjempü moila shuohhen lingpü vaijema, Shembüpai shinnyih-üng ham kü hanghi nyemshuoh.

JOSHUA 22:27

shejao am hatü ham aa kü, hatü pheinaü den shingvaishi hamao jakpü moila, lebü moilathü hatü mongjempü moila koshi Shembüpalei moidülei chongphonyeih shei nyinghühen, hatü ammei hühihathüi hammei hühihathü kü ngoikahen nyih kü, ‘Ammi Shembüpa mü hean nenyupih’ shei ne-ehen shangmü denpü vaihen shingvaishi moidü lingshah shei eteipeih.”

JOSHUA 22:29

“Shembüpa khüei yaonghen, shinnyih büpa phei müpü kübü lepdaihen, Shembüpalei ashakshem mü lenei moidü lingei halei jakpü moila, hahying moila nevaijü lebü shuoh-ei lepdaihenü deih-eiyao neshiüpih” shei e.

JOSHUA 9:27

Hapa nyih mü leitü Gibeon amü Israel am shing hatü Shembüpalei moidü shingei pü kakpüthü hatü yung shopüthü lei, hatü shinnyih thahshi jom hapakei nyüke.

1 SAMUEL 1:21

Mechem Elkanah hatü büpalei shem am kemei Shembüpa kü vangbong dohpü moila shuohhen hatü büpai lahpü dükhen aongpa,