SHAHKÜP 10:21 - DAÜLANGPÜ LAIHING (BSI)

²¹ Büpayü ammei Kahvang, hatü büpai am shingvaishi longpü hatü nyembenüng yashanyale dükpü ammei müki eeteke.

SHAHKÜP 10:21 Iomraidhean Croise

2 SAMUEL 7:23

Hatü nüngei nanglak Israel kei kahdoknyü kü jat hük Kahvangi laophü lompü nanglak vaihen angei leipü, hatü laophü shing men tuhhen, hatü laophülei nanglak touei lebü jatthü hatü jomei kahvangthü changtüktü jomphong shing longpü hatü nyempühanpü dou dükpü üpa nyüpa?

MENVIH KESHO 109:1

Nüng nenmü tenyudai, Oh ngei menvihpü Kahvang.

MENVIH KESHO 145:6

Nüngei wong kohpü douthü jung baonghen, hatü nüng longpü jung ngei baongeiyaühen.

MENVIH KESHO 148:14

Büpai laophülei nanglakthü shing vaung; büpa kü hinglempüthü, hatü büpa yopailei nyupü Israel nanglakthü shing vihpülüpü vamhüteke. Shembüpa men longtuh!

MENVIH KESHO 22:3

Shejao nüngü Daülangpü Hük keiha ong uoshing kü uonyüke; nüngü Israel ami vihpüba.

MÜLANGPÜ 15:2

Shembüpayü ngelei wong hatü ngelei kesho, hatü büpa ngelei yemleipüba nyüke. Büpa ngelei Kahvang hatü ngei büpa men longhen; Ngelei opalei Kahvang, hatü ngei büpa longei anshihhen.

MÜLANGPÜ 34:10

Hahepak kü Shembüpai, “Ngei am mü vangpüshuwpü hük lingnyüpeih. Kahdok shak kü hatü mepa jat kao chemao mangdükpü yashanyale dou hük ngei nüngei nanglakthü tou kü dükhen, hatü am mü chemi shennyakthü peüi ngei, Shembüpalei dou eehen; mehenangkü ngei am kü nyembenüng dou dükhen.

ISAIAH 60:19

Hajük kü nyihnüng am shingvaishi vanghenyü, nevaijü yanüng shing lennyü vangngai nenahen; Mehenangkü Shembüpayü nedohnetenpü ammei vangngai, hatü Kahvangü ammei müknyinshekhang vaikahen.

ISAIAH 64:3

Hami nedeihnelepü kü mechem nüngi nyempü hanpü dou dükpa, nüng yiüjajü kahshangthü nyemei nüng touei kheüteke.

JEREMIAH 17:14

Ngei meitükshih Oh Shembüpa, hatü ngei meidaihen; ngei yangshih, hatü ngei yangdaihen; mehenangkü ngei menvih shuohpeyü nüng mon hih.

LUK SHAHSHA APPÜ 2:32

Kung am shakei vamhühen shingvaishi vangngai, hatü nüngei Israel nanglak shingvaishi müknyinshekhang.

JOSHUA 24:18

hatü Shembüpai ham toueipü jatthü kemei hatü hapa kahdok kü nyupü Amor amao omshi changtükpeih. Hanangkü hami Shembüpaüng chongphohen; büpayü hamei Kahvang hih” shei e.

SHAKEI VAMPÜ 21:23

hatü hapa chingnyülei vanghenyü nevaijü lennyü nyahen napü neshiü; mehenangkü Kahvang müknyinshekhangü hapalei vangngai, hatü hapalei awdükü Mi Cheha.

1 SAMUEL 12:24

Shembüpa kü mon nyemtuh, hatü mong kempai hinglemei büpa chongphotuh, hatü büpai am shing mehe dou longpü dükpa ha deih-ei dangtuh.