SHAHKÜP 10:20 - DAÜLANGPÜ LAIHING (BSI)

²⁰ Shembüpa, ammei Kahvang kü nyemtuh hatü büpa chongphotuh. Büpa kü wongshongi shongtuh hatü büpalei men vihtuh.

SHAHKÜP 10:20 Iomraidhean Croise

2 ONGPATHÜ 18:6

Mehenangkü büpai Shembüpa kü wongshongi shong, hatü büpa phei müpü nedoh; Shembüpai Mosa kü shuohpü shahkungnyüthü peü dük.

MENVIH KESHO 63:11

Shejao ongpayü Shembüpa kü mongonghen; üami büpalei men kü lahnya mongonghen; mehenangkü shahshem epü juthü dohtükkemhen.

MÜLANGPÜ 20:7

Ammi ngei, Shembüpa, ammei Kahvangei men angkü tenotei; mehenangkü ngei, Shembüpai büpalei men jiüjiükei noteipü kü hanghi shuohhen.

CHONGVENBÜ 12:13

Shaang lemphüli danteke; lemphüli kü shahshomü hapa khih: Kahvang nyemtuh, hatü büpalei shahkungnyüthü noteituh; mehenangkü shennyakei dousho kempü hapa khih.

ISAIAH 45:23

Ngei laophü nyingi lahtepih, daülangshemshepü kü ngelei ju kübü shah hük nyokei neleihen mü daitepih: “Peüi lashüh-i shüngei khümhen, hatü jubenyeijaang peüi ngei lahhen.”

JEREMIAH 4:2

hatü ammi, shahhing kü, hingshangpü, daülangpü kü, “Vanyangyem Shembüpa!” shei lahjema, büpai jatthü kü moihimanhen, hatü büpa kü jomi vih-eilühen, shei Shembüpai enyüke.

MATHI 4:10

Jisui büpa kü, “Lüdaituh, Kahshih! Laihingi ha enyüke: ‘Shembüpa, nüngei Kahvang kü khümtuh, hatü büpa mon chongphotuh’ ” shei e.

LUK SHAHSHA APPÜ 4:8

Jisui büpa kü, “Ha nyangei nyüke: Shembüpa, nüngei Kahvang kü mon khümtuh, hatü büpa mon chongphotuh” shei jangei e.

PHONGSHANTHÜ DOU 11:23

Mechem büpa peipa, Kahvang phahji eeyei büpa mongong, hatü büpai peü kü lanei shuoh-ei Shembüpa kü hinglemei nyuhen nangthongei e;

ROM SHAHSHA APPÜ 12:9

Bampeyü hingshangpü vaihütuh. Mehe ten ha kü jiühittuh; mehe mei ha kü shoungtuh.

SHAHKÜP 11:22

Ngei am kü shuohpü shahkungthü hingshangi bangjema, Shembüpa, ammei Kahvang kü bamei büpalei lemthü kü kamei büpa kü hinglemjema,

SHAHKÜP 13:4

Ammi Shembüpa, ammei Kahvang phei mon mütuh, hatü büpa kü dhüm shuohtuh; büpalei shahkungthü düktuh hatü ven bangtuh; büpa chongphotuh hatü hinglemtuh.

SHAHKÜP 30:20

hatü ammi Shembüpa, ammei Kahvang kü bamtuh, büpalei shah bangtuh hatü büpa kü wongshongi shoungtuh. Mehenangkü Shembüpayü ammei yangnyu nyüke, hatü büpai ammei bühipa Abraham, Isak hatü Jakob kü shuohhen shei lahpü kahdokei vangbong longi nyuhen.

SHAHKÜP 4:4

shejao am üami Shembüpa, ammei Kahvang kü hingshangi nyutepa, shinnyih thahshi yemmü nyüke.”

SHAHKÜP 5:11

Ammi Shembüpa, ammei Kahvangei men angkü tenotei; mehenangkü Shembüpai büpalei men angkü noteipü kü hanghi shuohhen.

SHAHKÜP 5:29

Jomphong kü henüng thentoimongdang jükei ngei kü nyemei ngei epü bangphei küangü jom hatü jomei hapeüthü peü den kü meishi nyuhen.

SHAHKÜP 6:13

Shembüpa, ammei Kahvang kü dhüm shuohtuh hatü büpa kü mon khümtuh, hatü büpalei men kü mon vangeishuwtuh.

JOSHUA 23:7

am mü nyupü jatthü mü tejemtei; jomei kahvangei men tenotei nevaijü vangeishuwei te-e. Ammi hapa kü chongtepho nevaijü tekhüm.

JOSHUA 23:8

Shejao am shaang nyupükei-üng Shembüpa, ammei Kahvang kü wongshongi shuongtuh.

1 SAMUEL 7:3

Hahepak kü Samueli Israel phang kempü kü, “Ammi ammei mongdang kempai Shembüpa touei lepei leipü vaijema, am toueipü kung amei kahvangthü hatü Astartes kahvangthü yaktüktuh, hatü Shembüpa kü lanei shuohtuh hatü büpa mon chongphotuh; shejema büpai am Philistia amei lak kübü yangphahen” shei e.