SHAHKÜP 10:17 - DAÜLANGPÜ LAIHING (BSI)

¹⁷ Mehenangkü Shembüpa, ammei Kahvangü kahvangthü khong kü Kahvang, hatü shembüthü khong kü Shembüpa. Büpayü longpü, wong kohpü hatü nyempühanbenüng Kahvang khih. Büpai baong hanei nenonyih hatü yawhdou neyahnyih.

SHAHKÜP 10:17 Iomraidhean Croise

2 SHÜPPÜKENGPÜ 19:7

Hanangkü Shembüpa kü nyempü am mü nyuhütuh. Kenhingshi shahphentuh; mehenangkü Shembüpa, jenei Kahvang mü shahhing ne-epü, baong hanei noteipü hatü yawhdou neshiüpih” shei e.

NEHEMIAH 1:5

Hahepak kü ngei, “Oh Shembüpa, vangpüshuwpü jiüshangi nopü hatü üami nüng kü bam hatü nüngei shahkung jiüshi düknya, hathü kü bampü hupü longpü hatü nyempühanpü vangsho Kahvang;

NEHEMIAH 4:14

Ngei hathü dou veikem pheikü ngei yaongei mübüthü, lakchongbüthü hatü aopü nanglakthü kü, “Jom kü tenyem. Ammei jeihinaü, hapeüthü, nyühathü hatü am shem nangjei hokpü longpü hatü nyempühanpü Shembüpa deih-ei dangtuh” shei eteke.

NEHEMIAH 9:32

Hanangkü shaang, Oh hamei Kahvang, longpü wong kohpü hatü nyempühanpü Kahvang, nüngi bampü, vangpüshuwpü jiüshi düknyeih; ham kü, hamei ongthü, ngongpathü, thibüthü, bühipathü hatü nanglakthü kü Assyria am ongthülei hepak kübü shinnyih thahshi peipü shanghahthü kü nüngi shangkhah-i tedeih.

JOB SHAHSHA APPÜ 34:19

Longhiong baong hanei nenopü, shemmei-i taopa aa kü hayaoha nedeihpü, shejao jom peü kemei büpalei laki lingpeyü büpanevaipü je?

MENVIH KESHO 99:3

Jomi longpü hatü nyempühanpü nüngei men longhütuh. Büpayü daülangpüba!

MÜLANGPÜ 23:8

Ammi yawhdou teyah; mehenangkü yawhdoui shahhing nyongnyongi leitüktü shennyakthülei mük phüngtüknyeih.

ISAIAH 37:16

“Oh Jeiyong Shembüpa, Israel Kahvang, cherubim nyi aa kü hon uoshing kü uopüba, nüng monha kahdoknyü ongchingthü peü shak kü Kahvang. Nüngi kahdoknyü hatü vangsho lingpeih.

ISAIAH 9:6

Mehenangkü jen kü naü hük büh-ei nyüke, jen kü yeshang hük shuoh-ei nyüke, hatü vanglem lempü büpalei bhagchong shangkü nyuhen. Büpa kü kahmükvangphapü, Shahnying Venbü, Jeiyong Kahvang, Nedohnetenpü Pa, Chingmei Ongpa shei nyükhen.

JEREMIAH 20:11

Shejao Shembüpayü ngei mü wong kohpü hampa kei nyüpeih; hanangkü ngei kü shüveipüthü huluh shuohhen hatü aokpü nedanghen. Jomi neaokhen hatü hingmei veü ponghen. Jomei veü mechemao nebehen.

JEREMIAH 32:18

Nüngi haja longi kü bamnyeih, shejao nyühipalei mang nangkü jomei hapeüthü kü nüngi hanghi shuohnyeih, Oh longpü hatü wong kohpü Kahvang, nüngei menü Jeiyong Shembüpa,

DANIEL 11:36

Syria ongpai büpa mongpükei dükhen. Kahvangthü peü mü büpa-üng longpüba shei changmeihen, hatü Jeiyong Kahvang khüei nyembenüng shah longi ehen. Kahvang mongshihpü hepak mangngoi thahshi büpai aokpü dangei ha dükaokhen; mehenangkü mehe temtük, hapayü dükshasha.

DANIEL 2:45

Yaongvak hük kübü yaong shennyakei laki nehongpü kü lokei, hatü hapai nyiam, melangnyiam, ashem, ngin hatü hon kü shüktü ngümtükei eepü manghkhang lappeyü hapa khih. Longpü Kahvangi ngoikahen hepak kü mehe vamkahen ha huteke. Hapa mangh hatü lappü nihpeyü jiüpü hatü hinglemhen nyüke.

DANIEL 2:47

Ongpai Daniel kü, “Hingmei, nüngei Kahvangü kahvangthü khongkü Kahvang, hatü ongthülei Shembüpa, hatü shahjo shakei vamhüpüba nyüke; mehenangkü nüngi hapa shahjo shakei vamhüaokpü homei ngei nyingteke” shei e.

MARK 12:14

Jomphong peiyei büpa kü, “Nyuhbü, nüngü longi shahhing epü shennyak, nüng mih-ei yawh kü neshünyu, hatü baong hanei nenonyu, shejao shahhing aimü Kahvangei lem nyuhnyüke. Ongpa kü lat shuohhen shahkung kü jiüpü hi nejiüpa?

PHONGSHANTHÜ DOU 10:34

Hahepak kü Peteri jomphong mü ehen pang: Kahvangü baong hanei nenonyu shei ngei hingmei mü nyingnyüke,

ROM SHAHSHA APPÜ 2:11

Mehenangkü Kahvangi baong hanei nenonyih.

GALATIA 2:6

Shejao üamphong mübüthü shei nyu, jom mehe mehe vaijao ngei shingvaishi meheyao hayaoha neshiü; (Kahvangi shakdokei eepü kü shahnephennyih– hathüi ngei kü mehe chudeih-ao ne-ephaangpih,) hathü mübüthüi ngei kü meheyao nesheühphaangpih.

EPHESIA 6:9

Hatü shembüthü, ammiyao ha aihük düktuh. Jom kü nyemshaopü dohtuh; mehenangkü anjiphen shingvaishi vangsholei Shembü hük nyüpeih, hatü büpa mü baong hanpü neshiü.

SHAHKÜP 1:17

Baong hanei shah tephen; üpa vaihenshang vaijao longpü maanpü aihük mü notuh. Üpa kao tenyem; mehenangkü amphongi shahhingi shahphen shuohpeyü Kahvang leipü nyüke. Amphongi nephenaokhen mü wongpü shahhidou nyujema ngei touei deikei hatü hapayü ngei phenhen.

SHAHKÜP 16:19

Amphongi shahhingi shahshem teleitük nevaijü baong hanei teno. Ammi yawhdou teyah; mehenangkü yawhdoui nyingpühingpüthü mükphüngtüknyeih hatü shahhing epüthülei shah keüdainyeih.

SHAHKÜP 24:17

Yenpa-oupa nevaijü hashihhathü kü jiüpü hean ammi aetei teyah, nevaijü bheishe hang nangkü vaümnyülei ashak chüngei teyah.

SHAHKÜP 27:25

“Mang neshiüpü shennyak jühen shingvaishi yawhdou yahpü shennyak kü thaüvaü hettuh.” Hahepak kü nanglak peüi, “Amen!” shei ehen.

SHAHKÜP 7:21

Ammi jom kü tenyem; mehenangkü am mü nyupü Shembüpa, ammei Kahvangü longpü hatü nyembenüng Kahvang nyüke.

KOLOSI 3:25

Mehenangkü nejiüpü dükpü am kü mehe mehe jomi nejiüi dük ha kü shemhen, hatü halei baong hanpü neshiü.

1 TIMOTI 6:15

mepa Kahvangi büpalei hepak kü koei peihen– büpalei Kahvang, moihimanpü hatü vanglem lembü, ongthü khongkü Ongpa, shembüthü khongkü Shembüpa,

JOSHUA 22:22

“Jeiyongpayü Kahvang! Büpayü Shembüpa! Jeiyongpayü Kahvang hih! Büpayü Shembüpa! Hami mekei dükpa, ha büpai nyingnyeih, hatü ammiyao ha nyingtuh. Hapayü khüei nevaijü Shembüpa kü hingnelemi dükpü vaijema, shinnyih ammi ham yemmü tetuhphong.

1 PETER 1:17

Shennyak peü kü laophülei dou aimü baong nehani shahphenpü Pa kü ammi nyükjema, wüpküpei nyushi ammi nyemei dhüm shuohpükei nyutuh.

SHAKEI VAMPÜ 17:14

Jomi Mi Cheha khüei vehok hokhen, hatü Mi Chehai jom neühen; mehenangkü büpayü shembüthü khongkü Shembüpa, ongthü khongkü Ongpa, hatü büpa mü nyupüthüyü nyüklangpü, jelangpü hatü hinglempüthü.

SHAKEI VAMPÜ 19:16

Büpalei bhagthuh hatü shüngkung kü büpalei men hapakei nyangei nyüke: “ONGTHÜ KHONGKÜ ONGPA HATÜ SHEMBÜTHÜ KHONGKÜ Shembüpa.”