SHAHKÜP 10:12 - DAÜLANGPÜ LAIHING (BSI)

¹² Shaang, Oh Israel nanglakthü, Shembüpa, ammei Kahvangi am kü mehe yünya shei shejema, Shembüpa, ammei Kahvang kü nyemhen, büpalei lemthü kü kamhen; ammei mongdang hatü laangha kempai büpa kü bamhen hatü büpa chongphohen,

SHAHKÜP 10:12 Iomraidhean Croise

1 ONGPATHÜ 3:3

Moidü shing longilei moila shuohpü, hatü ayingshü jakpü mü lenei Solomoni Shembüpa kü longi bam, hatü chepa Davidi nyuhpü lem kü kam.

2 ONGPATHÜ 10:31

Shejao Jehu-i büpalei mong kempai Shembüpa, Israel Kahvangei shahkungthü nebang; Israel mang thahhüpü Jeroboamei mang kübü büpa neyan.

2 ONGPATHÜ 18:3

Büpai chebü Davidi dükpükei Shembüpa touei mehe jiü, ha dük.

2 ONGPATHÜ 18:6

Mehenangkü büpai Shembüpa kü wongshongi shong, hatü büpa phei müpü nedoh; Shembüpai Mosa kü shuohpü shahkungnyüthü peü dük.

1 SHÜPPÜKENGPÜ 28:9

Hapheikü büpai cheha Solomon kü, “Ngelei hapeü, ampalei Pa Kahvang nyingtuh, hatü mong kempai monglempai büpa chongphotuh; mehenangkü Shembüpai peüei mongdang yemnyeih, hatü büpai deihpü küpjan peü nyingnyeih. Nüngi büpa yemjema, nüngi büpa danghen, shejao nüngi büpa tuhphongjema büpai den kü nüng yakphonghen.

2 SHÜPPÜKENGPÜ 15:12

Jomei mongdang hatü laangha kempai Shembüpa, chebü chepalei Kahvang yemhen vangeishuwteke.

JOB SHAHSHA APPÜ 36:11

Jomi ven danei büpa chongphojema, aopü nyihthü peü dapüshepü kü, hatü mongongmongleshi vangbongthü peihhühen.

MENVIH KESHO 119:2

Üami büpalei shahkungthü notei, hatü mongdang kempai büpa yem, jom moihiman.

MENVIH KESHO 128:1

Üami Shembüpa kü nyem, hatü büpalei lemthü kü kamnya, moihiman.

MENVIH KESHO 145:20

Shembüpai büpai bampüthü kü veishi nyunyeih, shejao nemeipüthü peü büpai mahtükhen.

MENVIH KESHO 18:1

Ngei nüng kü bamnyeih, Oh Shembüpa, ngelei wong.

MENVIH KESHO 34:9

Amphong daülangpüthü, Shembüpa kü nyemtuh; Üami büpa kü nyem, mepaiyao netaonyih.

MENVIH KESHO 81:13

Oh ngelei nanglakthüi ngelei shah danlangmeyü, Israel ami ngelei lemthü kü kamlangmeyü

MENVIH KESHO 81:14

ngei lomi jomei vepathü neütükhen, hatü ngelei lak vepathü khüei hokhen.

MÜLANGPÜ 23:25

Ammi Shembüpa, ammei Kahvang kü khümhen, hatü ngei am kü hahying yungying moihimanphahen, hatü ngei am toueipü dinlem peü yahlangphahen.

CHONGVENBÜ 12:13

Shaang lemphüli danteke; lemphüli kü shahshomü hapa khih: Kahvang nyemtuh, hatü büpalei shahkungnyüthü noteituh; mehenangkü shennyakei dousho kempü hapa khih.

EZEKIEL 11:20

Shejüang jomi ngelei shahkung hatü vanglemthü kü mühen. Jomü ngelei nanglak, hatü ngeiyü jomei Kahvang vaihen.

MIKA 6:8

Oh shennyak, mehe mei büpai ha am kü eteke. Shembüpai jen leipü yüpeyü ha khih: Mehe shahhing ha dükhen, düngei bampü huhen, hatü jenei Kahvang mü munenei kamhen.

ZEPHANIAH 3:9

Hahepak kü jom peü kemei Shembüpa kü nyükhen shingvaishi, hatü pang hük kü paaitü büpa chongphohen shingvaishi, ngei nanglakthülei jubenyeijaang daütükhen.

MATHI 22:37

Büpai büpa kü, “Nüngi Shembüpa, nüngei Kahvang kü nüngei mong kempai, nüngei laangha kempai hatü nüngei sholi kempai bamtuh.

LUK SHAHSHA APPÜ 10:27

Büpai, “Nüngi Shembüpa, nüngei Kahvang kü nüngei mong kempai, nüngei laangha kempai, nüngei wong kempai, hatü nüngei mongdeih kempai; hatü nüngei chingyow kü laophü kü kei bamtuh” shei jangei e.

LUK SHAHSHA APPÜ 11:42

Shejao am Pharisee am onyükei! Mehenangkü ammi chühüng hatü chünem hatü lebü phenlakthü peü yah-ei ankhong shuohnyüke, shejao ammi shahhing hatü Kahvang bampü yakphongnyüke. Ammi shongpü netuhphongi shompü dükhen vaipeih.

PHONGSHANTHÜ DOU 9:31

Ha vangpan mü Judea, Galil hatü Samarialei nyupü attoithü chingmei kü nyu hatü wong koh. Shembüpa nyempü kü nyuei hatü Laangha Daülangpülei nyiushemmei kü nanglak bhei-ie dateke.

ROM SHAHSHA APPÜ 1:9

Düngei ngei phoppü kü nedoh-i am deihei dangpü ngelei denbüyü büpalei Ha jung shahjangmei chongvenpü ngelei laanghai chongphopü Kahvang nyüpeih.

ROM SHAHSHA APPÜ 8:28

Mehenangkü üami Kahvang kü bam, hatü büpalei mükhong aimü nyük, hathü shingvaishi dou peü mei shingvaishi chemi düknyeih shei jeni nyingnyüke.

SHAHKÜP 10:11

Hahepak kü Shembüpai ngei kü, “Leituh hatü ngei jom kü shuohhen shei epü chebü chepa kü lahpü kahdokei jom peiyei yahhen shingvaishi nanglakthü mütuh” shei ephüteke.

SHAHKÜP 10:13

hatü am meihen shingvaishi ngei shinnyih am kü shuohpü Shembüpalei shahkungnyüthü banghen nyüke.

SHAHKÜP 11:1

Shembüpa, ammei Kahvang kü bamtuh hatü düngei büpalei shahkungthü bangtuh.

SHAHKÜP 11:13

Hanangkü shinnyih ngei am kü shuohpü shahkungnyü ven bangjema; Shembüpa, ammei Kahvang kü bamjema, hatü ammei mongdang kempai, ammei laangha kempai büpa chongphojema,

SHAHKÜP 26:16

Shinnyih Shembüpa, ammei Kahvangi am kü epü büpalei shahkungthü peü ven bangei düktuh; ammei mong kempai, hatü ammei laangha kempai, kenhingshi hathü ven bangtuh.

SHAHKÜP 27:10

Shembüpa, ammei Kahvangei ven bangtuh hatü shinnyih ngei am kü shuohpü büpalei shahkungthü noteituh” shei eteke.

SHAHKÜP 30:16

Mehenangkü ngei shinnyih am kü Shembüpa, ammei Kahvang kü bamhen, büpalei lemthü kü kamhen, hatü büpalei shahkungthü hatü vanglemthü noteihen shuohnyüpeih; shejüang am yangnyu nyuhen hatü dahenshehen, hatü Shembüpa, ammei Kahvangi ammi yahhen nyupü kahdokei am kü moihimanphahen.

SHAHKÜP 30:20

hatü ammi Shembüpa, ammei Kahvang kü bamtuh, büpalei shah bangtuh hatü büpa kü wongshongi shoungtuh. Mehenangkü Shembüpayü ammei yangnyu nyüke, hatü büpai ammei bühipa Abraham, Isak hatü Jakob kü shuohhen shei lahpü kahdokei vangbong longi nyuhen.

SHAHKÜP 4:29

Shejao ammi halei Shembüpa, ammei Kahvang kü veijema, hatü ammei mong kempai büpa yemjema, ammi büpa danghen.

SHAHKÜP 5:29

Jomphong kü henüng thentoimongdang jükei ngei kü nyemei ngei epü bangphei küangü jom hatü jomei hapeüthü peü den kü meishi nyuhen.

SHAHKÜP 5:33

Amphong nyuhen shingvaishi shuohpü kahdokei yangnyu shoshoei daeisheyei yüluei nyuhen shingvaishi Shembüpa, ammei Kahvangi epü lem kü kamtuh.”

SHAHKÜP 6:13

Shembüpa, ammei Kahvang kü dhüm shuohtuh hatü büpa kü mon khümtuh, hatü büpalei men kü mon vangeishuwtuh.

SHAHKÜP 6:2

Ammi hapa kahdokei luangi nyuaokhen shingvaishi am hatü ammei hapeüthü halei nyupü thahshi Shembüpa, ammei Kahvang kü dhüm shuohtuh hatü ngei am kü shuohpü büpalei shahkungnyüthü bangtuh.

SHAHKÜP 6:24

Hanangkü Shembüpa i jen kü hathü shahkung banghen hatü shaangpükei moihimanei jen yemmü nyuhen shingvaishi Shembüpa, jenei Kahvang kü dhüm shuohhen epeih.

SHAHKÜP 6:5

Shembüpa, ammei Kahvang kü ammei mongdang kempai, ammei laangha kempai hatü ammei wong kempai bamtuh.

1 TIMOTI 1:5

Shejao hapakei nyuhpüvenpü mükhongü daülangpü mongdang, mongdeih meipü hatü kenhingei vaipü kübü vampü bampü nyüpeih.

HEBREW 12:28

Hanangkü jenphongü nejenbenüng ongching hük dangnyu vütei-i jeni menvih shuohshah, hatü dhüm shuoh-ei nyempai yah-aokbenüng mü Kahvang kü khümshah;

JOSHUA 22:5

Shejao Shembüpa, ammei Kahvang kü bamhen, büpalei lemthü kü kamhen, büpalei shahkungthü banghen, büpa kü wongshongi shuonghen hatü ammei mongdang hatü laangha kempai büpa chongphohen shingvaishi Shembüpalei chongphobü Mosai am kü shuohpü shahkungthü kenhingei noteituh” shei e.

JOSHUA 24:14

“Hanangkü shaang Shembüpa kü dhüm shuohhen, hatü shüeinyiükei, hinglemei büpa chongphotuh; ambü ampai Euphrates yungdangei hatü Ijiplei chongphopü kahvangthü yaktüktuh hatü Shembüpa chongphotuh.

1 JOHAN 2:15

Amphongi kahdoknyü nevaijü kahdoknyü douthü kü tebam. Kahdoknyü kü bampüthü kü Pa-i bampü neshiü;

1 JOHAN 5:5

Kahdoknyü neüaokpeyü üpaang shei shejema Jisu-ü Kahvang Ha shei hinglempü shennyak hih.

1 SAMUEL 12:20

Samueli nanglakthü kü, “Am tenyem; ammi ha mangthü peü dükteke, shejao ammi Shembüpa toueipü telepdai shejao ammei mong kempai chongphotuh;