SHAHKÜP 1:28 - DAÜLANGPÜ LAIHING (BSI)

²⁸ “Jen halei mehekei aonghenang? Nyempai mong mahdaiteke. Jeni shompü shennyakthüi jen kü, ‘Halei nyupü shennyakthüyü jen mü wong kohpüba hatü shaopüba, jom nyupü chingthüyü penyü vangsho mao shaoshi showtüktü nyüke. Hamphongi halei Anakim am dangkao eetepih’ ” shei eküteke.

SHAHKÜP 1:28 Iomraidhean Croise

KAHBHAO 11:4

Hapheikü jomi, “Kei, jeni jen shing chingnyü longpü hük lingshah hatü shangdü hük vangsho thahshi lingshah, shejüang jenei men nyuhen hatü jen kahdoknyü bahiyang kü neyandai-i nyuhen” shei etei.

MÜLANGPÜ 15:15

Edom am mübüthü nyemnyüke; nyempai Moab am mübüthü temdaiteke; Kanan am nyaüei yendaiteke.

ISAIAH 13:7

Hanangkü peüei lak ngadaihen, hangku peüei mong mahdaihen, hatü jom peü mong laaidaihen.

EZEKIEL 21:7

Hatü mechem jomphongi nüng kü, “Nüng mehekei thepnya?” shei ephüjü, nüngi jom kü, “Shahjang peiküpü nangkü” shei ehen. Peüha mong maandaihen hatü lak shaokdaihen, peüei laangha kuidaihen hatü peüei lashüh wong nekoh-i yung kei leidaihen. Hapa ngoikünyüke! Hapa hingmei vamküshasha shei Shembüpa Kahvangi enyüke.

SHAHKÜP 1:29

Shejao ngei amphong kü, “Jom kü tenyem” shei etepih.

SHAHKÜP 2:10

(Anakim am kei wong kohpü, shennyak banghpü hatü bümhishao longpü Emim am halei nyuhampeih;

SHAHKÜP 20:20

Shejao betjük nejükpü püthü agei hapa chingnyü manglaamdai thahshi shümhen dousho nadang kü noteihen aok.

SHAHKÜP 20:8

Hatü veshan lakchongbüthüi hayao ehen, ‘Amphong hanei-i nyemei nevaijü mong hanei nyüpü je? Büpalei jeihinaüthü mong netükhen shingvaishi büpa mü shemei nyokei leidaituh’ ” shei ehen.

SHAHKÜP 7:17

Hathü jat ham mü wong kohpüba nyüke hatü hami jom mekei etü changtükaokhen shei ammi ehen aok.

JOSHUA 11:22

Israel kahdok kü Anakim am hükao aoei netuh; maani mon Gaza, Gath hatü Ashdod kü aoei nyuteke.

JOSHUA 14:8

Shejao ngei mü daipü küphüthüi nanglakthülei mong maanhüpeih; shejao ngei payü mong kempai Shembüpa ngelei Kahvang phei müpeih.

JOSHUA 15:14

Kalebi hatoueipü Anakei hapeüthü jom jem, Sheshai, Ahiman hatü Talmai hathü changtük.

JOSHUA 2:11

Hami ha jung danhinüng am kü nyempai hamei mong mahdai; mehenangkü Shembüpa, ammei Kahvangü vangsho shangpa kü hatü kahdoknyü kü Kahvang khih.

JOSHUA 2:24

Jijinyi-i Joshua kü, “Hingmei Shembüpai jenei lak kü hapa kahdok shuoh-ei nyüke hatü halei nyupü shennyakthü-ü jen kü nyempai mong mahdaitü nyüke” shei ejateke.

JOSHUA 2:9

henyi kü eteke: “Shembüpai hapa kahdokü am kü shuohtükteke shei ngei nyingteke, hatü hapa kahdok kü nyupüthüi am kü nyempai mong maandaiteke.

SHAHPHENBÜTHÜ 1:10

Judah ami Hebronei nyupü Kanan am mü (shelei jom kü Kiriath-Arba shei nyükhamteke) hokhen dai, hatü Sheshai, Ahiman hatü Talmai am neütükteke.

SHAHPHENBÜTHÜ 1:20

Mosai lahpükei Hebronü Kaleb kü shuoh, hatü büpai haleipü Anakei chehathü phang jem changtük.