SHAHKÜP 1:17 - DAÜLANGPÜ LAIHING (BSI)

¹⁷ Baong hanei shah tephen; üpa vaihenshang vaijao longpü maanpü aihük mü notuh. Üpa kao tenyem; mehenangkü amphongi shahhingi shahphen shuohpeyü Kahvang leipü nyüke. Amphongi nephenaokhen mü wongpü shahhidou nyujema ngei touei deikei hatü hapayü ngei phenhen.

SHAHKÜP 1:17 Iomraidhean Croise

KAHBHAO 18:25

“Henüng keipü dou dükkahen shei nüngi tedeihhah; daülangpüthü mangthü mü aihük mü jütükhen shei nüngi tedeih. Kahdoknyü peü kü Shahphenbüi jiüpü nedükhen je?”

2 SAMUEL 14:14

Kahdokei haitükpü yung nyipabü nethaiaokpükei jen peü didaihen. Shejao Kahvangi yangnyu yah-ei nelüdaiang; büpa toueipü yanei lüdaipü shennyak düngei büpa mebü yanei neanghen shingvaishi lem yemnyüke.

2 SHÜPPÜKENGPÜ 19:5

Büpai penyü showtükpü Judah chingnyüthü peülei shahphenpüthü jeyei tuh.

2 SHÜPPÜKENGPÜ 19:6

Büpai jom kü, “Ammi mehe düknya kenhingei deihtuh; mehenangkü am shennyak shing shahphennyu nevai, shejao mechem ammi shahphenhenshang am mü nyupü Shembüpa shingvaishi phennyüpeih.

JOB SHAHSHA APPÜ 31:34

mehenangkü ngei khong kü nyemei deih, hatü mükhiphangi jiühitphahen kü hanei deih, hanangkü ngei chingyangshongei nedai-i nenmü nyupeih.

MENVIH KESHO 82:2

Am meshük shahshemi shahphenhen, hatü nemeipüthü kü baong hanei nohen?

MÜLANGPÜ 18:18

Hingmei, nüng hatü nüng mü nyupü nanglakthü shaang-üng nyiudaikemhen; mehenangkü nüng monhai dükhenü dou longi; hanggo vihshi nyüke.

MÜLANGPÜ 18:22

Düngei jomi nephenaokpü shahhidou wongpeyü nüng touei nyemdeikei, shejao ashüanyong nedanteipü kemei jomi nyemphentük. Jomi hapakei nüngei hanggovih hanlangjü mon nüngei hanggo shanghen.

MÜLANGPÜ 18:26

Düngei jomi nanglakthü shingvaishi shahphenbü vaiteke; wongpü shahhidou jomi Mosa touei deiteke, shejao ashüanyong nedanteipü kemei jomi phentükteke.

KANDOK 18:5

Pungpüthü kü khüam bakhen napü neshiü; nevaijü nepungpüthü kü jiüpü nedüki tetuh.

KANDOK 24:23

Hathüyü kon kohpübai epü khih: Shahphen shingei baong hanei nopeyü nemei.

KANDOK 28:21

Dhe veiyei dou dükpeyü nemei, shejao haneiyü nük omhük tata kü nejiüpü düknyeih.

KANDOK 29:25

Shennyak kü nyempeyü aethitai leinyüpeih, shejao üpai Shembüpa kü nyemnya, yangei nyuhen.

JEREMIAH 1:17

Shejao nüng payü shünglok loktuh, hatü yaongei ngei nüng kü epü lemphüli jom kü eyeishuoh. Nüngi jom kü tenyem, hei nevaijema jom touei ngei nüng longi nyemhühen.

LEVI 19:15

Shahhingi shahshem teleihü; taopa kü baong hanei nevaijü longpü am kü hayaoha bamei teno, shejao shahhingi ammei chingyowpalei shahphentuh.

MALAKI 2:9

Hanangkü hangkuli peüei shesha kü ngei am vüshihpeih, hatü maanpü am leihüpeih; mehenangkü ammi ngelei lemthü kü nekam, shejao shahkungnyü noshingkü baong hanei noteke.

MATHI 22:16

Hanangkü jomi büpa touei jomei nanglomthü Herodei nanglakthü mü shomei e, “Nyuhbü, nüngü longi shahhing epü shennyak, hatü shahhing aimü Kahvangei lem nyuhnyüke, hatü üpa kao dhüm neshuoh-i nenyunyu; nüngi shennyakthü kü baong hanei nenonyu.

MARK 12:14

Jomphong peiyei büpa kü, “Nyuhbü, nüngü longi shahhing epü shennyak, nüng mih-ei yawh kü neshünyu, hatü baong hanei nenonyu, shejao shahhing aimü Kahvangei lem nyuhnyüke. Ongpa kü lat shuohhen shahkung kü jiüpü hi nejiüpa?

LUK SHAHSHA APPÜ 20:21

Hanangkü jomi büpa kü, “Nyuhbü, nüngi epü hatü nyuhpü jiüangke shei hami nyingnyüke, hatü nüngi üpa kao baong hanei nenonyu, shejao shahhing kü Kahvangei lem nyuhnyüke.

ROM SHAHSHA APPÜ 2:11

Mehenangkü Kahvangi baong hanei nenonyih.

EPHESIA 6:9

Hatü shembüthü, ammiyao ha aihük düktuh. Jom kü nyemshaopü dohtuh; mehenangkü anjiphen shingvaishi vangsholei Shembü hük nyüpeih, hatü büpa mü baong hanpü neshiü.

SHAHKÜP 10:17

Mehenangkü Shembüpa, ammei Kahvangü kahvangthü khong kü Kahvang, hatü shembüthü khong kü Shembüpa. Büpayü longpü, wong kohpü hatü nyempühanbenüng Kahvang khih. Büpai baong hanei nenonyih hatü yawhdou neyahnyih.

SHAHKÜP 16:19

Amphongi shahhingi shahshem teleitük nevaijü baong hanei teno. Ammi yawhdou teyah; mehenangkü yawhdoui nyingpühingpüthü mükphüngtüknyeih hatü shahhing epüthülei shah keüdainyeih.

SHAHKÜP 24:17

Yenpa-oupa nevaijü hashihhathü kü jiüpü hean ammi aetei teyah, nevaijü bheishe hang nangkü vaümnyülei ashak chüngei teyah.

SHAHKÜP 25:1

Mechem shennyak nyi dehenshang, hapayü shahphen shingei deihen, hatü shahphenbüthüi jiüpü shennyak dah shakei hatü nejiüpü shennyak nyonghüei shahphenhen.

KOLOSI 3:25

Mehenangkü nejiüpü dükpü am kü mehe mehe jomi nejiüi dük ha kü shemhen, hatü halei baong hanpü neshiü.

1 THESALONIKA 2:4

shejao shahjangmei kohen Kahvangi mongei jepü shennyakthü keiha enyeih. Hami shennyakthü nevai, jenei mongdang dokpü Kahvang mongmeihühen khenyeih.

JAKOB 2:9

Shejao ammi baong hanei nojema, ammi mang thahnyüke hatü shahkungnyüi pungpüthü shei yepnyüke.

1 PETER 1:17

Shennyak peü kü laophülei dou aimü baong nehani shahphenpü Pa kü ammi nyükjema, wüpküpei nyushi ammi nyemei dhüm shuohpükei nyutuh.

1 SAMUEL 16:7

Shejao Shembüpai Samuel kü, “Nüngi büpalei dhe nevaijü bümhishao meipü kü tevei; mehenangkü ngei büpa yaktüktih. Shembüpa ngeiyü hangkui veipükei neveinyih. Shennyaki shakdok kü veinyeih, shejao Shembüpa ngeiyü mongdang kü veinyeih shei e.”

1 SAMUEL 2:25

Shennyak hüki shennyak hük homei mang thahjema, hapa kü Kahvangi baong kü ithen, shejao shennyak hüki Shembüpa khüei mang thahjema büpa kü üpai baong kü ithen?” shei e. Shejao cheha nyi-i chepai epü nebang; mehenangkü jiji jütükhenü Shembüpai mongpü nyuteke.