SHAHKÜP 1:11 - DAÜLANGPÜ LAIHING (BSI)

¹¹ Shembüpa, ambü ampalei Kahvangi shao haja haja nyemdahü hatü büpai lahpükei am kü moihiman nyemshuoh!

SHAHKÜP 1:11 Iomraidhean Croise

KAHBHAO 15:5

Büpai büpa kü chingshelei ngaiyei, “Vangsholei ngangei veituh, hatü nüngi ieaokülashang lithathü ietuh” shei e. Hapheikü büpai, “Hapa keiha nüngei hühihathü nyuhen” shei e.

KAHBHAO 22:17

ngei nüng kü moihimanhen, hatü nüngei lihila vangsho lithathü kei hatü yungching bhihhiphang kei daeisheyei leihühen. Nüngi ngelei shah bangpü nangkü nüngei hühihathüi vepathülei chingnyüthü kaamlanghen,

KAHBHAO 26:4

Ngei nüngei hapeüthü vangsho lithathü kei leihühen, hatü nüngei hühihathü kü hapa kahdok kemei shuohhen, hatü nüngei hühihathü homei kahdoknyü jatthü peü moihiman danghen.

KAHBHAO 49:25

Nüng kü sheühpeyü ampai vaipü Kahvang, Jeiyong Kahvangi nüng kü vangsho shangpa leipü moihiman, ilangmongei nyupü moihiman, yemhimak hatü hapeü moihimanthü shuohnyüke.

2 SAMUEL 24:3

Shejao Joabi ongpa kü, “Shembüpa, nüngei Kahvangi veshanthü shaang nyupü mü kho uoshing mü nyeishi nyemdahüma hatü ngelei shembü ongpalei müki ha eehen. Shejao mehekei ngelei shembü ongpai hapa keipü dou dükhünya?” shei e.

1 SHÜPPÜKENGPÜ 21:3

Shejao Joabi jangei, “Shembüpai büpalei veshanthü shao kho hükpa nyeinya nyemdahüma. Ngelei shembü ongpa, hathü kemei ngelei shembülei nanglak nevaipü je? Mehekei ngelei shembüi hapa dou dükhüpa? Mehekei büpai Israel jat kemei kü mang vamhünya?” shei e.

MENVIH KESHO 115:14

Shembüpai am hatü ammei hapeüthü kü hühihathü shuohhen.

MÜLANGPÜ 32:13

Nüng chongphopü Abraham, Isak hatü Jakob hathü kü mekei nüngi lah-ei, ‘Ngei ammei hühihathü vangsho lithilen kei dahühen, hatü ngei lahpü kahdok peü ammei hühihathü kü shuohhen hatü jomi denden kü hapa jomei mükjüp vaihen shei epü deih-ei dangtuh’ ” shei eteke.

EZEKIEL 16:7

Ngei amü pü bhao hük keiha longhüpeih. Am bümhishao luei longei nela leipeih; Am kü amma vamei sho lupeih, shejao am bümkong nyupeih.

BHEI-IE 22:12

Shejao Kahvangi Balaam kü, “Nüng jomphong mü tedai, hatü hathü nanglakthü kü tethaüvaü; mehenangkü jomphongü moihimanpüthü nyüke” shei e.

BHEI-IE 6:27

Shejüang jomi ngelei men Israel am kü baonghen, hatü ngei jom kü moihimanhen.”

SHAHKÜP 1:10

Shembüpa, ammei bühipa amei Kahvangi amphongü vangsho lithathü kei dahüpü khih.

SHAHKÜP 1:12

Shejao mekei etü ngei moni ammei mongshang, ammei hanggovih hatü am nedanteipü kemei koaokhen?

SHAHKÜP 1:8

Veituh, hapa kahdokü ngei am kü shuohtepih. Ammei bühipa Abraham, Isak hatü Jakob hatü jomei hühihathü kü Shembüpai shuohhen shei lahpü kahdokei shüei hapa yahtuh’ ” shei eteke.

SHAHKÜP 10:22

Ammei bühipa Ijip kahdokei pejempüan mon yiüteke, shejao Shembüpa, ammei Kahvangi amphong vangsho lithilen kei dahüteke.

SHAHKÜP 28:62

Amphong vangsho lithilen kei daeisheyei nyulangmao maani mon yemmü aohen; mehenangkü amphongi Shembüpa, ammei Kahvangei shah nebang.