RUTH 2:4 - DAÜLANGPÜ LAIHING (BSI)

⁴ Hahepak kü Boaz-i Bethlehem leipü shaei hah vetpüthü kü, “Shembüpa am mü nyutuh!” shei e. Jomphongiyao büpa kü, “Shembüpai nüng kü moihimantuh” shei jangei e.

RUTH 2:4 Iomraidhean Croise

KAHBHAO 18:19

Mehenangkü mehe jiüpü hatü shahhing ha dükei Shembüpalei lem kü kamhen shingvaishi büpai laophülei hapeüthü hatü shem am kü nyuhhen venhen ngei Abraham jepeih; shejüang Shembüpai Abraham kü mehe lahpa, ha koei peihen” shei e.

KAHBHAO 28:3

“Jeiyong Kahvangi nüng kü moihimanhen, nanglak longi dahühen, hatü nanglak khongnyü longpü leihühen.

1 SHÜPPÜKENGPÜ 2:51

Salmayü Bethlehemei chepa, hatü Hareph-ü Beth-Gaderlei chepa nyu.

MENVIH KESHO 118:26

Shembüpalei men kü üpa peinya, moihiman. Shembüpalei shem kübü hami nüng kü moihimannyeih.

MENVIH KESHO 134:3

Shembüpa, vangsho hatü kahdok lingbüi Zion leipü am kü moihimanhen!

JEREMIAH 31:23

Jeiyong Shembüpa, Israel Kahvangi hapakei enyüke: “Mechem ngei jom wüpküp leipü müei leihen, Judah kahdok hatü haleipü jilathü leipü nanglakthüi shao hathü shah noteihen: ‘Shembüpai am moihimantuh, Oh daülangpü am nyushing, Oh daülangpü kahshang.’ ”

BHEI-IE 6:24

“Shembüpai am moihimantuh, hatü jungei angtuh.

LUK SHAHSHA APPÜ 1:28

Büpai pinnyü touei peiyei, “Selam! Shembüpa nüng mü nyüke, hatü nüng kü longi moihimanteke” shei e.

2 THESALONIKA 3:16

Shaang chingmeivangmei Shembüpa büpai-üng hepak peü kü hatü lem peü kü am kü chingmei nyemyahpha. Shembüpa am peü mü nyute.

1 TIMOTI 6:2

Aathü, üam vaipü shembüthü nyüpa, jomphong kü dhüm neshuoh-i tenyu; mehenangkü jomphongao jeihinaüthü nyüke. Shejao jomi hathü meipüba kü chongphohütuh; mehenangkü jomei dou kübü nanglei dangpeyü bampü vaipüthü nyüke. Hathü dou jung nüngi jomphong kü nyuh-ei etuh.

2 TIMOTI 4:22

Shembüpa nüngei laangha mü nyute. Phahji amphong mü nyute.

JOSHUA 24:15

Shaang ammi Shembüpa chongnephohüjema, ambü ampai Euphrates yungdangei chongphopü kahvangthü hi nevaijü am shaang nyupü kahdok Amor amei kahvangthü chongphohenmepapa chongphohen shinnyih-üng amphongi jehahtuh, shejao ngei hatü hamei shemongi payü Shembüpaüng chongphohen” shei eteke.

SHAHPHENBÜTHÜ 6:12

Shembüpalei phongshan büpa touei peiyei, “Wongkoh monglongpü hampa, Shembüpa nüng mü nyüke” shei e.

SHAHPHENBÜTHÜ 6:16

Shembüpai büpa kü, “Nüngi aokhen hih; mehenangkü ngei nüng mü nyukahen, hatü nüngi Midian am peü ngümtükhen” shei e.

RUTH 2:3

Hanangkü pinnyü shaei hah vetpü am pheilei hahdhei yemei dai. Hapakei daishingkü Elimelekh am shem Boazlei kahlei peiteke.

RUTH 2:5

Hahepak kü Boaz-i hah vetpüthü kü mübü vaipüba kü, “Antepa nyühayü üamang?” shei phe.

RUTH 4:11

Hahepak kü mübüthü hatü peshadenei uopüthüi, “Hami hapa kü denpü shuohnyeih. Nüngei shemei peiküpü nyühayü Israel kü nanglak longi dahüpü Rachel hatü Leah nyi kei Shembüpai nyemleihü. Nüngü Ephrathah kü moihiman kohpü hatü Bethlehem kü men-e nyemleima.

1 SAMUEL 17:37

Shahnyü sheptaolei bhahivaung kübü ngei yangpü Kahvangi hapa Philistia am naühalei lak kübü-ao yangphahen” shei e. Sauli David kü, “Daituh, Kahvang nüng mü nyutuh” shei e.