RUTH 1:2 - DAÜLANGPÜ LAIHING (BSI)

² Hapa shennyakei menü Elimelekh, hatü chenyühalei menü Naomi hatü yeshang nyilei menü Mahlon hatü Kilion nyuteke. Jomphongü Judah kahdok Bethlehem leipü Ephrath am nyuteke. Jom Moab kahdokei daiyei halei nyu.

RUTH 1:2 Iomraidhean Croise

KAHBHAO 35:19

Hanangkü Rachel di, hatü pinnyü Ephrahlei (hapayü Bethlehem) aongpü lemei vüphong,

MIKA 5:2

Shejao nüng, Oh Bethlehem Ephrathah, nüng Judah phang khongkü maanpü vailangmao, nüng kübü Israel shak kü ngei shing vanglem lemhen hük vamhühen. Büpa vamshing bülemü aivang hepak kübü chongkahen.

SHAHPHENBÜTHÜ 17:7

Hahepak kü Judah kahdok Bethlehem kü Judah am phang nethe hük nyu. Büpayü halei nyupü Levi am nyuteke.

SHAHPHENBÜTHÜ 3:30

Hapa nyih Israel ami Moab am neütük, hatü kahmük kü vangbong büali thahshi chingmeivangmei nyuteke.

RUTH 1:3

Shaang Naomilei chepaha Elimelekh didaitü cheha nyi mütü pinnyü tuhphong.

RUTH 1:5

Mahlon hatü Kilion nyiphen didai, hatü Naomi monha baha hatü hapeü nyi neshiüi tuhphong.

RUTH 2:1

Shaang Naomilei chepaha Elimelekhei jeihinaü hük longi men-e shemmei hük meni Boaz shei nyuteke.

RUTH 4:9

Hahepak kü Boaz-i mübüthü hatü nanglakthü peü kü, “Shinnyih amphongi denpü vaiyei ngei Naomilei lak leipü Elimelekh hatü cheha Kilion hi Mahlon nyilei mükjüp kemei ngei yahlangnyeih.

1 SAMUEL 1:1

Shaang phaüshang kahmük Ephraim leipü Ramathaim-zuphim am shennyak hükei meni Elkanah shei nyu. Büpayü Ephraim am Zuph-ei cheha Tohu, Tohulei cheha Elihu, Elihulei cheha, Jehoramei cheha nyuteke.

1 SAMUEL 17:12

Shaang Davidü Judah kahdok Bethlehem leipü Ephrath am Jesselei cheha nyu. Büpa hapeü jom shet nyu. Hahepak kü Saul-ü ong nyu hatü longi viüdaitü nyu.

1 SAMUEL 17:21

Sheyü Israel am hi Philistia am hokhen veshanthü dhe dhe khangteiyei veju lingei nyu.