PHILIPPI 3:3 - DAÜLANGPÜ LAIHING (BSI)

³ Hingshangi japtükpeyü jenphong, Kahvang Laangha kü khümpü, hatü Khrista kü changmeihen hatü phai kü monglemhen changshi nyujao phai kü mong nenyangpeyü jenphong.

PHILIPPI 3:3 Iomraidhean Croise

MENVIH KESHO 105:3

Büpalei daülangpü men müknyinshekhangtuh; Shembüpa yempüthülei mong mongonghütuh.

ISAIAH 45:25

Shembüpa kü Israel jat peüi aokpü danghen hatü müknyinshekhanghen.

JEREMIAH 4:4

Shembüpa touei am shuw japtüktuh, ammei mongdang kübü shuw japtüktuh, Oh Judah nanglak hatü Jerusalemei nyupüthü, hei nevaijema ammi dükpü mang nangkü, ngelei mongshih aw kei vamhen, hatü ha üpaiyao nemetaokhen.”

JEREMIAH 9:26

Hathüyü Ijip, Judah, Edom, Ammon, Moab hatü jomei sho shohloh-i jappüthü peü. Mehenangkü bhih kahdokei nyupü jatthü peü, hatü Israel am kemei jomei mongdang shuw nejapi nyüke.

MALAKI 1:11

Mehenangkü heong kübü heshü thahshi jatthü peü mü ngelei men longpü vaihen, hatü shing peü kü ngelei men kü vong meipü ayingshü, hatü daülangpü moila koei peihen; mehenangkü ngelei menü jatthü shak kü longpü nyüke shei Shembüpa Kahvangi enyüke.

ROM SHAHSHA APPÜ 1:9

Düngei ngei phoppü kü nedoh-i am deihei dangpü ngelei denbüyü büpalei Ha jung shahjangmei chongvenpü ngelei laanghai chongphopü Kahvang nyüpeih.

ROM SHAHSHA APPÜ 15:17

Hanangkü ngei Kahvang shing dou dükpü kü Jisu Khrista kü ngei müknyinshekhangnyeih.

ROM SHAHSHA APPÜ 7:6

Shejao shaang jenphongü shahkungnyü kübü bümei leidaiteke; chem jen yepei küppü khoklat kü didaishuohteke; hanangkü nyangei nyupü shahkungnyü chang phangkü jen aa nevai, shejao Laangha yangnyu jalei aa vaihen.

ROM SHAHSHA APPÜ 8:15

Mehenangkü amphongi nyipabü nyemhen aa laangha neyah, shejao ungei yahpü laangha yahpeih. Mechem jeni, “Abba! Opa!” shei lenhen,

ROM SHAHSHA APPÜ 8:39

shaopü vaijao, chüpü vaijao, lingpü douthü kü mehe vaihen vaijao mepaiyao Khrista Jisu, jenei Shembüpa kü Kahvang bampü kübü jen yantükhen neaokpih shei ngei mongkü pongnyüke.

ROM SHAHSHA APPÜ 9:6

Hapayü Kahvang shah aokpü nedangpü nevai. Mehenangkü Israel am peü hingshangpü Israel am nevai,

2 KORINT 11:18

Longshi shingi hangku phai kü changmeipü nangkü ngeiyao changmeihen.

GALATIA 5:25

Jen Laangha kü nyujema, jen Laanghai mühüshah.

GALATIA 6:16

Üami hapa shahkung kü mühen, hathü mü chingmei, phahji nyute hatü Kahvangei nanglakthü mü nyute.

EPHESIA 6:18

Hepak peü kü phoppü hatü yüpü lemphü kü Laangha kü phoptuh. Ha vaipü nangkü mükpaonathashi nyutuh hatü düngei daülangpüthü shingvaishi phopei nyutuh.

SHAHKÜP 10:16

Hanangkü ammei mongdang shuw japtüktuh hatü hajük kü mong vaanei tenyu.

SHAHKÜP 30:6

Ammei mongdang kempai hatü ammei laangha kempai, amphongi büpa kü bamhen hatü kahdok kü yüluei nyuhen shingvaishi Shembüpa, ammei Kahvangi am hatü ammei hühihathü kü ven danpü dhentoimongdang yahphahen.

PHILIPPI 1:1

Khrista Jisulei chongphobü Paul hatü Timoti nyi-i Philippilei nyupü Khrista Jisu kü vaipü nanglakthü, hatü attoi mübü hatü deaconthü touei,

PHILIPPI 3:12

Ngei ha peü dangtih nevaijü ngei changpüshapü ngoitepih shei nevai, shejao ngei hapayü ngelei vaihen shei changei dainyeih; mehenangkü Khrista Jisui ngei büpa lompü leihü.

PHILIPPI 3:14

Khrista Jisu kü vangsho lemei Kahvangi nyükpü thintho danghen shingvaishi ngei ha mükhong philei moknyeih.

KOLOSI 2:11

Mang nyingnyoi yaktüktü shennyaki laki jappü kü nevai, Khrista kü japtükpü kü amphongao büpa kü laangha kü japtüktü nyüke.

JUD SHAHSHA APPÜ 1:20

Shejao bampü küphüthü, am vaipü daülangpü kü am nyingi lingdaituh; Laangha Daülangpü kü phoptuh;