PHILIPPI 3:2 - DAÜLANGPÜ LAIHING (BSI)

² Shithü kü lituh, douten dükpüthü kü lituh, phai vetteipüthü kü lituh.

PHILIPPI 3:2 Iomraidhean Croise

MENVIH KESHO 119:115

Ngelei Kahvangei shahkungthü banghen shingvaishi ten dükpüthü ngei toueipü lüdaituh.

MENVIH KESHO 22:16

Shithü ngei shonei thai, nemeipü shennyakthü ngei shonei thai; jomi ngelei lakhila bhagtükkem.

MENVIH KESHO 22:20

Ngelei yangnyu yan kübü, hatü ngelei douvan yangnyu shithülei wong kübü yangtuh.

KANDOK 26:11

Shi hüki laophüi bhaipü hahnüng leipükei, ngapa hüki laophülei ngadou leiyei leiyei düknyüpeih.

MATHI 24:10

Hahepak kü longshi shing huluh shuohtü dohen, hatü jom hüki hük yuteihen hatü jiühitteihen.

MATHI 7:15

Shahshem thibüthü kü lituh; jomi am touei mi-ow owtü peinyüke shejao mongü shuw kei mangshi nyüke.

MATHI 7:6

Mehe daülangpü nyüpa, ha shi touei teyakphong, hatü ook tou kü yüknyü teshükphong, hei nevaijema jomi la-i shouptükhen, hatü am khih mü nihtükhen yaakkahen.

ROM SHAHSHA APPÜ 2:28

Mehenangkü shakdok dou moni shennyak hük Jehoda am nevainyih, nevaijü lemhük shakdokei büm kü lingpai hingshangpü japtükpü am neleinyih.

2 KORINT 11:13

Mehenangkü hakei changmeipüthüyü shahshem phongshanthü, lueilemei dükpüthü; jom nyingi Khristalei phongshanthü shei yeiyaei hunyüke.

GALATIA 5:13

Jeihinaü hatü nyahinaüthü, amphongü bümei touei nyükpeih; shejao ammei bümei hean yah-ei mang nyingnyoi hüshemhühen tenotei, shejao bampai am hüki hük chongphoteituh.

GALATIA 5:15

Shejoongpa am hüki hük mü khetteiyei lühtükjema, am hüki hük homei dipü mahpü neponghen lituh.

GALATIA 5:6

Mehenangkü Khrista Jisu kü japtükpü hatü nejaptükpü kü meheyao nanglei neshiü; iehen dou hükü bampü homei hinglempai dou dükpü ha mon nyüke.

PHILIPPI 3:19

Jom dohpeyü mahpü; jomei Kahvangü jomei shünyü, hatü jomei müknyinshekhangü jomei veüpong kü nyüke; jomei mongü kahdoknyü douthü kü tuh-ei nyüke.

PHILIPPI 3:3

Hingshangi japtükpeyü jenphong, Kahvang Laangha kü khümpü, hatü Khrista kü changmeihen hatü phai kü monglemhen changshi nyujao phai kü mong nenyangpeyü jenphong.

1 TIMOTI 1:19

hatü hinglempü nyuei mongdeih meipü nyutuh. Hapa mongdeih meipü yaktükpü homei shennyak haneiyü jom vaipü kü beneilangei leidaiteke.

TITUS 1:16

Jomi Kahvang nyingnyeih shei enyüke, shejao jomei doui büpa yaktüknyüke. Jomphongü jiühitbenüng, ven nedanpü hatü doumei shingvaishi mounghibhang kü nejiüpüthü nyüke.

2 PETER 2:22

Jomphong nangkü hapa kandok shah nyi jiüpeih: “Shi-i laophüi bhaipü touei nyokei leinyeih,” hatü, “ooki hangha lakhenü ookshoilei shoinüng nyokei leinyeih.”

JUD SHAHSHA APPÜ 1:4

Hingmei am khong touei Kahvang nenyingpüthü nyonghühen shingvaishi shelei mebü temtükpü nenyingi joei am touei peiteke. Jomi jenei Kahvang phahjiyü mükbongjuyung mü jeiteitüknyüke, hatü jenei Shembüpa Jisu Khrista yaktüknyüke.

SHAKEI VAMPÜ 2:9

Am ponghahpü hatü am taopünangpü ngei nyingnyeih, shejao amü shemmei khih. Üami jom nyingi Jehoda am hih shei enya, shejao nevai, jomi yaüpülungpü ngei nyingnyeih, shejao jomphongü Satanei Sinagog nyüke.

SHAKEI VAMPÜ 21:8

Shejao mong nelongpü, hingnelempü, sheihdaipü, shennyak jüpüthü, mükbongjuyungpüthü, phongyompüthü, lajei khümpüthü, hatü shahshem epüthülei shingü awkaong meli kü aw bahpü shemyungei nyuhen; hapayü nyipabü dipü.”

SHAKEI VAMPÜ 22:15

Chingshelei nyupüthüyü shithü, phongyompüthü, mükbongjuyungpüthü, shennyak jüpüthü, lajei khümpüthü hatü shahshem kü bampü hatü ha dükpüthü.

SHAKEI VAMPÜ 3:9

Ngei, Satanei Sinagog, üami Jehoda am hih shei enya, shejao nevai, hatü shahshem epüthü nyüpa, ngei jomphong deiyei ammei la tüngei aümei khümhühen, shejüang ngei am kü bamnyu khih shei jomi nyinghen.