PHILIPPI 2:1 - DAÜLANGPÜ LAIHING (BSI)

¹ Hanangkü Khrista kü lemhük nangthongpü nyujema, bampü kübü lemhük nyiushemmei nyujema, Laangha kü mongjempü lemhük nyujema, yahyang shinshangpü lemhük nyujema,

PHILIPPI 2:1 Iomraidhean Croise

MENVIH KESHO 133:1

Veituh jeihinaüthü chemi mongjemshi nyuhen mekei meipa, hatü mongongpa!

ISAIAH 16:11

Harp vüngpü keiha ngei Moab nangkü, hatü Kir-Hareseth nangkü mahng thepnyeih.

LUK SHAHSHA APPÜ 2:25

Shaang Jerusalemei shennyak hük meni Simeon shei mentü nyu; hapa shennyakü daülangpü hatü Kahvang nyempü shennyak, Israel am nyiushem meihühen omdanei nyu, hatü büpa kü Laangha Daülangpü bak.

JOHAN 14:18

Ngei amphong hashihha kei netuhphongpih; ngei nyipabü yiükahen.

JOHAN 14:27

Ngei am mü chingmei tuhphünyeih; ngelei chingmei ngei am kü shuohnyeih. Kahdoknyüi shuohpükei ngei am kü neshuohnyih. Ammei mong teshanghü nevaijü tenyemhü.

JOHAN 17:13

Shejao shaang ngei nüng touei peikünyeih, hatü jom kü ngelei mongong changhühen shingvaishi ngei kahdoknyülei hathü enyüpeih.

PHONGSHANTHÜ DOU 2:46

Nyihjeih jomi phopshemei chemi hepak longi tük; jomi shem shem kü aan bhaokei mongongpai hatü mong dhaopai,

PHONGSHANTHÜ DOU 4:32

Shaang vaipüthü peü chudeih mongdang hük mü nyu, hatü jom üpaiyao hayü ngei lompü mop shei ne-e, shejao jomi angpü lemphü sheppü vaiteke.

ROM SHAHSHA APPÜ 5:5

hatü monglempai jen mongnemanghünyih; mehenangkü jen kü shuohpü Laangha Daülangpü homei Kahvang bampü jenei mongdang kü shihteke.

ROM SHAHSHA APPÜ 8:26

Hapa keiha jen wong nekohpü kü Laanghai jen kü sheühnyeih; jeni mepakei jiüshi phophen jeni nenyingnyu, shejao hapa Laanghai shah mü ngaiyei ne-eaoki chüloh-i hümei jen shing phopnyüke,

1 KORINT 12:13

Mehenangkü Laangha hük kü Jehoda am nevaijü Greek am, aa nevaijü bümei vaijao büm hük kü jen peü baptük, hatü jen peü kü Laangha hük yinghen shuoh.

1 KORINT 15:31

Ngei nyihjeih dinyeih! Jeihinaü hatü nyahinaüthü, Khrista Jisu, jenei Shembüpa kü ngei am nangkü changmeipeyü hingshangpü.

1 KORINT 3:16

Amphongü Kahvangei phopshem, hatü Kahvang Laangha amphong kü nyunyeih shei nenyingnyu je?

2 KORINT 2:14

Shejao Khrista kü jen aokpü philei müpü Kahvang kü menvih shuohtuh, hatü jen homei büpa nyingpü kübü vampü vong meipü shing peülei yanei dainyüke.

GALATIA 4:6

Amphongü hapeüthü vaipü nangkü Kahvangi Chehalei Laangha jenei mongdangei shompeih, hatü hapa Laanghai, “Abba!” “Opa!” shei lennyüke.

GALATIA 5:22

Shejao Laangha betjükü bampü, mongongpü, chingmei, munenpü, phahjipü, nekaungi shuohpü, hingshangpü,

EPHESIA 4:4

Am nyükpü monglem hük kü nyükpü keiha büm hük hatü Laangha hük,

PHILIPPI 1:8

Khrista Jisu bampü kü am peü nangkü ngei mekei ongyangnya ha jung Kahvangü ngelei denbü nyüke.

PHILIPPI 3:3

Hingshangi japtükpeyü jenphong, Kahvang Laangha kü khümpü, hatü Khrista kü changmeihen hatü phai kü monglemhen changshi nyujao phai kü mong nenyangpeyü jenphong.

KOLOSI 2:2

Ngei ha dükpü mükhongü jom mongkü mongnang thongteihen hatü bampü kü mongjemhen nangkü nyüpeih, shejüang hingshangpü danteipai koei peipü lekhingpü mop hatü Kahvangei shahjo lappai, Khrista nyinghen.

KOLOSI 3:12

Kahvangi jelangpü hük, daülangpü hatü bampü leshi phahji, bampü, maanpü leipü, nenteiaokpü, munenpü owtuh.

HEBREW 6:18

Mechemao nejeileaokpü doulem nyi nyüke. Mechem Kahvangi lemhük ehen, büpai shahshem ne-enyih, hatü mechem büpai lahhen shahshemi nelahnyih. Hanangkü jen üami büpa touei dhümloi dang, jen touei temei nyupü monglem kü wongshongi shonghen shingvaishi hapai jen kü wong hatü nyiushemmei shuohnyeih.

1 PETER 1:2

Pa Kahvangi jelangpüthü hatü Jisu Khrista kü ven danhen hatü büpalei iy-i haiyei Laanghai daütükpüthü touei: Phahji hatü chingmei am mü bhashahshi nyute.

1 JOHAN 3:24

Büpalei shahkungnyü bangpü peü büpa kü nyüke, hatü büpa jom kü nyunyeih, hatü büpai jen kü shuohpü Laangha homei büpa jen kü nyunyeih shei hapai jeni nyingnyüke.

1 JOHAN 4:12

Üpaiyao Kahvang ne-ee; jen hüki hük mü bamteijema Kahvang jen kü nyunyeih, hatü büpa bampai jen kü changeishaei leihünyeih.

1 JOHAN 4:16

Hanangkü jen shingvaishi Kahvang bampü nyupü jeni nyingteke hatü hinglemnyeih. Kahvangü bampü hatü üami bampü kü nyunya Kahvang kü nyunyüke, hatü Kahvang jom kü nyunyeih.