MÜLANGPÜ 6:7 - DAÜLANGPÜ LAIHING (BSI)

⁷ Ngei amü ngelei nanglak leihühen, hatü ngeiyü ammei Kahvang vaihen. Mechem ngei am Ijip amei aa vaipü laphen kübü bümei leihühen, ammi ngeiyü Shembüpa, ammei Kahvang shei nyinghen.

MÜLANGPÜ 6:7 Iomraidhean Croise

KAHBHAO 26:3

Hapa kahdokei kanja nyutuh, hatü ngei nüng mü nyuhen hatü moihimanphahen. Nüng hatü nüngei hühihathü shing hapa kahdok kemei shuohhen, hatü ngei ampa Abraham kü lahpü ha jiühühen.

KAHBHAO 28:13

Hatoumü Shembüpai büpa touei yaongtü, “Ngeiyü Shembüpa, ambü Abrahamei Kahvang, hatü Isak Kahvang; nüng lempü kahdokü ngei nüng hatü nüngei lihilathü kü shuohhen;

1 ONGPATHÜ 20:28

Israel ongpa Ahab touei thibü hük peiyei, “Aram ami ngeiyü kahjilei Kahvang nevai, shejao shangchingthülei kahvangthü khih shei epü nangkü ngei hapa veshan khongnyü longpü nüngei lak kü shuohhen, hatü ngeiyü Shembüpa shei nüngi nyinghen” shei e.

1 ONGPATHÜ 8:60

shejüang kahdoknyü hangkuli peüi Shembüpayü Kahvang, lebü üpayao neshiü shei nyinghen.

NEHEMIAH 1:10

Jomphongü nüngei laklu wong longpai angei leipü nüngei chongphobü hatü nanglakthü.

MENVIH KESHO 100:3

Shembüpayü Kahvang shei nyingtuh. Jen lingpeyü büpa, hatü jenü büpalei; jenü büpalei nanglak, hatü büpalei yemhah shingei haümpü mithü.

MENVIH KESHO 81:6

“Ngei nüngei bhagchong leipü pang ngühlangpeih, ngei nüngei hanggovih yahlangpeih.

MÜLANGPÜ 13:14

Mechem ngoikahen hepak kü ammei hapeüthüi, “Hapa mehe lappüang? shei phephahenshang, ammi, ‘Shembüpai büpalei wonghingani aa vaiyei nyupü Ijip kahdok leipü jen müei leilangpeih’ shei etuh.

MÜLANGPÜ 13:3

Mosai nanglakthü kü, “Am Ijip leipü aa vaipü kahdok leipü vamei daipü nyih, shinnyih deih-ei dangtuh; mehenangkü Shembüpai büpalei wonghingani am müei ngailangteke. Daw shihpü aan tehah.

MÜLANGPÜ 14:18

Mechem ngei jom neühenshang, Ijip ami ngeiyü Shembüpa shei nyinghen” shei eteke.

MÜLANGPÜ 14:4

Ngei Pharaohlei mong vaanhühen, hatü büpai jom kü changhen. Shejao Pharaoh hatü büpalei veshanthü shak kü ngei müknyinshekhang danghen, hatü Ijip ami ngeiyü Shembüpa shei nyinghen” shei eteke. Israel ami jom kü eshuohpükei dük.

MÜLANGPÜ 15:16

Nyemhühanhüpü jom shangkü peiteke; Oh Shembüpa, nüngei laklu wong longpai nüngei nanglakthü mangpei thahshi nüngi angei leipü, nanglakthü manghomkem thahshi, nyempai yaong keiha yaongdaiteke.

MÜLANGPÜ 15:2

Shembüpayü ngelei wong hatü ngelei kesho, hatü büpa ngelei yemleipüba nyüke. Büpa ngelei Kahvang hatü ngei büpa men longhen; Ngelei opalei Kahvang, hatü ngei büpa longei anshihhen.

MÜLANGPÜ 16:12

“Ngei Israel am langmaanpü danteke. Om kü jomi phai hahhen, hatü dhom mü jom hahhüpüshük hahhen hahying danghen shei e; shejüang jomi ngeiyü Shembüpa, jomei Kahvang shei nyinghen” shei eteke.

MÜLANGPÜ 16:6

Hanangkü Mosa hi Aaron nyi-i Israel am thaipü khongkü, “Amphong Ijip kahdok leipü müei leipeyü Shembüpa khih shei om mü ammi nyinghen,

MÜLANGPÜ 2:11

Nyih hük Mosa nethe leipheikü büpa laophülei Hebrew nanglakthü touei pei, hatü jom kü kangei douwong dükhüpü büpai ee. Büpai laophülei Hebrew shennyak hük kü Ijip am hüki longi üpei ee.

MÜLANGPÜ 6:6

Hanangkü Israel am kü, “Ngeiyü Shembüpa, hatü ngei am yanghen hatü Ijip amei aa vaipü laphen kübü bümei leihühen. Ngei jom kü shahphenpü yah-ei peihen nangkü ngelei nyempühanpü lak nohen hatü ngei am angei leihen.

MÜLANGPÜ 7:17

Veituh, ngelei lak leipü lenshuoh-i Nile yung kü bheihen, hatü hapayü iy leidaihen. Hapai “Ngeiyü, Shembüpa” shei nüngi nyinghen shei Shembüpai enyüke.

ISAIAH 41:20

shejüang nanglakthü peüi hapayü Shembüpalei lak, Israel amei Daülangpü Kahvangi dükpü khih shei eehen, nyinghen, deihhen hatü danhen.

ISAIAH 49:23

Ongthüyü ammei pa kei nyukahen, hatü onglanyüthüyü ammei hümlungnyü kei nyukahen. Jomei dhe kahdokei aümei shatü ammei la leipü lamak lailangphahen. Shejüang ammi ngeiyü Shembüpa shei nyinghen; Üami ngei kü omdannya, mechemao veü neponghen.”

ISAIAH 49:26

Am kü shüveipüthü kü jomei phai-üng hahhen hanhen, hatü yiüi keiha jomei iy-i jom chokhen. Shejüang shennyakthü peüi ngeiyü Shembüpa, am Yemleibü, Wong kohpü Jakob Kahvang shei nyinghen.”

ISAIAH 51:15

Mehenangkü ngeiyü yungching yungmokao ngeü anhüpü Shembüpa, ammei Kahvang. Jeiyong Shembüpayü ngelei men.

ISAIAH 60:16

Ammi jatthülei amma yinghen: ongthülei nyühaüm kü choihen. Shejüang ammi ngeiyü am yemleipü Shembüpa, wong longpü Israel Kahvang shei nyinghen.

ISAIAH 63:8

“Hingmei, jomü ngelei nanglakthü, jomi ngei kü ne-ühingphapih” shei Shembüpai enyüke, hatü büpayü jom Yangbü leiteke.

JEREMIAH 30:22

Amphong ngelei nanglak vaihen, hatü ngei ammei Kahvang vaihen.

JEREMIAH 31:33

“Hapa hepak pheikü ngei jom mü linghen vangpüshuwpeyü hapa hih” shei Shembüpai enyüke. “Ngei ngelei shahkung jomei sholi kü hatü jomei mongdang kü nyangei tuhhen. Ngei jomei Kahvang vaihen, hatü jomü ngelei nanglak vaihen.

EZEKIEL 20:19

Ngeiyü Shembüpa, ammei Kahvang; ngelei shahkungthü phei mütuh, hatü ngelei vanglemthü noteihen kenhingtuh,

HOSEA 1:10

Israel amü ienüng neaok, shethen neaoki yungching bhihhiphang kei daei leihen. “Amphong ngelei nanglak nevai” shei jom kü epü nangjei, “Amphongü vanyangyem Kahvangei hapeüthü” shei nyükhen.

LEVI 11:44

Ngeiyü Shembüpa, ammei Kahvang; am nyingi daülangi nyutuh; mehenangkü ngeiyü daülangpü. Kahdokei lüteipü yemhimak homei am nyingi nedaünelangpü telei.

LEVI 11:45

Ngeiyü ammei Kahvang vaihen shingvaishi am Ijip leipü müei leipü Shembüpa; hanangkü am daülangi nyutuh; mehenangkü ngeiyü daülangpü.

ZEKHARIAH 13:9

Hatü ngei ha shing hük aopai aw kü shukhen, hatü hon hi ngin daüpükei daütükhen. Jomi ngelei men kü nyükhen, hatü ngei jom kü janghen. “Jomü ngelei nanglakthü” shei ngei ehen, “Shembüpayü hamei Kahvang” shei jomi ehen.

BHEI-IE 15:41

Ngeiyü ammei Kahvang vaihen shingvaishi am Ijip leipü müei leipü Shembüpa, ammei Kahvang. Ngeiyü Shembüpa, ammei Kahvang.”

MATHI 22:32

‘Ngeiyü Abraham Kahvang, Isak Kahvang, hatü Jakob Kahvang. Büpayü didaipü Kahvang nevai, shejao vanyangyem Kahvang’ shei am kü mehe e, ha ne-ieangpü je?” shei eteke.

ROM SHAHSHA APPÜ 8:31

Shejema hathü nangkü jeni mehe ehenang? Kahvang jen shing nyujema, jen khühen üpa nyüpa?

SHAHKÜP 14:2

mehenangkü amphongü Shembüpa tou kü daülangpü nanglakthü nyüke. Kahdok shak kübü hangkuli peü khongkü Shembüpai amphongü büpa lompü vaihen jepeih.

SHAHKÜP 26:18

Hatü shinnyih Shembüpai am kü büpalei nanglak, hatü büpai lahpükei büpalei mophimo shei baongteke, hatü amphongi büpalei shahkungthü peü banghen eteke.

SHAHKÜP 29:12

Shinnyih am hatouei Shembüpa, ammei Kahvangi am mü lingpü vangpüshuwpü kü shühen hatü vangeishuwhen shingvaishi,

SHAHKÜP 29:13

ammei ambü ampa Abraham, Isak, hatü Jakob hathü kü lahpükei amphong büpalei nanglak hatü büpa ammei Kahvang vaihen shinnyih shahchong sheihen shingvaishi am yaongshi nyüke.

SHAHKÜP 29:5

Bong pinyi thahshi Shembüpai am jahpanei müteke, shejao ammei ashakviha, hatü lathuh chang neleidai.

SHAHKÜP 4:20

Shejao amphongü shinnyih nyupükei büpalei mükjüp yahpü am vaihen shingvaishi bahpü awbhaong Ijip leipü Shembüpai müei leipeih.

SHAHKÜP 7:6

Mehenangkü amphongü Shembüpa, ammei Kahvang touei daülangpü nanglakthü nyüke. Shembüpa, ammei Kahvangi kahdok shak kü nyupü hangkuli peü mü amphongü büpalei lompü hayaoha nanglak vaihen jelangpeih.

HEBREW 11:16

Shejao jomi meipü kahmük ongyang, lappai, vangsho amei kahmük. Hanangkü Kahvangü jomei Kahvang shei nyükhen kü veüei nedeih; mehenangkü büpai jom shing chingnyü hük temshuohteke.

1 PETER 2:10

Chem amphongü nanglak nevai-i nyupeih, shejao shaangü Kahvangei nanglakthü; chem amphongü phahji nedangi nyuhampeih, shejao shaang amphongi phahji dangteke.

SHAKEI VAMPÜ 21:3

hatü ngei ong uoshing leipü ngeü longpü hük hapakei epü dan: “Veituh, shaang Kahvangei shemü hangku mü nyüke; Büpa jomphong mü jomei Kahvang vaishi nyuhen, hatü jomphongü büpalei nanglakthü vaihen, hatü Kahvangü jom mü nyuhen;

SHAKEI VAMPÜ 21:7

Üami vehok neühen hathüi mükjüp danghen, hatü ngei jomei Kahvang vaihen, hatü jomphongü ngelei hapeüthü vaihen.