MÜLANGPÜ 6:6 - DAÜLANGPÜ LAIHING (BSI)

⁶ Hanangkü Israel am kü, “Ngeiyü Shembüpa, hatü ngei am yanghen hatü Ijip amei aa vaipü laphen kübü bümei leihühen. Ngei jom kü shahphenpü yah-ei peihen nangkü ngelei nyempühanpü lak nohen hatü ngei am angei leihen.

MÜLANGPÜ 6:6 Iomraidhean Croise

1 ONGPATHÜ 8:42

mehenangkü shennyakthüi nüngei men longpü hatü nüngei laklu wong longpü danei mechem kungpa shennyak hük peiyei hapa Phopshemei phophenshang,

2 ONGPATHÜ 17:36

shejao amphongi Shembüpa, üpai amphong Ijip kahdok leipü büpalei laklu wong longpai am müei leipa, büpa kü mon khümtuh, hatü moila shuohtuh.

1 SHÜPPÜKENGPÜ 17:21

hatü nüngei nanglak Israel am keiha kahdok shak kü jat hük Kahvangi laophü shingvaishi angei leilangpü hatü laophü shing men hük linghen, hatü longpü hatü yashanyale nyembenüng dou dükei nüngei nanglakthü toueipü vepathü changtüktü laophülei nanglak Ijip leipü angei leipükei üam nanglak nyüpa?

NEHEMIAH 1:10

Jomphongü nüngei laklu wong longpai angei leipü nüngei chongphobü hatü nanglakthü.

MENVIH KESHO 77:16

Mechem yungi nüng eepa, Oh Kahvang, jomi nyemteke, mechem ilangmongi nüng eepa, kheüteke.

MENVIH KESHO 81:11

Shejao ngelei nanglaki ngelei ngeü nedan, Israel ami ngelei shah nebang.

MENVIH KESHO 81:6

“Ngei nüngei bhagchong leipü pang ngühlangpeih, ngei nüngei hanggovih yahlangpeih.

MENVIH KESHO 81:7

Shanghah shingkü nüngi nyük, hatü ngei nüng yangpeih. Ngei vangmuk joshing kübü nüng kü jangpeih; ngei Meribah yungei nüng kü dokpeih.

MÜLANGPÜ 1:11

Hanangkü Ijip ami jomphong douwong dükhühen nangkü jom shak kü dou kü hienbü jeyei tuh. Israel hapeüthüi ongpa shing hahying tuhshing chingnyü nyi, Pithom hatü Rameses ling.

MÜLANGPÜ 12:41

Vangbong 430 dohpü nyih Shembüpalei nanglakthü peü Ijip tuhphongtü dai.

MÜLANGPÜ 12:51

Hapa nyih-üng Shembüpai Ijip kahdok leipü Israel am khongmü khongmü müei leilang.

MÜLANGPÜ 13:14

Mechem ngoikahen hepak kü ammei hapeüthüi, “Hapa mehe lappüang? shei phephahenshang, ammi, ‘Shembüpai büpalei wonghingani aa vaiyei nyupü Ijip kahdok leipü jen müei leilangpeih’ shei etuh.

MÜLANGPÜ 13:16

Shembüpai büpalei wonghingani ham Ijip leipü mülangpeih shei ammei lak kü nyangeihepü hatü ammei shangba kü deihhenlehen nyangeihepü shapü chongkahen.”

MÜLANGPÜ 13:3

Mosai nanglakthü kü, “Am Ijip leipü aa vaipü kahdok leipü vamei daipü nyih, shinnyih deih-ei dangtuh; mehenangkü Shembüpai büpalei wonghingani am müei ngailangteke. Daw shihpü aan tehah.

MÜLANGPÜ 15:13

Nüngi ahshi bampü nangkü, nüngi angei leipü nanglakthü müei lei; Nüngei wongi jomphong nüngei daülangpü kahdokei müei lei.

MÜLANGPÜ 16:6

Hanangkü Mosa hi Aaron nyi-i Israel am thaipü khongkü, “Amphong Ijip kahdok leipü müei leipeyü Shembüpa khih shei om mü ammi nyinghen,

MÜLANGPÜ 18:1

Shaang, Mosalei chenyühalei chepa, Jethro, Midian amei ngongpai Mosa hatü büpalei Israel nanglakthü kü Kahvangi mehe dükpa, Shembüpai mekei Israel am Ijip leipü müei daipa, ha jung peü danteke.

MÜLANGPÜ 2:11

Nyih hük Mosa nethe leipheikü büpa laophülei Hebrew nanglakthü touei pei, hatü jom kü kangei douwong dükhüpü büpai ee. Büpai laophülei Hebrew shennyak hük kü Ijip am hüki longi üpei ee.

MÜLANGPÜ 3:17

Ngei am Ijip kahdokei shangpong yakyingpü kübü amma hatü nyahjiü yenpü Kanan, Hit, Amor, Perizz, Hiv, hatü Jebus amei kahdokei mülanghen ngei temtepih.”

MÜLANGPÜ 3:8

hatü ngei Ijip amei lak kübü am yanglanghen peiküpeih, hatü meipü hatü bhashahpü kahdok, amma hatü nyahjiü mon yenpü kahdok, Kanan am, Hit am, Amor am, Perizz am, Hiv am, hatü Jebus am nyupü kahmükei ngei jom müei leilanghen.

MÜLANGPÜ 32:11

Shejao Mosai Shembüpa, büpalei Kahvang kü khümei eteke, “Oh Shembüpa, nüngei laklu wong longpai Ijip kahdok leipü nüngi müei leipü nüngei nanglakthü khüei mehekei mongshih vamnya?

MÜLANGPÜ 6:2

Kahvangi Mosa kü nyüktü, “Ngeiyü Shembüpa” shei e.

MÜLANGPÜ 6:29

büpai, “Ngeiyü Shembüpa, Ijip ongpa Pharaoh kü ngei nüng kü epü lemphü eyeishuoh” shei e.

MÜLANGPÜ 6:8

Ngei Abraham, Isak, hatü Jakob kü shuohhen shei lahpü kahdokei am müei leihen, hatü denden shing am lompü vaihen ngei am kü shuohhen. Ngeiyü Shembüpa” shei etuh.

MÜLANGPÜ 7:4

büpai nüngi epü nebangkahen. Hahepak kü Ijip kü lak nohen hatü mangshi shahphenhen hatü ngei ngelei nanglak Israel am khongmü khongmü mülanghen.

MÜLANGPÜ 7:5

Hatü mechem ngei Ijip am khüei ngelei lak noei Israel am mülanghen, hahepak kü Ijip ami ngeiyü Shembüpa shei nyinghen” shei eteke.

ISAIAH 9:12

Aram am heongphi leipü, hatü Philistia am heshüphi leipü peiyei ju katü Israel am lühtükteke. Hapaiyao büpa mongshihpü nemeinyu; büpalei lak shaang thahshi noshi nyüke.

ISAIAH 9:17

Hanangkü Shembüpai thehilathü kü neshinshangnyu, nevaijü jomei hashihha hatü vaümnyüthü kü nephahjinyu; mehenangkü peüi Kahvang nenying, hatü mang dükpüthü mon, hatü peüei jui ngashah enyüke. Hapaiyao büpa mongshihpü nemeinyu; hatü büpalei lak shaang thahshi noshi nyüke.

ISAIAH 9:21

Manasseh ami Ephraim am hahhen; Ephraim ami Manasseh am hahhen; jom chemi Judah am khüei yaonghen. Hapaiyao büpa mongshihpü nedoh; büpalei lak shaang thahshi noshi nyüke.

JEREMIAH 21:5

Ngei ngelei lak haongei, wong kohpü lak noei mongshih longpai am khüei hokhen.

JEREMIAH 27:5

Ngelei ngan longpai hatü ngelei laklu wong longpai ngei kahdoknyü hatü halei nyupü hangku hatü yemhimakthü lingpeih, hatü ngei monghahpü shennyakthü kü shuohpeih.

JEREMIAH 32:21

Nüngi Israel am Ijip leipü nyangeihepü, yashanyale, laklu wong longpai hatü nyempühanpü longpü hutü müei leipeih.

EZEKIEL 20:33

Hingmei ngeiyü Shembüpa, vanyangyem Kahvang, ngei mongshihpai ngelei wong kohpü laki ngelei ngan kempai ngei am shak kü vanglem lemhen shei shahvüng shuohnyeih.

PHONGSHANTHÜ DOU 13:17

Israel nanglakthülei Kahvangi jenei bühipa je, hatü Ijiplei nyushingkü nanglak dahüpeih. Wong longpai büpai hapa kahmük leipü müei lüdaipeih.

SHAHKÜP 11:2

Hapayü ammei hapeüthüi nevai shejao ammi Shembüpa, ammei Kahvangi mehe dükpa, ha mongkü pongnyüke; büpa longpü, büpalei ngan, büpalei wong,

SHAHKÜP 15:15

Amü Ijiplei aa kei nyuhampeih, shejao Shembüpa, ammei Kahvangi angei leipeih shei deihtuh. Hanangkü shinnyih ngei ha shahkungnyü am kü shuohnyüpeih.

SHAHKÜP 26:8

Hanangkü Shembüpalei laklu wong longpai, hatü nyemshi hanshi yashanyalepü ngani ham Ijip leipü müei leipeih.

SHAHKÜP 4:23

Shembüpa, ammei Kahvangi am mü vangeishuwpü nebetükhen kentuh; Shembüpa, ammei Kahvangi nemongpü kü am nyingi lajei mepa keiyao teling.

SHAHKÜP 4:34

Shembüpa, ammei Kahvangi ammei müki eeshi Ijiplei am kü dükpü douthü kei dokei, yashanyalepü hatü thamapü douthü huei, cham peihüei, hokei, büpalei laklu wong longpai longpü hatü nyempühanpü dou dükphongtü laophü shingvaishi jat hük leipü jat hük yangei mülangpükei lebü üpa kahvangiyao hapakei dükla?

SHAHKÜP 5:15

Amphongü Ijiplei aa vaihampeih, hatü Shembüpa, ammei Kahvangi büpalei laklu wong longpai am müei leipeih. Hanangkü Shembüpa, ammei Kahvangi hapa Sabbath nyih themhen enyüke.

SHAHKÜP 6:12

aa vaishi nyupü Ijip kahdok leipü am müei leipü Shembüpa nebetükhen kenhingtuh.

SHAHKÜP 7:19

Ammei müki eeshi nyembenüng chamhilem, yashanyale, thamapü dou dükpü hatü Shembüpalei wong longpai am müei leipü deihtuh. Ammi shaang nyempü shennyakthü peü kü Shembüpa, ammei Kahvangi aihük mü dükkahen.

SHAHKÜP 7:8

Shejao Shembüpai am kü bampü nangkü hatü büpai ammei bühipa kü lahpü nangkü büpalei laklu wong longpai aa vaihampü kahdok Ijip ongpa Pharaohlei lakmong leipü amphong angei leiteke.

SHAHKÜP 9:29

Shejao hathüyü nüngi nüng lompü vaihen shingvaishi jelangpü nanglakthü hatü nüngei laklu wong longpai Ijip leipü nüngi mülangpü nanglakthü khih.”