1 Shembüpai Mosa kü, “Sheleipü yaongshung nyi kei nüngi yaongba nyi lokei yahtuh, hatü nüngi bhaotükpü sheleipü yaongshung nyi kü nyupükei ngei shah nyangphahen.
Mechem Mosa baümtap yopailei ngoipa, büpai mohoh cheha lingtü oeihoei phaukteipü eeyei büpa longi mongshih, hatü hapa Shahkungnyü Yaongshung noei kahshanglalei shüktü khih mü nihtük,
Shembüpa den kü nyunyeih; nüngei shah vangsholei wongshongi lingei nyüke.
Mechem Kahvangi Sinai Kahshangei Mosa mü shah eteiyei tempa, büpai büpa kü Kahvangei lakjaangi shüngei nyangpü Shahkungnyü Yaongshung nyi shuohteke.
Mosai nehahneyingi hatouei Shembüpa mü nyih pinyi ya pinyi nyu, hatü büpai yaongshung kü vangpüshuwpü shahthü, Shahkungnyü An nyangteke.
Hapa yaongshungü Kahvangi lingpü nyuteke, hatü laknyangü Kahvangei laknyang yaong kukei nyangpü nyuteke.
Shembüpai Mosa kü, “Ngei touei kahshangei aongkei, hatü hamü dantuh; hatü ngei nanglakthü kü noteihen shingvaishi nyangpü shahkungnyü kemei kohshi yaongshung nyi yahphahen” shei e.
Hanangkü Mosai sheleipü keiha yaongba nyi lokei Shembüpai büpa kü eshuohpükei hapa yaongba nyi kotü nepnüng dhom mü lomi Sinai Kahshangei aong.
Ammi dükhen shingvaishi büpai vangpüshuwpü shahkungnyüthü an yaongshung nyi kü nyangtü am kü shuohteke.
Hanangkü Jeremiah-i lebü laidü hük yah-ei Neriahlei cheha Barukh laknyangbü kü shuoh, hatü Jeremiah-i ju mü eshuohshingkü Barukh-i Judah ongpa Jehoiakimi aw kü jaktükpü laidü leipü shahthü peü nyang. Shao hapa mü leteipü shahthü longi üei nyang.