Biblia Todo Logo
Bìoball air-loidhne

- Sanasan -




MÜLANGPÜ 32:9 - DAÜLANGPÜ LAIHING (BSI)

9 Shembüpai Mosa kü, “Ngei hapa nanglakthüyü longi mong vaanshi eenyüke.

Faic an caibideil Dèan lethbhreac




MÜLANGPÜ 32:9
19 Iomraidhean Croise  

Shejao jomi jomei bühipathüi Shembüpa, jomei Kahvang kü hingnelemi nyupü keiha jomi ha nebangi nyu.


Ambü ampa keiha am mong tevaan; Shembüpa touei maanpü leituh. Büpai den shing daüei tuhpü phopshemei peikei. Am toueipü büpalei mongshih yahlangphahen nangkü Shembüpa, ammei Kahvang chongphotuh.


Shejao jom, hamei bühipathüi changmei, hatü jomei ngaümvang haüei nüngei shahkungthü nebang;


jomi ven nedan, hatü jom touei yashanpü douthü dükpü peü betük, shejao jomei ngaümvang vaanei aa laphen kü Ijiplei nyokei leihen tem. Shejao nüngü mang tükpü, phahji yahyangpü, mongshih youngmü vampü, hatü bampü kü changshishashi nyupü Kahvang, hatü nüngi jom netuhphong.


Shejao jomü chebü chepa am kei mong vaanei khüei yaongpü, Kahvang kü jomei mong lanei neshuohpü, nevaijü jomei laanghabüpa kü hingnelempü am nevaihen.


Amma hatü nyahjiü yenpü kahdokei daituh; shejao ngei am mü nedaikahen, hei nevaijema ngei lem jiamei am mahtükhen hih; mehenangkü amphongü mong vaanpü nanglakthü khih” shei eshuohteke.


Mehenangkü Shembüpai Mosa kü, “Amphongü mong vaanpü nanglakthü khih. Kansho hük dangkao ngei am mü daijema, ngei am jütükkemhen khih. Shaang ammei owhiai nyiuktüktuh, hatü ngei am kü mehe dükhen ngei baong hanpü yahhen shei eyeishuoh” shei eteke.


“Oh Shembüpa, nüngi ngei kü monghahjema, Shembüpa, nüng ham mü daikütuh shei khümnyüpeih. Hayü mong vaanpü nanglakthü vailangmao ham pungpü shaipü hatü hamei mang tükshih, hatü nüngei mükjüp yahhen nanglak leihüshih” shei büpai e.


Longi lohhah pheikü üpai mong vaanei nyuhenshang, yanglem neshiüi topshi mahhen.


Am meshük mong vaanshi nyu, hatü nyiam keiha ngaümchong haüshi, hatü melangnyiam keiha ammei shangba vaanshi nyupa, ha ngei nyinghampeih.


Shangchingthülei ammei jiühitnalai, mükbongjuyung, vaüpü eepü, neveüi büm yupü ngei eetepih. Onyükei, Oh Jerusalem! Nedaünelangi meshük lushi nyuhenang?”


Israel phang kü ngei nyembenüng dou hük eetepih, halei Ephraim ami mükbongjuyung düknyüke, hatü Israel am sheihdaiteke.


Shembüpai Mosa kü, “Meshükpa hapa nanglakthüi ngei yakphonghenang? Ngei jom kü yashanyalepü longi dükshuohjao meshükpa jomi ngei kü hingnelemhenang?


“Am ngaümvang vaanpü shennyakthü; mongdang hatü dhaong shuw nejappüthü, ambü ampai dükpükei ammi düngei Laangha Daülangpü khüei yaongnyüke.


Hanangkü ammei mongdang shuw japtüktuh hatü hajük kü mong vaanei tenyu.


Am meshükpa mong vaan, hatü khüei yaongnya, ha ngei nyingnyüpeih. Ngei yemmü nyushi dangkao hajükjük Shembüpa khüei yaongjema, ngei didaipheikü am meshük khüei yaonghen?


Shao Shembüpai ngei kü, “Ha nanglakthüyü ahshi-üng mong vaanpüthü khih shei ngei nyingteke.


Shembüpa, ammei Kahvangi hapa kahcheü kohpü kahdokü am changpüshapü nangkü shuohpü nevai shei nyingtuh; mehenangkü amphongü mong vaanpü nanglakthü khih.


Lean sinn:

Sanasan


Sanasan