MÜLANGPÜ 32:7 - DAÜLANGPÜ LAIHING (BSI)

⁷ Hahepak kü Shembüpai Mosa kü, “Nüng chem leituh! Mehenangkü nüngi Ijip leipü müei daipü nüngei nanglakthüi ngei khüei mang thahteke;

MÜLANGPÜ 32:7 Iomraidhean Croise

2 SHÜPPÜKENGPÜ 27:2

Büpaiyao chepa Uzziah keiha mehe Shembüpa touei jiü, ha dük; chepai kei büpai phopshemei ayingshü jakei mang nethah; shejao nanglakthü payü mang dükei nyu.

MENVIH KESHO 78:36

Shejao jomi jomei jui büpa yawhteke; jomei yeijaangi büpa kü shahshem eteke.

MÜLANGPÜ 19:24

Shembüpai Mosa kü, “Leituh, hatü nüng mü Aaron ankei; shejao ngongpathü vaijao nanglakthü vaijao Shembüpa touei aonghen shei viong tepeihhü, hei nevaijema, ngei jom hanghihühen” shei e.

MÜLANGPÜ 32:1

Mechem nanglakthüi Mosa kahshang leipü nelei-i longi pheidaiteke shei veiaokpa, jomi Aaron shonei thaiyei büpa kü, “Ham Ijip leipü müei daipü hapa Mosa naühayü mehe heühahpa nenyingang. Peikei, ham kü lem müphahen shingvaishi kahvang hük lingshih” shei eteke.

MÜLANGPÜ 32:11

Shejao Mosai Shembüpa, büpalei Kahvang kü khümei eteke, “Oh Shembüpa, nüngei laklu wong longpai Ijip kahdok leipü nüngi müei leipü nüngei nanglakthü khüei mehekei mongshih vamnya?

MÜLANGPÜ 32:4

Jomi yahshuohpü hon peü büpai yah-ei mohoh cheha kei lajei hük shükei ling, hatü jomi, “Oh Israel am, hapayü Ijip kahdok leipü am müei daipü kahvang khih” shei eteke.

MÜLANGPÜ 33:1

Shembüpai Mosa kü, “Nüng hatü nüngi Ijip leipü müei daipü nanglakthü peü hapa shing tuhphongtuh, hatü layaongei ngei Abraham, Isak, hatü Jakob kü, ‘Ammei hühihathü kü shuohhen’ shei lahpü kahdokei daituh.

ISAIAH 1:4

Oh mang jatli, mang hanggovih chettü nyupü nanglakthü, mangei lihilathü, ten kü shuohtükpü hühihathü. Jomphongi Shembüpa yakphongteke; jomi Israel amei Daülangpü Hük yaktükteke, hatü büpa toueipü jomei dok lepdaiteke.

DANIEL 9:24

Hapta pejempüanü nüngei nanglakthü hatü ammei chingnyü mang dükpü kübü dohdaihen, mang mahtükmentükhen, mang yaktükhen hatü nedohnetenpü daülangshemshepü hatü shahhing koei peihen, manghkhang hatü thihivam shah dhaümhen hatü daülangpü Phopshem thiteiphuei daühen shingvaishi epü khih.

HOSEA 9:9

Gibeahlei nyupü nyih kü kei, ten lem kü jom hingdaiteke; Kahvangi jomei mang deihhen, hatü jomei mang nangkü jom hanghihühen.

SHAHKÜP 31:29

Ngei didaipheikü amphongü yahlak neshiüi tendaihen hatü ngei epü shahkung kübü lepdaihen khih shei ngei nyingnyüke. Ngoikahen nyih kü am kü shanghah peikahen; mehenangkü ammi Shembüpa touei mang dou dükhen hatü ammei laki lingei büpa mongshihhühen.

SHAHKÜP 32:5

Shejao büpalei nemeipü hapeüthüi büpa kü nemei-i dükteke, Veüshi hajük kü jomphongü büpalei hapeüthü nevai, shejao jomphongü kaokpünyompü hühihathü nyüke.

SHAHKÜP 4:16

Hanangkü am shingvaishi baha nevaijü nyüha kei,

SHAHKÜP 9:12

Hahepak kü Shembüpai ngei kü, “Nüng leituh; mehenangkü Ijip leipü nüngi müei leipü nanglakthüi mang thahteke. Ngei jom kü dükhen eshuohpü yakphongtü jom shingvaishi lajei lingei nyüke” shei ephüteke.

SHAHKÜP 9:8

Sinai Kahshang leiyao am mahtükhen mü ammi Shembüpa mongshihhüpeih.

SHAHPHENBÜTHÜ 2:19

Shejao mechem shahphenbüthü didaikempa, jomi lebü kahvangthü phei müei hathü kü khümei jomei bühipa mao nemeipüba lemnyong kü kam, hatü nemeipü lem, douten yakphonghen jomi nemong.