MÜLANGPÜ 32:4 - DAÜLANGPÜ LAIHING (BSI)

⁴ Jomi yahshuohpü hon peü büpai yah-ei mohoh cheha kei lajei hük shükei ling, hatü jomi, “Oh Israel am, hapayü Ijip kahdok leipü am müei daipü kahvang khih” shei eteke.

MÜLANGPÜ 32:4 Iomraidhean Croise

1 ONGPATHÜ 12:28

Hapakei deih-ei dangtü ongpai hon yah-ei mohoh cheha nyi ling, hatü büpai nanglakthü kü, “Jerusalemei khümnüng aonghenü amphong kü lem ahshi ludaiteke. Oh Israel am, amphong Ijip leipü müei leipü kahvangthü hatouei nyüke” shei e.

1 ONGPATHÜ 12:32

Judahlei mohampü keiha Jeroboami lenyang shetpabü nyih anpüngapabü kü mo mohen tem, hatü büpai moidülei jakpü moila shuoh. Büpai hayü büpai lingpü mohoh cheha kü Bethelei moila shuoh, hatü shao büpai Bethelei büpai lingpü khümshingthü kü ngongpathü jeyei tuh.

2 ONGPATHÜ 10:20

Jehu-i, “Baal kahvang kü dhüm shuoh-ei thaihen nyüktuh” shei e. Hanangkü jomi hapa lenteke.

2 ONGPATHÜ 10:29

Shejao Jehu-i Nebatei cheha Jeroboam, üpai Bethel hatü Dan kü hon mohoh cheha kü khümei Israel am mang thahhüpa, hapa mang kübü neyan.

2 SHÜPPÜKENGPÜ 11:15

büpai mongpükei shennyak jeyei vaümchong, büpai lingpü yum hatü mohoh cheha kahvangthü kü khümhen shingvaishi ngongpathü jeteke.

2 SHÜPPÜKENGPÜ 13:8

Shaang nüngi Davidei hüpeüthülei lak leipü Shembüpalei ongching khüei yaonghen küpjan temnyu je? Hih, nüng mü veshan longi nyüke, hatü Jeroboami ammei kahvang vaihen lingpü hon mohoh cheha nyüke.

NEHEMIAH 9:18

Mechem jomi jom shing mohoh cheha lajei lingpa, “Hapayü am Ijip leipü müei leipü ammei Kahvang” shei eyei nüng kü neienelem,

MÜLANGPÜ 20:2

Ngeiyü am Ijip kahdok aa laphen kübü müei leipü Shembüpa, ammei Kahvang;

MÜLANGPÜ 20:23

Ammi ngei mü lenei hon nevaijü ngin yah-ei kahvang teling.

MÜLANGPÜ 20:4

Ammi am shingvaishi vangsho leipü nevaijü kahdoknyü leipü nevaijü yungmong leipü, kahdok mong leipü lemphüli mepakeiyao lajei teling.

MÜLANGPÜ 28:11

Lahhinei hapa douvang yaong kukei Jakobei chehathülei men nyangaokhen shennyak yemtuh, hatü hapayü hon vaüptü haongtuh.

MÜLANGPÜ 28:9

Onyx yaong nyi kü Jakobei chehathülei men kukei nyangtuh;

MÜLANGPÜ 32:1

Mechem nanglakthüi Mosa kahshang leipü nelei-i longi pheidaiteke shei veiaokpa, jomi Aaron shonei thaiyei büpa kü, “Ham Ijip leipü müei daipü hapa Mosa naühayü mehe heühahpa nenyingang. Peikei, ham kü lem müphahen shingvaishi kahvang hük lingshih” shei eteke.

MÜLANGPÜ 32:24

Hanangkü ngei jom kü, “Üam üami hon angpa ha ngei kü yahshih shei eshuohpeih. Jomi ngei kü hon yahpha-i aw kü jakshuohjü hapai mohoh cheha leiyei vamküpeih” shei e.

MÜLANGPÜ 32:3

Hanangkü nanglakthü peüi jomei hon dhaongchü bhüh-ei Aaron touei yah-ei pei.

MÜLANGPÜ 32:35

Aaroni mohoh cheha lingei jomi ha kü khümpü nangkü Shembüpai nanglakthü kü cham shomei hanghihüteke.

MÜLANGPÜ 32:5

Mechem Aaroni hapa eepa, büpai hapa touei moidü hük lingtü lenei, “Ngenyih-ü Shembüpa kü mo hük mohen” shei e.

MÜLANGPÜ 32:7

Hahepak kü Shembüpai Mosa kü, “Nüng chem leituh! Mehenangkü nüngi Ijip leipü müei daipü nüngei nanglakthüi ngei khüei mang thahteke;

MÜLANGPÜ 32:8

Ngei jom kü dükhen eshuohpü peü yakphongtü lembienei lüdaikemteke; jomi jom shingvaishi mohoh cheha lajei hük lingtü ha kü khümei jakpü moila shuoh-ei, ‘Oh Israel am, hapayü am Ijip kahdok leipü müei daipü ammei kahvang khih’ shei enyüke” shei eteke.

ISAIAH 30:22

Hahepak kü ammi hon hatü ngini shaokei lingpü lajeithü yah-ei ashakten keiha yaktüktuh.

ISAIAH 46:6

Shennyakthüi laophülei khoung leipü hon aokei ngainyüke; Jomi ngin dok kü doknyüke; Jomi hon shükbülei nang yemei Kahvang shüknyüke, hatü hapa kü aümei khümnyüke.

EZEKIEL 23:8

Pinnyüi nela hepak Ijiplei bahathü mü shiyei, büm kü bhiteiphaüei pai mü ngühpü nela den mahhüei nyupü shaang thahshi ha neyakphongang.

HOSEA 10:5

Samarialei nyupüthüi Beth-Aven leipü mohoh lajei hahtükpü nangkü nyemhen. Haleipü nanglakthü hatü lajei chongphopü ngongpathüi haleipü müknyinshekhang yandaipü eeyei mahng thephen.

HOSEA 13:2

Shaang jomi nyeinya mang thahnyüke; Jomi jom shing nyiam hatü ngin yah-ei jomei sholi kü peipükei jomei laki lajei lingnyüke. Hathü nanglakthüi, “Üami jakpü moila shuohnya, mohoh chehalei ju kü jüptuh” shei enyüke.

PHONGSHANTHÜ DOU 17:29

Hanangkü jenphongü büpalei lihilathü vaipü nangkü Kahvangü hon, ngin nevaijü yaong– hangkui deih-ei letü laki shangpü lajei kei nyüpükei jeni nedeih-ükhih.

PHONGSHANTHÜ DOU 7:41

Hahepak kü jomi mohoh cheha hük ling, lajei kü jakpü moila shuoh, hatü jomei laki linghahpü lajei kü dhüm huei mongongtei.

1 KORINT 10:7

Jomphong hanei am keiha am lajei khümpü am telei; hapa nyangei nyüke, “Nanglakthüi hahhen yinghen uo, hatü jom ngahenjahen yaong.”

SHAHKÜP 9:16

Mechem ngei leiyei veipa, amphongü Shembüpa, ammei Kahvang khüei mang thahtü nyu; am nyingi am shing mohoh cheha lajei lingtü nyuteke. Shembüpai am kü epü lem kü nevai-i lemnyong kü lüdaitü nyuteke.

SHAHPHENBÜTHÜ 8:24

hatü büpai jomphong kü, “Ngei amphong kü lemhük pheshah; amphongi yah-ei leipü dhaongchü yahshih” shei e. (Midian amao hon dhaongchü chüteipü vanglem nyuteke.)

SHAHPHENBÜTHÜ 8:27

Gideoni hapa hon yah-ei yaongnaüya hük lingei jom ching Ophrahlei tuh. Israel am kemei Kahvang yakphongtü hapa kü khüm, hatü hapayü Gideon hatü jom shem shingvaishi hühhihang leiteke.