MÜLANGPÜ 3:8 - DAÜLANGPÜ LAIHING (BSI)

⁸ hatü ngei Ijip amei lak kübü am yanglanghen peiküpeih, hatü meipü hatü bhashahpü kahdok, amma hatü nyahjiü mon yenpü kahdok, Kanan am, Hit am, Amor am, Perizz am, Hiv am, hatü Jebus am nyupü kahmükei ngei jom müei leilanghen.

MÜLANGPÜ 3:8 Iomraidhean Croise

KAHBHAO 11:5

Hahepak kü Shembüpai hapa chingnyü, hatü shennyakthüi vepü shangdü kü veihen yiüteke.

KAHBHAO 11:7

Kei, jen yiüei hüki epü hüki nedanhen mü jomei shah buktükshah” shei e.

KAHBHAO 15:13

Shembüpai büpa kü, “Nüngei hühihathü kung kahdokei daiyei benhayaha vaiyei nyuhen, hatü aa vaiyei bong 400 thahshi shüveipü ponghah-ei nyuhen ha nyingtuh.

KAHBHAO 15:14

Shejao jom aa vaishi chongphopü jat kü ngei hanghi shuohhen, hatü hapheikü jom mophimo longi kotü vamei daihen.

KAHBHAO 18:21

Ngei touei peiküpü thaüvaü aimü jomi nedükpü hi dükpüshang ngei yiüei veihen, hatü hapakei nevaipü vaijema, ngei nyinghahhen hih” shei e.

KAHBHAO 43:11

Hapheikü chepa Israeli jomphong kü, “Hakei-üng vaijema ha düktuh; kahmük kü vampü betjük vaümei ammei hanggo kü shih-ei yiüei hathü hapa shennyak kü balm meli maani, nyahjiü maani, hetnyai maani, nyalingngupai vantükpü, pistachio betjük hatü almond betjük yah-ei thintho yah-eishuoh.

KAHBHAO 46:4

Ngeiyao nüng mü Ijiplei yiükahen, hatü shao ngei nüng müei anhen, hatü Josephei laki dükshi nüng müksho methühen” shei e.

KAHBHAO 50:24

Hapheikü Joseph-i büpalei cheihinaüthü kü, “Ngei sheyü didaihen khih, shejao hingmei Kahvangi am kü junghen, hatü Abraham, Isak hatü Jakob kü lahpü kahdokei am müei leihen” shei e.

1 SHÜPPÜKENGPÜ 1:15

Hiv, Ark, Sin,

NEHEMIAH 9:8

Büpalei mongdangi nüng kü hinglempü nüngi nying, hatü nüngi büpalei hühihathü kü Kanan, Hit, Amor, Perizz, Jebus hatü Girgash amei kahdok shuohhen büpa mü vangpüshuwpü lingteke. Nüngi lahtükpü lakshing tuh; mehenangkü nüngü shahhing nyüke.

MENVIH KESHO 12:5

“Taopathü kü shüveipü nangkü, hatü nehahneyingpüthü theppüyoungpü nangkü ngei shaang peikahen; Jomi ongyangpü yanghen shing kü ngei jomi shingnüngei tuhphonghen” shei Shembüpai enyüke.

MENVIH KESHO 12:6

Shembüpai lahpeyü hingshangpü, hapayü awbhaong kü nyetpa jakei daütükpü hon hi ngin kei nyüke.

MENVIH KESHO 34:8

Jepei veihümao Shembüpayü meiangpeih; büpa kü loipü shennyakü moihimanpü.

MENVIH KESHO 91:15

Mechem jomi nyükhen, ngei janghen; shanghah shingkü ngei jom mü nyuhen. Ngei jom yanghen, hatü dhüm huhen.

MÜLANGPÜ 12:41

Vangbong 430 dohpü nyih Shembüpalei nanglakthü peü Ijip tuhphongtü dai.

MÜLANGPÜ 12:51

Hapa nyih-üng Shembüpai Ijip kahdok leipü Israel am khongmü khongmü müei leilang.

MÜLANGPÜ 13:5

Mechem Shembüpai am Kanan, Hit, Amor, Hiv, hatü Jebus amei kahdok, amma hatü nyahjiü yenpü kahdok, mepa ammei bühipa kü shuohhen shei büpai lahpa, hapa kahdokei leishingkü ammi hapa shongpü len kü ha mo motuh.

MÜLANGPÜ 3:17

Ngei am Ijip kahdokei shangpong yakyingpü kübü amma hatü nyahjiü yenpü Kanan, Hit, Amor, Perizz, Hiv, hatü Jebus amei kahdokei mülanghen ngei temtepih.”

MÜLANGPÜ 34:11

Shinnyih ngei am kü shuohpü shahkungnyü ven bangtuh. Ngei am toueipü Amor am, Kanan am, Hit am, Perizz am, Hiv am, hatü Jebus am changtükhen.

MÜLANGPÜ 5:23

Nüngei men kü Pharaoh touei ngei peiyei eteipü mü pangei büpai nanglakthü kü nemei-i nonyüke, hatü nüngei nanglakthü yanglem nüngi meheyao nedükang” shei eteke.

ISAIAH 36:17

Ngei peiyei ammei kahdok keiha hahying hatü yiü, aan hatü nyalingngupai kah nyupü kahdokei shetei mangdeilangi ngei touei shakei vamdaikei.

ISAIAH 64:1

Oh nüng paoh vangsho shaden aptüktü yiükülangmeyü kahshangthü nyemei kheühah shepeih.

JEREMIAH 11:5

Shejüang ngei ambü ampa kü amma hatü nyahjiü yenpü kahdok mepa ammi shinnyih yah-ei nyüpa, ha shuohhen shei vangpü jiühühen” shei ngei etepih. Ngei jangei, “Amen, Shembüpa!” shei e.

JEREMIAH 2:7

Ngei am changeishaei nyupü kahdokei, haleipü betjük hatü meipü kemei hahhen shingvaishi müei leipeih. Shejao mechem am halei shüpa, ammi ngelei kahdok sheihtük, hatü ngelei mükjüp jiühitnalai leitükpeih.

JEREMIAH 32:22

Nüngi chebü chepa kü amma hatü nyahjiü mon yenpü kahdok shuohpeih.

EZEKIEL 20:6

Hapa nyih ngei jomphong kü Ijip kahdok leipü ngei jom shing yempü kahdok, amma hatü nyahjiü mon yenpü, kahdok peü shak kü müknyinshekhangpü kahdokei müei leihen lahpeih.

LEVI 20:24

Shejao ngei am kü eshah, “Ammi hapa kahdok yahhen; ngei am kü amma hatü nyahjiü yenpü kahdok am kü mükjüp vaishi shuohhen. Ngeiyü Shembüpa, ammei Kahvang, hatü ngei lebü jatthü mü am hayaoha loukei jepeih.”

AMOS 2:10

Ngei am Ijip kahdok leipü müei leipeih; vangbong pinyi jahpanei am müpeih, hatü Amor amei kahdok am kü shuohpeih.

BHEI-IE 13:18

Hapayü mekeipü kahmük, halei nyupü shennyakthüyü wong kohpü hi nekohpü, jom longshi hi maanshi nyüpa veituh.

BHEI-IE 13:19

Mekeipü kahdok, nemeipü hi meipü kü jom nyunya, mekeipü chingnyü kü jom nyunya, chingnyüthü kü penyü showei nyülashang veituh.

BHEI-IE 13:27

Jomi Mosa kü, “Nüngi shompü kahdok thahshi ham aongtepih; kahdok kü kahcheü kohshi; halei amma hatü nyahjiü yennyüke. Haleipü betjükü hapa khih.

JOHAN 3:13

Vangsho leipü yiüpü Shennyak Ha mü lenei üpaiyao vangsholei ne-aong.

JOHAN 6:38

mehenangkü ngei vangsho leipü ngei mongpü düknüng yiüpü nevai, shejao üpai ngei shom, büpai mongpü düknüng yiüpeih.

SHAHKÜP 1:25

Hapa kahdok leipü betjükao jomi vaümei jen kü leiyei, “Shembüpa, jenei Kahvangi jen kü shuohpü kahdokü meiangke” shei shah-om aokküteke.

SHAHKÜP 1:7

Ammei baümtapthü bentüktuh hatü phaüshang kahmük Amorlei aongtuh hatü Arabah kü nyupü shennyakthü kahshangthülei heshüphi kahshangla kü, Negeb kü hatü Mediterranean yungkung kü Kanan am, hatü Lebanon hatü longpü Euphrates yungyen thahshi daituh.

SHAHKÜP 27:3

Shembüpa, ammei bühipa Kahvangi am kü lahpükei mechem Jordan homei Shembüpa, ammei Kahvangi am kü shuohpü amma hatü nyahjiü yenpü kahdokei shühenshang, shahkungthü peü hapa kü nyangtuh,

SHAHKÜP 28:11

Shembüpai am kü shuohhen shei ammei bühipa kü lahpü kahdokei büpai am kü hühiha, yemhimak hatü hahying moihimanphahen.

SHAHKÜP 6:3

Bangtuh, Oh Israel am, Shembüpa, ammei bühipa Kahvangi am kü lahpükei am meishi nyuhen hatü amma hatü nyahjiü mon yenpü kahdok kü am daeisheyei nyuhen shingvaishi büpai epü kenhingei bangtuh.

SHAHKÜP 7:1

Mechem Shembüpa, ammei Kahvangi am kü hapa kahdok shuohhen shingvaishi müei leihenshang, büpai am mü longpü hatü wong kohpü jat nyet– Hit am, Girgash am, Amor am, Kanan am, Perizz am, Hiv am, hatü Jebus am amphong toueipü changtükhen.

JOSHUA 5:6

Shembüpai epü nebangpü nangkü Ijip leipü vamei daishingkü veshan vaihen yienmeishem peü mangdidaikem thahshi Israel am jahpanei vangbong pinyi hükshing longtei; mehenangkü Shembüpai jomei bühipa kü amma hatü nyahjiü mon yenpü kahdok shuohhen shei lahpü ha ne-eehüpih shei lahteke.

JOSHUA 9:1

Mechem Jordan yungdang heshüphi kahshang hatü kahshangla hatü Mediterranean yungkung kahjishong kübü Lebanon apshaphi thahshi nyupü Hit, Amor, Kanan, Perizz, Hiv hatü Jebus ongthüi Israel ami vehok neüpü jung danpa,

JOSHUA 9:7

Shejao Israel shennyakthüi, “Mehekei hami am mü chingmei linghen? Üpai nyingpa, amü yopailei nyupü am vaihen aokpeih” shei e.