MÜLANGPÜ 3:18 - DAÜLANGPÜ LAIHING (BSI)

¹⁸ Nüngi mehe enya ngelei nanglakthüi ha bangkahen; nüng hatü Israel behethü Ijip ongpa touei peiyei büpa kü, “Shembüpa, Hebrew amei Kahvang ham touei shakei vamküteke. Shembüpa, hamei Kahvang kü jahpanei nyih jem lem kü daiyei jakpü moila shuohhen ham kü mongshih” shei eyeishuoh.

MÜLANGPÜ 3:18 Iomraidhean Croise

KAHBHAO 12:1

Shaang Shembüpai Abram kü, “Nüngei kahmük, nüngei shem am, hatü ampalei shem tuhtü ngei nüng kü huphahen kahdokei daituh” shei e.

KAHBHAO 14:13

Yangei daipü shennyak hüki Hebrew am Abram touei peiyei büpa kü ha jung ejateke. Shaang Abramü Amor am Mamrelei longkham püchong yopailei nyu. Mamre hatü chenaü Eshkol hatü Aner hathüyü Abramei mongjempathü nyu.

KAHBHAO 15:1

Hapheikü Shembüpalei shah Abram touei manghkhang hük kü peiyei, “Nüng tenyem, Abram, ngeiyü nüngei inyüshung, nüngei laklei longi nyüpeih” shei eteke.

KAHBHAO 17:1

Mechem Abram bong 99 nyupa, Shembüpa büpa touei peiyei, “Ngeiyü Jeiyong Kahvang; ngei touei eela nekoh-i kamtuh.

KAHBHAO 48:3

hatü Jakobi Joseph kü, “Jeiyong Kahvangi Kanan kahdok Luzlei ngei touei vamei,

2 SHÜPPÜKENGPÜ 30:12

Judah leiyao Shembüpalei shah kü epükei mehe ongpa hatü lakchongbüthüi epa, ha kü mongjemtü dükhen shingvaishi Kahvangi dou dükteke.

MENVIH KESHO 110:3

Daülangpü kahshangei nüngi nüngei veshanthü thepjulei deishingkü jom nyingi lanei shuohhen. Nepnüng dhom kübü nyien keiha nüngei nethe wong nyokei leikahen.

MÜLANGPÜ 10:3

Hanangkü Mosa hatü Aaron nyi Pharaoh touei peiyei büpa kü, “Shembüpa, Hebrew ammei Kahvangi hapakei enyüke: Meshükpa nüngi ngei touei maanpü neleihünya? Ngei kü khümhen shingvaishi ngelei nanglakthü leishihtuh.

MÜLANGPÜ 17:5

Shembüpai Mosa kü, “Israel behethü hanei nüng mü müei nanglakthü shekü daituh; nüngi Nile yungyen kü bheipü lenshuoh-ao notuh hatü daituh.

MÜLANGPÜ 19:1

Israel am Ijip tuhtü daipü len jempabü shongpü nyih kü-üng jom Sinai yingnyü ngoi.

MÜLANGPÜ 25:22

Halei ngei am mü pongteihen, hatü shaküp shangkü cherubim nyi aa kü Israel nanglakthü shingvaishi ngei ngelei shahkungnyü yahphahen.

MÜLANGPÜ 3:12

Kahvangi, “Ngei nüng mü nyukahen; hatü ngei nüng shompü denpü hapa nyukahen: Mechem nüngi ngelei nanglakthü Ijip leipü müei daihen, ammi hapa kahshangei ngei kü khümhen” shei e.

MÜLANGPÜ 3:16

Layaongtuh hatü Israel am behethü nyükei thaihütü jom kü, “Shembüpa, ammei bühipa Kahvang, Abraham Kahvang, Isak Kahvang, hatü Jakob Kahvang ngei touei vamei ephopeih shei eyeishuoh: Ngei am kü veishi nyüpeih hatü am kü Ijip ami mehe dükpa ngei nyingei nyüpeih.

MÜLANGPÜ 30:36

Ha hanei yah-ei khih mü ngümtuh, hatü hapa ashakshemei yah-ei peiyei Vangpüshuwpü Pela touei haiyeishuoh, halei ngei am mü ponghen, hatü ha am shingvaishi daülangpü nyukahen.

MÜLANGPÜ 30:6

Vangpüshuwpü Pela touei haenpü ashak haolei hapa moidü haütuh; halei ngei am mü pongteihen.

MÜLANGPÜ 4:1

Hahepak kü Mosai Shembüpa kü, “Shejao nyingshah-i jomi ngei epü kü hingnelem nevaijü nebangi ‘Shembüpai nüng touei shakei vamei ne-eangpih’ shei ephüjema, ngei mehe eshuohhen?” shei eteke.

MÜLANGPÜ 4:23

“Ngei kü khümhen shingvaishi ngelei hashongpa leishihtuh shei ngei nüng kü etepih. Shejao nüngi büpa neleishihpeih; shaang ngei nüngei hashongpa jütükhen shei Pharaoh kü eyeishuoh.”

MÜLANGPÜ 4:24

Jom leilemei yanüng paümpü shingei Shembüpai Mosa pong, hatü büpa jütükhen kheteke.

MÜLANGPÜ 4:31

Nanglakthüi hinglem; hatü mechem jomi Shembüpai jom ponghahpü eeyei junghen peipeih shei danpa, jom aümei shaei khümteke.

MÜLANGPÜ 5:1

Hapheikü Mosa hi Aaron nyi Pharaoh ongpa touei peiyei, “Jahpanei jomi ngei kü mohitap linghen shingvaishi ngelei nanglakthü leishihtuh shei Shembüpa, Israel amei Kahvangi hapakei enyüke” shei e.

MÜLANGPÜ 5:3

“Hebrew amei Kahvang ham touei shakei vamküteke. Shaang ham nyih jem lem kü jahpanei daiyei Shembüpa, hamei Kahvang kü jakpü moila shuohhen deishihtuh, hei nevaijema büpai ham dinlemi nevaijü vehok homei jütükhen khih” shei jijinyi-i eteke.

MÜLANGPÜ 7:16

Büpa kü hapakei eyeishuoh, ‘Shembüpa, Hebrew amei Kahvangi ngei nüng touei shompeyü, jahpanei jomi ngei kü khümhen shingvaishi ngelei nanglakthü leishihtuh’ shei ehen shompü khih. Shejao shaang thahshi nüngi nebangnyu.”

MÜLANGPÜ 8:1

Hahepak kü Shembüpai Mosa kü, “Pharaoh touei peiyei büpa kü, ‘Ngei kü khümhen shingvaishi ngelei nanglakthü leishihtuh shei Shembüpai enyüke’ shei eyeishuoh.

MÜLANGPÜ 8:20

Shembüpai Mosa kü, “Dhom mü lomi paotuh hatü Pharaoh yungei yiüküjü pongteiyei büpa kü Shembüpai hapakei enyüke shei etuh: Jomphong ngei kü khümhen shingvaishi ngelei nanglakthü leishihtuh.

MÜLANGPÜ 8:23

Hapa keiha, ngei ngelei nanglak hatü nüngei nanglak aa kü baong hanei nohen. Hapa yashanpü ngenyih vamkahen” shei e.

MÜLANGPÜ 9:1

Hahepak kü Shembüpai Mosa kü, “Pharaoh touei peiyei büpa kü eyeishuoh, ‘Shembüpa, Hebrew amei Kahvangi hapakei enyüke: Ngei kü khümhen shingvaishi ngelei nanglakthü leishihtuh.’

MÜLANGPÜ 9:13

Hahepak kü Shembüpai Mosa kü, “Nepnüng dhom mü lomi paoei Pharaoh touei peiyei büpa kü eyeishuoh, ‘Shembüpa, Hebrew amei Kahvangi hapakei enyüke: Ngei kü khümhen shingvaishi ngelei nanglakthü leishihtuh.’

ISAIAH 64:5

Mongongshi jiüpü dükpüthü, hatü nüng deih-ei dangpüthü kü nüng peiyei sheühnyüke. Shejao hami mang thahpü nangkü nüng mongshihteke, ham pungpü nangkü nüngei dhe jolangpeih.

JEREMIAH 2:2

Daituh, hatü Shembüpai hapakei enyüke shei Jerusalem am danshi etuh: Am thehila hepak kü meshük ngei kü bamshi nyupa! Doidaila keiha am meshük ngei kü kenpa, chemao kah nelingpü phaü kü mekei ngei müpa!

JEREMIAH 2:6

Jomphongi, “Ham Ijip leipü müei leipü, bhih hatü kahsha mon nyupü jahpan homei, ühivan hatü vangnyak nyupü kahdok, üamiyao nekamteipü hatü üamao nenyupü kahdokei ham müei leipü Shembüpa melei nyüpa?” shei jomi ne-e.

JEREMIAH 26:5

hatü ammi nebangjao ngei am touei leiyei leiyei shompü ngei chongphopü thibüthülei shah nebangjema,

BHEI-IE 17:4

Ashakshem mongei ngei am mü pongteipü Vangpüshuwpü Pela touei deiyei haütuh.

JOSHUA 1:17

Hami Mosalei shah bangpükei, hami nüngi epü kao banghen. Shembüpa, nüngei Kahvang Mosa mü nyupükei nüng mao nyemnyukeima.