MÜLANGPÜ 3:15 - DAÜLANGPÜ LAIHING (BSI)

¹⁵ Kahvangi Mosa kü, “Nüngi Israel am kü hapakei etuh, Shembüpa, ammei Kahvang, Abraham Kahvang, Isak Kahvang, Jakob Kahvangi am touei ngei shompü khih shei eyeishuoh” shei eteke. Hapayü denden shing ngelei men; hüdenhalenshi ngei deih-ei danghen men nyüke.

MÜLANGPÜ 3:15 Iomraidhean Croise

HEBREW 13:8

Jisu Khristayü menyih, shinnyih hatü düngei hükkei khan.

MALAKI 3:6

Ngeiyü Shembüpa, ngei nejeileinyih. Hanangkü, Oh Jakobei hühihathü, ngei am nemahtükpih.

HOSEA 12:5

Hapayü Shembüpa, Jeiyong Kahvang, büpalei menü Shembüpa!

MIKA 4:5

Mehenangkü jatphü jomei kahvang men kü kamhen aok, shejao ham payü hüdenhalenshi Shembüpa, hamei Kahvang men kü kamhen.

MÜLANGPÜ 3:6

“Ngeiyü ammei bühipa Kahvang, Abraham Kahvang, Isak Kahvang, hatü Jakob Kahvang hih” shei Kahvangi e, hatü Mosai büpalei dhe jolang; mehenangkü büpai Kahvang kü veihen nyemteke.

ISAIAH 9:6

Mehenangkü jen kü naü hük büh-ei nyüke, jen kü yeshang hük shuoh-ei nyüke, hatü vanglem lempü büpalei bhagchong shangkü nyuhen. Büpa kü kahmükvangphapü, Shahnying Venbü, Jeiyong Kahvang, Nedohnetenpü Pa, Chingmei Ongpa shei nyükhen.

MENVIH KESHO 102:12

Shejao Oh Shembüpa, nüngü den kü ong uoshingei nyüke; nüngei men hüdenhalenshi nyunyüke.

MENVIH KESHO 135:13

Oh Shembüpa, nüngei men den kü nyunyeih, denshem peü kü nüngü men-e, Oh Shembüpa.

PHONGSHANTHÜ DOU 7:32

“Ngeiyü ambü ampalei Kahvang, Isak hatü Jakob Kahvang.” Hanangkü Mosa kheühen chongpang hatü ha kü neveiaok.

SHAHKÜP 1:11

Shembüpa, ambü ampalei Kahvangi shao haja haja nyemdahü hatü büpai lahpükei am kü moihiman nyemshuoh!

MÜLANGPÜ 4:5

“Shembüpa, jomei bühipa Kahvang, Abraham Kahvang, Isak Kahvang hatü Jakob Kahvangi nüng touei shakei vamei hupü khih shei Israel ami nyinghen shingvaishi nüngi hapa düktuh” shei Shembüpai eteke.

ISAIAH 63:12

Mosalei lakdah philei laophülei müknyinshekhang laki ngan shompü, hatü nedohnetenpü menmei danghen nangkü jom toueiyungching hantükpü,

MENVIH KESHO 72:19

Büpalei müknyinshekhang men den kü moihimantuh; büpalei müknyinshekhangi kahdoknyü peü mahütuh, Amen, Amen.

MENVIH KESHO 72:17

Büpalei men den kü nebetüki nyuhütuh, vanghenyü nyupü thahshi büpalei menmei nyuhütuh. Jatthü peüi büpa kü moihiman danghen, jomi büpa kü mongongpü baonghen.

2 SHÜPPÜKENGPÜ 28:9

Shejao Shembüpalei thibü hük meni, Oded shei nyu, hatü büpai Samarialei leijapü veshanthü mü pongteinüng heih-ei büpai jomphong kü, “Shembüpa, ambü ampalei Kahvangi Judah kü mongshihpü nangkü büpai jom ammei lak kü shuohpeih, shejao ammi nemei-i hokei jüpai vangsho thahteke.

MATHI 22:32

‘Ngeiyü Abraham Kahvang, Isak Kahvang, hatü Jakob Kahvang. Büpayü didaipü Kahvang nevai, shejao vanyangyem Kahvang’ shei am kü mehe e, ha ne-ieangpü je?” shei eteke.

SHAHKÜP 4:1

Mosai nanglakthü kü eteke, “Oh Israel am, ngei am kü nyuhpü shahkungnyüthü bangtuh. Am yemmü nyuhen hatü daiyei Shembüpa, ammei ambü ampa Kahvangi am kü shuohpü kahdok yah-aokhen shingvaishi hathü bangtuh.

SHAHKÜP 1:35

Jephunnehlei cheha Kaleb mü lenei hapa mang hangkuthü üpayao ngei ambü ampa kü shuohhen shei lahpü kahdokei neshüaokhen.

PHONGSHANTHÜ DOU 3:13

Abraham Kahvang, Isak Kahvang, Jakob Kahvang hatü jenei bühipalei Kahvangi büpalei ha Jisu, üpa ammi büpa lanei shuoh, hatü Pilati vetükhen ejao ammi nemong, büpa müknyinshekhanghüpü khih.

HEBREW 11:16

Shejao jomi meipü kahmük ongyang, lappai, vangsho amei kahmük. Hanangkü Kahvangü jomei Kahvang shei nyükhen kü veüei nedeih; mehenangkü büpai jom shing chingnyü hük temshuohteke.

KAHBHAO 24:12

Büpai, “Oh Shembüpa, ngelei shembü Abrahamei Kahvang, ngei shinnyih aokpü danghütuh, hatü ngelei shembü Abraham kü bampü hueishuoh.

MÜLANGPÜ 3:13

Shejao Mosai Kahvang kü, “Ngei Israel am touei peiyei ammei bühipa Kahvangi am touei ngei shompü khih shei eshuohjü, ‘Büpalei men üpaang?’ shei ngei kü phephüjü ngei jom kü mehe eshuohhenang?

MÜLANGPÜ 4:1

Hahepak kü Mosai Shembüpa kü, “Shejao nyingshah-i jomi ngei epü kü hingnelem nevaijü nebangi ‘Shembüpai nüng touei shakei vamei ne-eangpih’ shei ephüjema, ngei mehe eshuohhen?” shei eteke.

MÜLANGPÜ 6:2

Kahvangi Mosa kü nyüktü, “Ngeiyü Shembüpa” shei e.

MÜLANGPÜ 15:2

Shembüpayü ngelei wong hatü ngelei kesho, hatü büpa ngelei yemleipüba nyüke. Büpa ngelei Kahvang hatü ngei büpa men longhen; Ngelei opalei Kahvang, hatü ngei büpa longei anshihhen.

MÜLANGPÜ 15:3

Shembüpayü hampa nyüke; Shembüpayü büpalei men nyüke.”

LEVI 24:11

Depü hepak kü hapa shennyaki Kahvangei men thaüvaüteke. Hanangkü jomi hapa shennyak Mosa touei müei dei,

MENVIH KESHO 30:4

Shembüpa kü menvih kesho loktuh, Oh am büpa kü hinglempüthü, hatü büpalei daülangpü men kü menvih shuohtuh.

KANDOK 18:10

Shembüpalei menü wong kohpü shangdü; daülangpüthü halei mokei shünyeih hatü yangdainyeih.

ISAIAH 26:8

Oh Shembüpa, nüngei shahkungnyü lem kü kamei hami nüng omdannyeih; nüngei men hatü nüngei menmeiyü hamei laanghaiyahhüpü.

ISAIAH 42:8

Ngeiyü Shembüpa, hapayü ngelei men; Ngei ngelei müknyinshekhang üpa kao neshuohhen, nevaijü ngelei menvih lajeithü kü neshuohhen.

JEREMIAH 33:2

Kahdoknyü lingpü Shembüpa, hapa shükei shingnüngei tuhpü Shembüpa, büpalei menü, Shembüpa, büpai hapakei enyüke:

DANIEL 2:23

Ngei nüng kü vihnyeih, hatü dhüm shuohnyüpeih, Oh hamei bühipa amei Kahvang: Nüngi ngei kü kon hatü ngan shuohnyüpeih, hatü hami nüng kü mehe yüpa, ha nüngi shakei vamei huphüteke, Nüngi ham kü ongpalei mangh shakei vamphüteke.”

1 SHÜPPÜKENGPÜ 16:16

Büpai Abraham mü vangeishuwpü hatü Isak mü lahteipü deihnyüpeih.

1 SHÜPPÜKENGPÜ 29:18

Oh Shembüpa, hamei bühipa Abraham, Isak hatü Jakob Kahvang, nüngei nanglakthülei mongkü hapa keipü mükhong hatü mongdeih düngei nyuhütuh, hatü jomei mongdang nüng philei meehütuh.

MENVIH KESHO 30:5

Mehenangkü büpa mongshihnyeih, shejao kanja shing mon; büpa bampü yangnyu yangkemei shingvaishi nyüke. Vangnyak kü thepei nyulangmao nepnüng mongongpü peikahen.

MENVIH KESHO 68:5

Hashihhathü kü pa, hatü vaümnyüthü kü khüambakpeyü Kahvang; büpalei daülangpü shingei nyüke.

MENVIH KESHO 102:13

Nüng yaonghen hatü Zion kü phahji huhen, mehenangkü hapayü ha kü bamhen hepak hük; ittükpü hepak ngoiteke.

HOSEA 12:6

Hanangkü am Kahvang touei mong leptuh; bampü hatü shahhing kü shongtuh, hatü düngei ammei Kahvang om dantuh.