MÜLANGPÜ 3:14 - DAÜLANGPÜ LAIHING (BSI)

¹⁴ Kahvangi Mosa kü e, ‘NGEIYÜ NGEI HIH.’ Israel am kü, ‘NGEI’ shei epübai am touei ngei shompü khih shei etuh” shei eteke.

MÜLANGPÜ 3:14 Iomraidhean Croise

HEBREW 13:8

Jisu Khristayü menyih, shinnyih hatü düngei hükkei khan.

JOHAN 8:58

Jisui jomphong kü, “Hingmei ngei am kü enyeih, Abraham shekü ngei nyuhampeih” shei e.

SHAKEI VAMPÜ 1:8

Üpa nyüpa, üpa nyutepa, hatü Jeiyongpa üpa peikahen nyu, büpai, “Ngeiyü Alpha hatü Omega” shei Shembüpa Kahvangi enyüke.

MENVIH KESHO 90:2

Kahshangthü lingshekü, nevaijü kahdoknyü bhaoshekü nüngü Nedohnetenpü kübü nedohnetenpü thahshi Kahvang nyuhampeih.

ISAIAH 44:6

Israel amei Ongpa, hatü Yemleibü, Jeiyong Shembüpai hapakei enyüke: “Ngeiyü chongpangpü hatü dohpü; Ngei mü lenei lebü Kahvang neshiüpih.

SHAKEI VAMPÜ 1:4

Johani Asia kü nyupü Attoithü nyet touei: Üpa nyüpa, üpa nyutepa, hatü üpa peikahen nyu, hatü büpalei ong uoshing toueipü laangha nyet,

SHAKEI VAMPÜ 1:17

Mechem ngei büpa eepa, mahng kei ngei büpalei la tüngei doei shük. Shejao büpai ngei kü büpalei lakdah-i düktü, “Nüng tenyem; ngeiyü chongpangpü hatü dohpü;

MÜLANGPÜ 6:3

Ngei Abraham touei, Isak touei hatü Jakob touei Jeiyong Kahvang shei shakei vamei hupeih, shejao ngelei daülangpü men, “Shembüpa” shei jomphong üpa kao nenyinghüangpih.

SHAKEI VAMPÜ 4:8

Yemmü nyupü yemhathü ieyei kü yang vok baong kohtü mük mon shinei hatü mongeiyao kohshi nyuteke. Nyakhingai thüngei hathüi nedoh-i hapakei lokteke: “Daülangpü, daülangpü, daüpangpü, Jeiyong Shembüpa Kahvang, Üpa nyu, üpa nyüpa hatü üpa peikahen nyu.”

2 KORINT 1:20

Mehenangkü büpa kü Kahvangi lahpeyü, “Hih” shei nyüpeih. Ha tata kü büpa homei Kahvang müknyinshekhangei “Amen” shei hami enyeih.

JOHAN 8:28

Hanangkü Jisui jomphong kü, “Mechem ammi Shennyak Ha shangei lungei anshihhen, hahepak kü ammi ngeiyü büpa khih shei nyinghen, hatü ngei mongpü meheyao nedüknyih, shejao Pa-i ngei kü epü douthü jung enyüpeih.

MATHI 28:20

hatü ngei am kü epü lemphü dükhen jom kü nyuh-eishuoh, hatü kahdoknyü dohpü ngoishi ngei amphong mü düngei nyukahen.”

MENVIH KESHO 68:4

Kahvang kü kesho lokeishuoh, büpalei men kü menvihpü loktuh. Phum shangkü uoei kamteipüba kü men vihtuh, hatü büpa touei mongongtuh.

MATHI 18:20

Melei ngelei men kü nyi nevaijü jem thaiyei nyu, halei ngei jom mü nyüpeih.

JOB SHAHSHA APPÜ 11:7

Nüngi Kahvangei doujo nyingaokhen je? Nüngi Jeiyong Kahvangi neaokbenüng yemaokhen je?

JOHAN 8:24

Ammei mang kü am dihen hih shei ngei am kü etepih; ammi ngeiyü büpa shei hingnelempü thahshi amphongü ammei mang kü dihen” shei e.

MÜLANGPÜ 3:13

Shejao Mosai Kahvang kü, “Ngei Israel am touei peiyei ammei bühipa Kahvangi am touei ngei shompü khih shei eshuohjü, ‘Büpalei men üpaang?’ shei ngei kü phephüjü ngei jom kü mehe eshuohhenang?

MÜLANGPÜ 6:2

Kahvangi Mosa kü nyüktü, “Ngeiyü Shembüpa” shei e.

MÜLANGPÜ 23:21

Ammi kenhingei büpai epü kü bangtuh; ammi büpa khüei teyaong; mehenangkü “Ngelei Men” büpa kü nyupü nangkü büpai henüng keipü mang netükphahen.

MÜLANGPÜ 15:3

Shembüpayü hampa nyüke; Shembüpayü büpalei men nyüke.”

ISAIAH 42:8

Ngeiyü Shembüpa, hapayü ngelei men; Ngei ngelei müknyinshekhang üpa kao neshuohhen, nevaijü ngelei menvih lajeithü kü neshuohhen.