MÜLANGPÜ 3:13 - DAÜLANGPÜ LAIHING (BSI)

¹³ Shejao Mosai Kahvang kü, “Ngei Israel am touei peiyei ammei bühipa Kahvangi am touei ngei shompü khih shei eshuohjü, ‘Büpalei men üpaang?’ shei ngei kü phephüjü ngei jom kü mehe eshuohhenang?

MÜLANGPÜ 3:13 Iomraidhean Croise

KAHBHAO 32:29

Hahepak kü Jakobi, “Chingmeilemlingei nüngei men eshih” shei e. Shejao hapa shennyaki, “Nüngi mehekei ngelei men phenya?” shei e, hatü halei büpai büpa kü moihiman.

MÜLANGPÜ 15:3

Shembüpayü hampa nyüke; Shembüpayü büpalei men nyüke.”

MÜLANGPÜ 3:12

Kahvangi, “Ngei nüng mü nyukahen; hatü ngei nüng shompü denpü hapa nyukahen: Mechem nüngi ngelei nanglakthü Ijip leipü müei daihen, ammi hapa kahshangei ngei kü khümhen” shei e.

MÜLANGPÜ 3:14

Kahvangi Mosa kü e, ‘NGEIYÜ NGEI HIH.’ Israel am kü, ‘NGEI’ shei epübai am touei ngei shompü khih shei etuh” shei eteke.

MÜLANGPÜ 3:15

Kahvangi Mosa kü, “Nüngi Israel am kü hapakei etuh, Shembüpa, ammei Kahvang, Abraham Kahvang, Isak Kahvang, Jakob Kahvangi am touei ngei shompü khih shei eyeishuoh” shei eteke. Hapayü denden shing ngelei men; hüdenhalenshi ngei deih-ei danghen men nyüke.

MÜLANGPÜ 7:16

Büpa kü hapakei eyeishuoh, ‘Shembüpa, Hebrew amei Kahvangi ngei nüng touei shompeyü, jahpanei jomi ngei kü khümhen shingvaishi ngelei nanglakthü leishihtuh’ shei ehen shompü khih. Shejao shaang thahshi nüngi nebangnyu.”

KANDOK 30:4

Üpai vangsholei aongtü shühpa? Üpai laophülei lakbha kü vanglük thaiyei tuhpa? Üpai laophülei ashak kü yung dungei tuhpa? Kahdoknyü junghijang thahshi üpai lingpa? Büpa hatü chehalei men üpaang? Nüngi nyingei nyujema ngei kü ha eshih!

ISAIAH 52:6

Hanangkü ngelei nanglakthüi ngelei men nyinghen, hatü hapa shah epeyü ngei khih shei hapa nyih jomi nyinghen. Hih, hapayü ngei hih.

ISAIAH 7:14

Hanangkü Shembüpai nüng kü nyangeihepü hük yahphahen. Veituh, pai mü ngühpü nela hüki yeshang hük bühkahen, hatü büpa kü Immanuel shei menhen.

ISAIAH 9:6

Mehenangkü jen kü naü hük büh-ei nyüke, jen kü yeshang hük shuoh-ei nyüke, hatü vanglem lempü büpalei bhagchong shangkü nyuhen. Büpa kü kahmükvangphapü, Shahnying Venbü, Jeiyong Kahvang, Nedohnetenpü Pa, Chingmei Ongpa shei nyükhen.

JEREMIAH 23:6

Büpalei nyihthü kü Judah yanghen, hatü Israel am nyiushemmei kü nyuhen. Büpa kü, “Shembüpayü jenei daülangpüba” shei nyükhen.

MATHI 1:21

Pinnyüi yeshang hük angkahen, hatü nüngi büpa kü, ‘Jisu’ shei menhen; mehenangkü büpai laophülei nanglakthü jomei mang kübü yanglanghen” shei e.

MATHI 1:23

“Veituh, pai mü ngühpü nela hük büm nekongi leihen, hatü Yeshang hük anghen, hatü büpa kü, ‘Immanuel’ lappai, ‘Kahvang jen mü nyüpeih’ shei menhen.”

PHONGSHANTHÜ DOU 3:13

Abraham Kahvang, Isak Kahvang, Jakob Kahvang hatü jenei bühipalei Kahvangi büpalei ha Jisu, üpa ammi büpa lanei shuoh, hatü Pilati vetükhen ejao ammi nemong, büpa müknyinshekhanghüpü khih.

SHAHPHENBÜTHÜ 13:17

Hahepak kü Manoah-i Shembüpalei phongshan kü, “Nüngi epü shahthü jiüei dhaümküjü nüng kü dhüm huhen shingvaishi nüngei men mekeiang?” shei phe.

SHAHPHENBÜTHÜ 13:6

Hahepak kü hapa nyühai chepaha touei heih-ei büpa kü, “Kahvang shennyak hük ngei touei peiküpeih, hatü büpayü veiheni Kahvangei phongshan kei nyemshi shüke; büpa kü meleipü peiküpa shei ngei nepheshuoh-angpih, hatü büpai büpalei men ne-ephaangpih;