MÜLANGPÜ 3:12 - DAÜLANGPÜ LAIHING (BSI)

¹² Kahvangi, “Ngei nüng mü nyukahen; hatü ngei nüng shompü denpü hapa nyukahen: Mechem nüngi ngelei nanglakthü Ijip leipü müei daihen, ammi hapa kahshangei ngei kü khümhen” shei e.

MÜLANGPÜ 3:12 Iomraidhean Croise

KAHBHAO 15:1

Hapheikü Shembüpalei shah Abram touei manghkhang hük kü peiyei, “Nüng tenyem, Abram, ngeiyü nüngei inyüshung, nüngei laklei longi nyüpeih” shei eteke.

KAHBHAO 15:8

Shejao büpai, “Oh Shembüpa, ngei hapa kahdok yah-aokhen shei ngei mekei nyingaokhen?” shei phe.

KAHBHAO 26:3

Hapa kahdokei kanja nyutuh, hatü ngei nüng mü nyuhen hatü moihimanphahen. Nüng hatü nüngei hühihathü shing hapa kahdok kemei shuohhen, hatü ngei ampa Abraham kü lahpü ha jiühühen.

KAHBHAO 31:3

Hahepak kü Shembüpai Jakob kü, “Ambü ampalei kahdok hatü jeihinaüthü yemei leituh, hatü ngei nüng mü nyukahen” shei e.

2 ONGPATHÜ 19:29

Hahepak kü Isaiah-i e, “Nüng shingvaishi nyangeihepü hük ha nyukahen, Oh Hezekiah: Shenüngü mehe nyingnying vamei jüknya, ha hahtuh, hatü bong nyipabü keyü mehe ha kübü vamei jükkahenshang ha hahtuh, hatü bong jempabü keyü sheituh, hatü vettuh; nyalingngupai sheituh hatü hapa betjük hahtuh.

1 SHÜPPÜKENGPÜ 9:20

Sheleiyü Eleazarlei cheha Phinehasyü shaden yombüthü kü mübü nyu, hatü Shembüpa büpa mü nyu.

MENVIH KESHO 86:17

Nüngi bampü nyangeihepü hushih, shejüang ngei kü jiühitpüthüi ha eetü veühen; mehenangkü Shembüpa, nüngi ngei kü sheüh hatü nyiushem meihüpeih.

MÜLANGPÜ 18:5

Mosalei chenyühalei chepa, Jethro-i Mosalei cheha nyi hatü chenyüha müei Mosai Kahvang kahshangei baümtap vepü touei pei.

MÜLANGPÜ 3:1

Shaang, Mosai cheko Jethro, Midian am ngongpalei mi yomei nyu; büpai mithü müei yingnyü homei Kahvangei daülangpü Horeb Kahshangei aong.

MÜLANGPÜ 3:13

Shejao Mosai Kahvang kü, “Ngei Israel am touei peiyei ammei bühipa Kahvangi am touei ngei shompü khih shei eshuohjü, ‘Büpalei men üpaang?’ shei ngei kü phephüjü ngei jom kü mehe eshuohhenang?

MÜLANGPÜ 33:14

Shembüpai, “Ngei am mü omshi daihen hatü ngei am kü aokpü shuohhen” shei eteke.

MÜLANGPÜ 4:12

Shaang, layaongtuh, nüngi epü kü ngei sheühphahen, hatü nüngi mehe eshuohhen ngei nüng kü nyuhphahen” shei e.

MÜLANGPÜ 4:15

Mehe mehe ehen nüngi büpa kü eyeishuoh; ngei anjiphen kü mehe ehen sheühphahen, hatü anjiphen kü mehe dükhen ngei ephahen.

MÜLANGPÜ 8:27

Hami jahpanei nyih jem lem kü daiyei mon Shembüpa, hamei Kahvang kü büpai epükei jakpü moila shuohhen vongbong” shei e.

ISAIAH 37:30

Hapayü nüng shingvaishi nyangeihepü ha chongkahen shei Isaiah-i Hezekiah ongpa kü e: “Shenüngü mehe pinnyü nyingnying vamei jükkahenshang hapa hahtuh; ngüvangao haleipü mehe vamei jükkahen ha hahtuh; shejao bong jempabü keyü sheili haituh, vettuh, nyalingngupai sheituh, hatü haleipü betjük hahtuh.

ISAIAH 41:10

Hanangkü amphong tenyem; mehenangkü ngei amphong mü nyüpeih; amphong tehan; mehenangkü ngeiyü ammei Kahvang; Ngei amphong wong kohhühen; ngei am kü sheühhen, ngelei aokpü laki ngei am shongei tuhhen.

ISAIAH 43:2

Mechem am yung homei daihen, ngei am mü nyuhen; hatü mechem am yungdang homei daihen, yungi am bhongei neshanlanghen. Mechem am awbhaong kü kamei daihen, awi am kü nekethen; awlomi am kü nelihen.

ISAIAH 7:14

Hanangkü Shembüpai nüng kü nyangeihepü hük yahphahen. Veituh, pai mü ngühpü nela hüki yeshang hük bühkahen, hatü büpa kü Immanuel shei menhen.

JEREMIAH 1:8

Nüngi hathü kü tenyem; mehenangkü ngei nüng mü nyüpeih, hatü nüng yanghen” shei eteke.

BHEI-IE 16:28

Mosai nanglakthü kü, “Hapa keiha Shembüpai hathü dou dükhen Shembüpai ngei shompü khih hatü hayü ngei mongpükei düknyu nevai shei amphongi nyingtuh.

BHEI-IE 23:21

Jakob kü mehe shanghah nevaijü Israel kü mehe shangpong yakyingao ngei ne-eenyu. Shembüpa, jomei Kahvang jom mü nyüke; Büpayü jomei ongpa shei lennyüke.

MATHI 28:20

hatü ngei am kü epü lemphü dükhen jom kü nyuh-eishuoh, hatü kahdoknyü dohpü ngoishi ngei amphong mü düngei nyukahen.”

MARK 16:20

Nanglomthü daiyei peü lemei hapa shahjangmei chongven, hatü Shembüpai jom mü chemi dou dük, hatü yashanyale douthü dükpai jomphongei shahjangü hingshangpü shei lekhüteke.

PHONGSHANTHÜ DOU 11:21

Shembüpalei ngan jom mü nyu, hatü shennyak longi hinglem hatü Shembüpa touei lep.

PHONGSHANTHÜ DOU 7:7

Shejao jom aa vaishi chongphopü kahmük kü ngei hanghi shuohhen, hatü hapheikü jom hapa kahmük kübü vamei daiyei hapa shingei ngei chongphohen shei Kahvangi epeih.’

ROM SHAHSHA APPÜ 8:31

Shejema hathü nangkü jeni mehe ehenang? Kahvang jen shing nyujema, jen khühen üpa nyüpa?

SHAHKÜP 31:23

Hahepak kü Shembüpai Nunei cheha Joshua kü, “Nüng wongkoh monglongtuh; mehenangkü ngei jom kü lahpü kahdokei nüngi Israel am müei daihen hatü ngei nüng mü nyukahen” shei e.

HEBREW 13:5

Nüngei yangnyu lop bampü kübü yangei nyutuh, hatü mehe ang, ha kü mong hüshemei nyutuh; mehenangkü büpai, “Ngei nüng netuhphongpih nevaijü neyakphongpih” shei eteke.

JOSHUA 1:5

Nüngei yangnyu den kemei üamiyao am khüei neyaongaokpih. Ngei Mosa mü nyupükei ngei nüng mü nyuhen; ngei nüng kü neshaiphapih nevaijü nüng netuhphongpih.

SHAHPHENBÜTHÜ 6:12

Shembüpalei phongshan büpa touei peiyei, “Wongkoh monglongpü hampa, Shembüpa nüng mü nyüke” shei e.

SHAHPHENBÜTHÜ 6:16

Shembüpai büpa kü, “Nüngi aokhen hih; mehenangkü ngei nüng mü nyukahen, hatü nüngi Midian am peü ngümtükhen” shei e.

SHAHPHENBÜTHÜ 6:17

Gideoni jangei, “Nüngi ngei kü bamei deihjema, ngei mü shah eteipeyü nüng khih shei nyinghen shingvaishi nyangeihepü hük hushih.

SHAHPHENBÜTHÜ 6:21

Hahepak kü Shembüpalei phongshani büpalei lak leipü lenshuohjaangi phai hatü aan kü hong, hatü yaong leipü aw vamei phai hatü aan hahtük, hatü Shembüpalei phongshan büpa toueipü mahdai.

SHAHPHENBÜTHÜ 7:11

hatü jomphongi mehe eteikahen ha bangtuh, hatü hapheikü mon nüngi jom hahhen monglongkahen” shei e. Hanangkü Purah jiji vepathülei baümtap junghükphi thahshi yiü.

1 SAMUEL 14:10

Shejao jomi, ‘Ham touei aongkei’ shei ephüjema, ji aongjahen hatü hapayü Shembüpai jiei lak kü jom shuohpü nyangeihepü hük vaikahen” shei e.