MÜLANGPÜ 26:1 - DAÜLANGPÜ LAIHING (BSI)

¹ Ammi ashakshem hük vetuh hatü mongei haenpü nyemin ashak pha an thüngshingpü ow, manghshempü ow, hakla ow shihtü dakpü, ha kü cherubim lajei hoitü lingtuh.

MÜLANGPÜ 26:1 Iomraidhean Croise

2 SAMUEL 7:2

hatü ongpai Nathan thibü kü, “Veituh, ngei payü cedar pü yah-ei vepü shem kü nyunyüke, shejao Shembüpalei Vangpüshuwpü Pelayü ashakshemei nyüke” shei e.

1 ONGPATHÜ 6:29

Phopshem bham kü dungnuk shakhimong peü kü cherubim, palm pü hatü chübongthü bakei ling.

1 SHÜPPÜKENGPÜ 17:1

Davidi büpalei ongshemei uopheikü büpai Nathan thibü kü, “Shembüpalei Vangpüshuwpü Pela ashakshem hükei tuhphongtü ngeiyü cedar püi vepü ongshemei nyunyu khih” shei e.

1 SHÜPPÜKENGPÜ 21:29

Jahpanei nyushi Mosai lingpü Shembüpalei ashakshem, hatü jakpü moila shuohteipü moidü hahepak keyü Gibeonei khümshingei tuh-ei nyu.

MÜLANGPÜ 25:18

Hapa shaküp jungpongei kaoklaki dhüngei meishi shükei honi cherubim nyi lingtuh.

MÜLANGPÜ 25:4

thüngshingpü, manghshempü hatü iyshüm kei hakpü ashak hatü nyemin ashak, yumha mum,

MÜLANGPÜ 25:8

hathü yah-ei ngei jom mü nyuhen shingvaishi daülangpü shing hük lingshih.

MÜLANGPÜ 26:2

Hapa haenpü ashakthü yangkü meter anpünyi, ba kü meter nyi; hatü hapa ashakthü kemei bahiyang hükkeikei nyuhen vongbong.

MÜLANGPÜ 26:31

Ammi nyemin ashak thüngla ow, manghshempü ow, hatü iyshüm kei hakpü ow kohpü ashak hük lingtuh, hatü hapa kü lahhinei dükaokhen shennyak hüki cherubim hiuei shihtuh.

MÜLANGPÜ 26:36

Ashakshem kü shaden shühen lemei thüngla ow, manghshempü ow, hatü iyshüm kei hakpü nyemin ashak kü hiuei ow shihtü ashak hük lingtuh.

MÜLANGPÜ 31:7

Ashakshem, Vangpüshuwpü Pela, ha shangkü shaküp kohtü hatü haleipü douhinang peü omshi,

MÜLANGPÜ 35:11

ashakshem hatü hapalei ashak hatü hapa kü jümpü, hapa kü khamteipü, hapalei shemtahng, hapalei pübhang, haleipü shemnyü, hapalei pülu;

MÜLANGPÜ 35:35

Büpai jijinyi kü yaong shükei lingpüthüi hatü mistrithüi lingpükei hatü ashak thüngla, manghshempü hatü ashak hakla hatü nyemin ashak hoiyei dakpüthü kei dakhen lahhinei dükhen kon shuohteke. Jiji nyiyü lemphü mistri dou kü den ngoiyei manpü nyi nyüke” shei eteke.

MÜLANGPÜ 35:6

nyemin ashak, thüngla ow, manghshempü ow, mimum ashak hakla, yum mum,

MÜLANGPÜ 36:35

Jomi thüngla, manghshempü, hatü iyshüm kei hakpü ashaki hatü nyemin ashak nyiükei, ha kü cherubim meishi hoiyei shihtü haenhen ashak ling.

MÜLANGPÜ 39:3

Jomi hon baünyangi pengteke, hatü hapayü lingpüthüi thüngla, manghshempü hatü iyshüm kei hakpü ashak hatü nyemin ashak kü thünghen shingvaishi yangmü yangmü japteke.

MÜLANGPÜ 40:2

“Shongpü len shongpü nyih kü ashakshem yaongtuh.

BHEI-IE 3:25

Jomei dousho-ü ashakshem, ha mongei hatü shakei jümpü, shadenei haenpü ashak,

BHEI-IE 4:25

Ashakshem, ashakshem kü haenpü ashak, mongei jümpü, shakdokei jümpü, ha shangkü jümpü phaishuw, shadenei haenpü ashak,

JOHAN 1:14

Hapa Shah phai lei hatü jen mü nyu, hatü jeni büpalei müknyinshekhang, Pa leipü Halomei müknyinshekhang keiha phahji hatü shahhingi maei eeteke.

JOHAN 2:21

Shejao büpai büpalei büm phopshem jung eteke.

HEBREW 8:2

shennyaki nevai, shejao Shembüpai lingpü daülangpü hatü hingshangpü ashakshemei chongphobü hük nyüpeih.

HEBREW 9:2

Mehenangkü ashakshem hük veteke. Shongpü dung kü awdük shemshing, haüdü, hatü Kahvang kü moilapü hahying nyuteke, hatü hapa kü Daülangpü Shing shei nyükteke.

HEBREW 9:9

Hapayü shinnyih jen shing lappü hük nyüke, hatü hahepak kü thinthothü hatü jakpü moila Kahvang kü shuohpai Kahvang kü khümpü shennyak meishi payü nedaühüaok shei hapai hunyüke.

SHAKEI VAMPÜ 19:8

Meipü nyemin ashak, ngaiphapü hatü daülangpü pinnyü kü owhen shuohteke.” Meipü nyemin ashakü daülangpüthüi shahhing dou dükpü nyüke.

SHAKEI VAMPÜ 21:3

hatü ngei ong uoshing leipü ngeü longpü hük hapakei epü dan: “Veituh, shaang Kahvangei shemü hangku mü nyüke; Büpa jomphong mü jomei Kahvang vaishi nyuhen, hatü jomphongü büpalei nanglakthü vaihen, hatü Kahvangü jom mü nyuhen;