MÜLANGPÜ 23:8 - DAÜLANGPÜ LAIHING (BSI)

⁸ Ammi yawhdou teyah; mehenangkü yawhdoui shahhing nyongnyongi leitüktü shennyakthülei mük phüngtüknyeih.

MÜLANGPÜ 23:8 Iomraidhean Croise

MENVIH KESHO 15:5

Üpai lop kü lop bhüei lop nelushuohnya, hatü nenyingpü am khüei yawhdou neyahnya, üpai hathü dou düknya, büpa nejenleni yangei nyuhen.

MENVIH KESHO 26:10

Jomei lakei mang küpjanthü, hatü jomei lakdah philei yawhdou maei nyüke.

KANDOK 15:27

Hahnempü shennyaki laophülei shemong kü shanghah koei leinyüpeih, shejao üpai yawhdou kü jiühitnya, yemmü nyuhen.

KANDOK 17:23

Nemeipü shennyaki joshi yawhdou yahnyüpeih, hatü shahhing lemthü nyongtüknyeih.

KANDOK 17:8

Hanei ami yawhdou noteipeyü phongyomteipü keiha deihnyüke; hapai lemphü dükjahen shei hinglemnyüke.

KANDOK 19:4

Mopi küphü anaü longi dangnyeih, shejao taopa hükü küphüthüi yakphongnyeih.

CHONGVENBÜ 7:7

Mechem kon kohpü shennyaki hanei am kü ühünghenshang, büpai ngapa kei dou düknyüke, hatü yawhdoui mongdang mangtüknyeih.

ISAIAH 1:13

Yahlak neshiüpü moila koei peiteipü dohdaituh; ammei vong meipü meliyü ngei keyü jiühitbenüng khih. Ammei Lenja Mo, Sabbath, hatü ammei thaihiyu kü ngei tengangke.

ISAIAH 1:23

Nüngei vanglem lembüthüyü khüei yaongpüthü, gühpathülei mongjempathü leidaiteke. Peüi yawhdou kü kennyüke, hatü thintho phei changnyüke. Jomphongi hashihhathü khüamnebaknyu; Shahphen shingei vaümnyüi epü kü nebangnyu.

ISAIAH 33:15

Üami kangshangi kamnya, hatü jiüpü enya, aetpüshepü homei nanglei dangpü üami yaktüknya, hatü yawhdou neyah-i laophülei lak yeplangnya, jüteishangteihen tempü küpjan kü dhaong neshaangnya, hatü nemeipü kü nevei-i laophülei mük ngühdainya,

ISAIAH 5:22

Yiü yingpü kü bapeühapeü shei, hatü yiü vukpü kü küphü hien aokpüba shei deihpüthü onyükei!

ISAIAH 5:23

Yawhdou nangkü mang kü mang shei nedeihpü, shejao mang neshiüpüthü kü jiüpü nedükpüthü!

EZEKIEL 22:12

Hapa chingnyülei shennyakthü mih jühen nangkü yawhdou yahnyüke; ammi nyeishi lop kü lop bhüei yahnyüke, hatü chingyowthü leipü aeteisheyei nanglei dangnyüke, hatü amphongi ngei betükteke shei Shembüpa Kahvangi enyüke.”

HOSEA 4:18

Mechem yiü yingei kemhenshang, jomi mükbongjuyung düknyüke; Jomei vanglem lempüthüiyao veüpü lem kü kennyüke.

AMOS 5:12

Mehenangkü ammei mang meshük longpa ngei nyingei nyüpeih. Ammi daülangpüthü kü shüveinyüke, hatü yawhdou yahnyüke, hatü ammi shahphen shingei taopathü kü shahhing shahphenpü neshuohnyu.

MIKA 7:3

Jomei laki mehe ten, ha longi manshi düknyüke; Ongthü hatü shahphenbüthüi yawhdou yünyüke, hatü longhiongthüi jomi ehüpükei ten enyüke, hatü jom peü chemi phaüshah shownyüke.

SHAHKÜP 10:17

Mehenangkü Shembüpa, ammei Kahvangü kahvangthü khong kü Kahvang, hatü shembüthü khong kü Shembüpa. Büpayü longpü, wong kohpü hatü nyempühanbenüng Kahvang khih. Büpai baong hanei nenonyih hatü yawhdou neyahnyih.

SHAHKÜP 16:19

Amphongi shahhingi shahshem teleitük nevaijü baong hanei teno. Ammi yawhdou teyah; mehenangkü yawhdoui nyingpühingpüthü mükphüngtüknyeih hatü shahhing epüthülei shah keüdainyeih.

1 SAMUEL 12:3

Ngei hammü nyüpeih. Ngei lemhük dangkao pungei dükei nyujema Shembüpa, hatü büpai jepü ongpa touei ngei khüei denpü shuohtuh. Ngei üamei mohoh nevaijü gadu dangkao yahlangphüla? Nevaijü ngei üam kü lueilemei nevaijü ühingei nyüpa? Üpalei lak kübü ngei yawhdou yahpai ngelei mük phüngei nyüpa? Ngei hathü hük dangkao dükei nyujema shemhen” shei e.

1 SAMUEL 8:3

Shejao cheha nyi-i büpalei lem kü nekam. Jiji-i laophü shümoh meihen lem yemei dai, hatü yawhdou yah-ei shahhing ne-e-i shahphenteke.