MÜLANGPÜ 23:2 - DAÜLANGPÜ LAIHING (BSI)

² Nejiüpü dou dükhen nüngi khongnyü phei temü; ammi shahphen shingei mechem denpü shuohhen, shahhingi shahshem leitükpü khong phei temü.

MÜLANGPÜ 23:2 Iomraidhean Croise

KAHBHAO 19:4

Jomphong shihen shekü Sodom chingnyü leipü behe hashih peü thaiyei shem shonteke.

KAHBHAO 6:12

Mekei kahdoknyü tendaipa, hangkuthü peü mang lem kü daikem.

KAHBHAO 7:1

Hapheikü Shembüpai Noah kü, “Jahas mongei shütuh, nüng hatü am shem kemei, mehenangkü hapa den kü ngei touei nüng mon daülangi nyüke shei veiaoknyüke.

1 ONGPATHÜ 19:10

Büpai jangei, “Ngeiyü Shembüpa, Jeiyong Kahvangei men kü longi nyakeikenpü shennyak, shejao Israel ami nüng mü vangeishuwpü yaktük; nüngei moidüthü benei yaktük, hatü nüngei thibüthü peü jütük, shaangü ngei mon aopü khih, hatü shaang jomi ngeiyao jütüknüng yemnyüke” shei e.

JOB SHAHSHA APPÜ 31:34

mehenangkü ngei khong kü nyemei deih, hatü mükhiphangi jiühitphahen kü hanei deih, hanangkü ngei chingyangshongei nedai-i nenmü nyupeih.

MENVIH KESHO 72:2

Büpai nüngei nanglakthükü daülangshemshepai, hatü taopathü kü shahhingi shahphenhütuh.

KANDOK 1:15

Ngelei hapeü, nüng jom mü tedai; jomei lem kü nüngei la-i teshoup;

KANDOK 18:5

Pungpüthü kü khüam bakhen napü neshiü; nevaijü nepungpüthü kü jiüpü nedüki tetuh.

KANDOK 4:14

Nüngi nemeipüthülei lem kü la tejai, hatü ten dükpüthülei lem kü tekam.

JEREMIAH 37:15

Jomphongi Jeremiah kü mongshih-ei üpteke hatü laknyangbü Jonathanei shemei khoklat vaishi halei küpphongteke.

JEREMIAH 37:21

Hanangkü Zedekiah ongpai ngeükhüam shuoh, hatü jomphongi Jeremiah ongshem yombü veshanthülei shemei küpei tuh; hatü jomphongi büpa kü aan oukpü shem leipü aan nyihjeih ühteke. Hapa keiha Jeremiah ongshem yombü veshanthülei shemei küpei tuh.”

JEREMIAH 38:9

“Ngelei shembü, ongpa, hathü shennyaki Jeremiah thibü kü dükpeyü longi nejiüpü dou khih. Chingnyülei dangkao hahhen meheyao neshiüjü jomi büpa yungkukei hütükpeyü büpa halei aeipai dihen khih” shei e.

EZEKIEL 9:9

Büpai ngei kü, “Israel hatü Judah amei mangü ahshi-üng ahdaiteke; kahmük kemeilei jüteipai maei hatü Jerusalemü iy-aongmashateipai madaiteke. Jomi, ‘Shembüpai kahmük yaktükteke; Shembüpai meheyao ne-eenyih’ shei enyüke.

LEVI 19:15

Shahhingi shahshem teleihü; taopa kü baong hanei nevaijü longpü am kü hayaoha bamei teno, shejao shahhingi ammei chingyowpalei shahphentuh.

HAGGAI 1:4

“Ngelei nanglakthü, Shembüpalei shem phenhai lupdaitü tuhphongtü amphong jintükpü shem kü nyuhen hepak je?”

MARK 15:15

Hanangkü Pilati khong mongmeihühen nangkü jom touei Barabbas veteke, hatü Jisu kü bheitü shophang kü aphen lanei shuohtük.

LUK SHAHSHA APPÜ 23:51

büpai jomei küpjan hatü dou kü nemong. Büpa Jehoda kahdok kü Arimathea jila leipü pei, hatü Kahvang ongching omdanei nyuteke.

PHONGSHANTHÜ DOU 24:27

Bong nyi pheikü Felix kü Porcius Festus-i jeiteke; Jehoda ami büpa kü mong hah-ei nyemdeihshuoh shei Felix-i Paul-ü khoklatei tuhphong.

PHONGSHANTHÜ DOU 25:9

Shejao Festus-i Jehoda am mong hahhühen nangkü Paul kü, “Nüng Jerusalemei aongei nüng khüei nyonghüpü shah nangkü ngei touei shahphenhünyüla?” shei phe.

ROM SHAHSHA APPÜ 1:32

Hapa keipü dou dükpüthü dihen shangpeih shei jomphongi Kahvangei shahkungnyü nyingei nyüke, shejao jomi hathü dükpü mon nevai, shejao hathü dükpüthü kü jomi mongmeishi yahnyüke.

SHAHKÜP 1:17

Baong hanei shah tephen; üpa vaihenshang vaijao longpü maanpü aihük mü notuh. Üpa kao tenyem; mehenangkü amphongi shahhingi shahphen shuohpeyü Kahvang leipü nyüke. Amphongi nephenaokhen mü wongpü shahhidou nyujema ngei touei deikei hatü hapayü ngei phenhen.

SHAHKÜP 16:19

Amphongi shahhingi shahshem teleitük nevaijü baong hanei teno. Ammi yawhdou teyah; mehenangkü yawhdoui nyingpühingpüthü mükphüngtüknyeih hatü shahhing epüthülei shah keüdainyeih.

SHAHKÜP 24:17

Yenpa-oupa nevaijü hashihhathü kü jiüpü hean ammi aetei teyah, nevaijü bheishe hang nangkü vaümnyülei ashak chüngei teyah.

JOSHUA 24:15

Shaang ammi Shembüpa chongnephohüjema, ambü ampai Euphrates yungdangei chongphopü kahvangthü hi nevaijü am shaang nyupü kahdok Amor amei kahvangthü chongphohenmepapa chongphohen shinnyih-üng amphongi jehahtuh, shejao ngei hatü hamei shemongi payü Shembüpaüng chongphohen” shei eteke.

1 SAMUEL 15:24

Sauli Samuel kü, “Ngei mang thahteke; mehenangkü ngei Shembüpalei shahkung shaiteke hatü nüngei shah nebang; mehenangkü ngei nanglakthü kü nyempai jomei shah bangpeih.

1 SAMUEL 15:9

Shejao Saul hatü veshanthüi Agag ongpa hatü mi, mohoh, mohohbaong hatü mithü meipü meipü kemei, hatü lebü doumeithü kemei yangei tuh. Jomi chemjalak kü payü nemahtük. Jomi yahlak neshiüpü douthü mangtük.