MÜLANGPÜ 22:8 - DAÜLANGPÜ LAIHING (BSI)

⁸ Shejao gühpa neyepaokjema, hapa dou jaopü shennyak Kahvang khümshingei deiyei ngei küphülei dou negüh-angpih shei vanghühen vongbong.

MÜLANGPÜ 22:8 Iomraidhean Croise

1 ONGPATHÜ 8:31

Shennyak hanei-i laophülei chingyowpa khüei mang thahpü nangkü büpa kü vangeishuwhen eshuohpü nangkü büpai hapa Phopshemei moidü touei peiyei vangjema,

1 SHÜPPÜKENGPÜ 23:4

“Hathü khongkü haja hapüaliyü Shembüpalei phopshem vepü dousho kü veihen, haja vokü lakchongbü hatü shahphenbüthü vaihen,

MENVIH KESHO 82:1

Kahvangü shahthai longpü kü ong uoshing kü uonyeih; büpai kahvangthü kü shahphenpü shuohnyeih:

MÜLANGPÜ 21:6

büpalei shembüi büpa Kahvang khümshingei müei deihen. Büpa shadenei nevaijü shaden shemnyü kü nyangei yaonghütü büpalei shembüi nyiammüh yah-ei büpalei dhaong shionghen, hatü büpai yangnyu yangkemei büpa chongphohen.

MÜLANGPÜ 22:28

Ammi Kahvang kü teyaü, nevaijü ammei nanglakthü mübü kü tethaüvaü.

MÜLANGPÜ 22:9

Mohoh, gadu, mi, ashakviha nevaijü mahdaipü dou dangjü shembü nyi vamei ngelei, ngelei shei aetteijema, jijiphen Kahvang khümshingei deihen; Kahvangi üpa nyonghühen, büpai hükpa shennyak kü shing nyi shemhühen vongbong.

SHAHKÜP 16:18

Shembüpa, ammei Kahvangi am kü shuohpü jila ieyei kü shahphenbüthü hatü lebü lakchongbüthü jetuh, hatü jomi shahhing kü nanglakthü kü shahphenhen.