MÜLANGPÜ 20:8 - DAÜLANGPÜ LAIHING (BSI)

⁸ Sabbath nyih deih-ei dangtuh, hatü hapa daülangi tuhtuh.

MÜLANGPÜ 20:8 Iomraidhean Croise

KAHBHAO 2:2

Nyih nyetpabü kü Kahvangi büpai dükpü dou peü tem, hatü dousho peü kübü büpai nyiumeiyei nyih nyetpabü kü them.

KAHBHAO 2:3

Hanangkü Kahvangi nyih nyetpabü-ü moihimanei daüeilanghü; mehenangkü ha nyih Kahvangi lingpü dousho peü kübü nyiumeiteke.

NEHEMIAH 13:15

Hathü nyih kü ngei Judahlei Sabbath nyih nyalingngupai ngümpü, hah shetei leitü ha mü gadu kü kohühen yiü, nyalingngupai, adhajük, hatü lebü hanggo peü kohütü Jerusalemei leipü eetepih. Sabbath nyih hahying yupü khüei shahvüng shuohtepih.

NEHEMIAH 9:14

hatü nüngi nüngei daülangpü Sabbath jom kü shuoh, hatü nüngei chongphobü Mosa homei jom kü shahkung hatü vanglem shuoh.

MÜLANGPÜ 23:12

Nyih vok ammei dou dükhahtuh, shejao nyih nyetpabü kü ammei mohoh hatü gadu ngü leihen, hatü am shemei bühpü aa hatü benhapa nyiumeihen shingvaishi dou nedüki nyiumeihütuh.

MÜLANGPÜ 31:12

Shembüpai Mosa kü,

MÜLANGPÜ 35:1

Mosai Israel am khong peü thaihütü jom kü, “Hathüyü Shembüpai am kü dükhen shingvaishi kangpü douthü nyüke” shei e.

ISAIAH 56:2

Üpa shennyaki hapa düknya, üpai hapa kü wongshongi shongnya, üpai Sabbath daülangi tuhnya, hatü mang nedüki nyunya, büpa moihimanpü.

ISAIAH 58:13

Ammi laophülei la-i Sabbath nyeü nemang, hatü ngelei daülangpü nyih kü am nadang kü nelongtei-i, ammi mongpü lem kü nedai-i nevaijü ammi mongpükei nedüki shahten ne-e-i nyujema,

JEREMIAH 17:21

Shembüpai hapakei enyüke: ‘Sabbath nyih kü hanggo nekohen, nevaijü hapa Jerusalem penyüsha homei koei neshühen lituh.

JEREMIAH 17:22

Nüngi Sabbath nyih shem leipü hanggo koei nedaihen nevaijü dou nedükhen, shejao ngei ambü ampa kü epükei hapa Sabbath nyih daülangi tuhtuh.

JEREMIAH 17:24

Shejao ammi ngei epü banghen kenhingjema, hatü Sabbath nyih hapa chingnyü penyüsha homei hanggo koei neshüjema, shejao meheyao dou nedüki hapa Sabbath nyih daülangi tuhjema,

EZEKIEL 20:20

hatü ngei hatü am aa kü nyangeihepü mepa Sabbath nyüpa, ha daüeilangei tuhtuh, shejüang ammi ngeiyü Shembüpa, ammei Kahvang shei nyinghen.

LEVI 19:3

Am peüi laophülei nyü hatü pa kü dhüm shuohtuh, hatü Sabbath themtuh. Ngeiyü Shembüpa, ammei Kahvang nyüke.”

LEVI 19:30

Sabbath themtuh hatü ngelei khümshing dhüm kohshi noteituh. Ngeiyü Shembüpa.

LEVI 23:3

Ammi nyih vok dou dükhen, shejao nyih nyetpabüyü nyiumeipü Sabbath nyih nyüke. Ha nyih dou nedükhen shejao khümnüng thaihen. Am melei nyuhenshang nyujao dou nedükhen; Sabbath nyih-ü Shembüpalei nyüke.

LEVI 26:2

Sabbath themtuh, hatü ngei khümshing kü dhüm shuohtuh. Ngeiyü Shembüpa.

BHEI-IE 15:32

Mechem Israel am jahpanei nyupa, hahepak kü shennyak hük Sabbath nyih pü yah-ei eeteke.

SHAHKÜP 5:12

Shembüpa, ammei Kahvangi am kü epükei Sabbath nyih daülangi tuhtuh.