MÜLANGPÜ 20:4 - DAÜLANGPÜ LAIHING (BSI)

⁴ Ammi am shingvaishi vangsho leipü nevaijü kahdoknyü leipü nevaijü yungmong leipü, kahdok mong leipü lemphüli mepakeiyao lajei teling.

MÜLANGPÜ 20:4 Iomraidhean Croise

1 ONGPATHÜ 12:28

Hapakei deih-ei dangtü ongpai hon yah-ei mohoh cheha nyi ling, hatü büpai nanglakthü kü, “Jerusalemei khümnüng aonghenü amphong kü lem ahshi ludaiteke. Oh Israel am, amphong Ijip leipü müei leipü kahvangthü hatouei nyüke” shei e.

2 ONGPATHÜ 17:12

hatü Shembüpai jom kü, “Ammi ha tedük” shei epü nebangi lajeithü kü khümteke.

2 SHÜPPÜKENGPÜ 33:7

Büpai laki lingpü lajei yah-ei Shembüpalei shemei tuh, hapa nang Kahvangi David hatü cheha Solomon nyi kü, “Israel jat peü khongkü ngei jepü hapa shem hatü Jerusalem kü ngei kü khümhen;

MENVIH KESHO 78:58

Jomei phuhpü vaümpü shing homei jomi büpa mongshihhü; jomei lajeithüi büpa mongmanghü.

MENVIH KESHO 97:7

Yaongnaüyathü kü khümpüthü peü, hatü yahlak neshiüpü lajeithü kü khümpüthü peü veühühen; kahvangthü peü büpa kü aümei khümtuh.

MÜLANGPÜ 20:23

Ammi ngei mü lenei hon nevaijü ngin yah-ei kahvang teling.

MÜLANGPÜ 32:1

Mechem nanglakthüi Mosa kahshang leipü nelei-i longi pheidaiteke shei veiaokpa, jomi Aaron shonei thaiyei büpa kü, “Ham Ijip leipü müei daipü hapa Mosa naühayü mehe heühahpa nenyingang. Peikei, ham kü lem müphahen shingvaishi kahvang hük lingshih” shei eteke.

MÜLANGPÜ 32:23

Jomi ngei kü, ‘Ham Ijip kahdok leipü müei daipü Mosa naühayü mehe ponghahpa, nenyingang; ham kü lem müphahen shingvaishi kahvang hük lingshih’ shei ephopeih.”

MÜLANGPÜ 32:4

Jomi yahshuohpü hon peü büpai yah-ei mohoh cheha kei lajei hük shükei ling, hatü jomi, “Oh Israel am, hapayü Ijip kahdok leipü am müei daipü kahvang khih” shei eteke.

MÜLANGPÜ 32:8

Ngei jom kü dükhen eshuohpü peü yakphongtü lembienei lüdaikemteke; jomi jom shingvaishi mohoh cheha lajei hük lingtü ha kü khümei jakpü moila shuoh-ei, ‘Oh Israel am, hapayü am Ijip kahdok leipü müei daipü ammei kahvang khih’ shei enyüke” shei eteke.

MÜLANGPÜ 34:17

Ammi nyiami kahvang lingei tekhüm.

ISAIAH 42:17

Shejao üami lajeithü kü hinglemnya, hatü üami hathü kü, “Nüngü hamei kahvang” shei enya, veü ponghen.

ISAIAH 42:8

Ngeiyü Shembüpa, hapayü ngelei men; Ngei ngelei müknyinshekhang üpa kao neshuohhen, nevaijü ngelei menvih lajeithü kü neshuohhen.

ISAIAH 45:16

Lajei lingpüthü peü veü ponghen, hatü mongmanghen; jom chemi mongmangei daihen.

EZEKIEL 20:7

Hatü ngei jom kü, “Ammei mük mopü jiühitbenüng douthü peü yaktüktuh, am peüi, hatü Ijip amei lajeithü homei am nedaü-i teleihü; ngeiyü Shembüpa, ammei Kahvang” shei etepih.

EZEKIEL 8:10

Hanangkü ngei shüei veishingkü bhamba kemei kü biü lajei hatü jiühitbenüng yemhimakei lajeithü bakshi hatü Israel ami khümteipü lajeithü peü ee.

EZEKIEL 8:3

Veiheni büpalei lak keiha lüei yiüei ngelei shonyü kü düktü ngei müei dei, hatü hapa laanghai ngei kahdok vangsho aa kü noei antü manghkhang kü ngei Jerusalemei Kahvangei mük kü nemeipü lajei tuhpü phopshem pekon mongei shütü pehephi shaden touei müei dei.

LEVI 19:4

Ammi lajeithü philei telep nevaijü am nyingi am shing lajei kahvang teling. Ngeiyü Shembüpa, ammei Kahvang nyüke.

LEVI 26:1

Shembüpai eteke, “Ammi am shingvaishi yaongnaüya nevaijü lajei, nevaijü daülangpü yaongthü nevaijü ammei kahdokei shangpü yaongthü khümhen teling. Ngeiyü Shembüpa, ammei Kahvang.”

BHEI-IE 12:8

Büpa meyü ngei dhe dhe gongei lekei eteinyüpeih, shejao dokei, nyieneinyangei nevaijü shahlapei ne-eteinyih, hatü büpai ngei mekei nyu ha eeteke. Ngei chongphobü Mosa khüei ehen anji mehekei nyemei nedeihpa?”

PHONGSHANTHÜ DOU 17:29

Hanangkü jenphongü büpalei lihilathü vaipü nangkü Kahvangü hon, ngin nevaijü yaong– hangkui deih-ei letü laki shangpü lajei kei nyüpükei jeni nedeih-ükhih.

ROM SHAHSHA APPÜ 1:23

hatü mechemao nedipü Kahvang müknyinshekhang hangku lepü nevaijü ouhiyüh nevaijü yemhimak nevaijü biühimakthülei lajeithü lepü kü jeiteinyüke.

SHAHKÜP 16:22

hatü daülangpü yaong shemnyü tehaong; mehenangkü Shembüpa, ammei Kahvangi hathü kü jiühitnyeih.

SHAHKÜP 27:15

Üpai shennyakei laki yaong hi pü yah-ei Shembüpai jiühitpü yaongnaüya lingei joei ha kü khümnya, hapa shennyak kü thaüvaü hettuh. Hahepak kü nanglak peüi, “Amen” shei ehen.

SHAHKÜP 5:8

Ammi am shingvaishi lajei vangsholei nyupükei, nevaijü kahdokei nyupükei, nevaijü yungmongei nyupükei mepayao teling.

SHAKEI VAMPÜ 16:2

Hanangkü shongpü vangsho phongshan daiyei büpalei nükshung kahdoknyü kü khüpshuoh, hatü yemhalei füoshang shüngpü, hatü hapalei lajei kü khümpüthü kü nyembenüng hatü yashanshi thatbenüng ma vam.

SHAKEI VAMPÜ 9:20

Aopü hangkuthü, üam hapa cham kü nejütük, hathüi jomei lakdou nevaijü kahshih nevaijü hon, ngin, melangnyiam, yaong hatü pü yah-ei lingpü müki ne-ee, nevaijü nedan, nevaijü nekamaokpü lajeithü kü khümpü kübü nedoh.

SHAHPHENBÜTHÜ 17:3

Hapheikü mechem büpai chenyü kü ngin kho anpühük leishuohpa, chenyüi, “Ngelei hapa nginü ngelei hapeü shingvaishi pü lajei hük ngini jümei linghen shingvaishi Shembüpa kü danhünyeih. Hanangkü hapa ngin ngei nüng kü nyokei shuohnyüpeih” shei e.