MÜLANGPÜ 20:3 - DAÜLANGPÜ LAIHING (BSI)

³ ngei mü lenei ammi lebü kahvangthü tekhüm.

MÜLANGPÜ 20:3 Iomraidhean Croise

1 ONGPATHÜ 11:4

Mechem Solomon viüei behe leidaipa, büpalei shembünyüthüi büpalei mong lebü kahvangthü lemei mülang, hatü büpalei mong chepa Davidi hinglempü kei Shembüpa büpalei Kahvang kü hingnelem.

MENVIH KESHO 29:2

Shembüpalei men vihtuh; büpalei men müknyinshekhangtuh; Shembüpa daülangshemshepü dhemeilaümapü kü khümtuh.

MENVIH KESHO 73:25

Nüng mü lenei ngei üpa angpa? Nüng mü lenpü ngeilümpü hapa kahdok kü meheyao neshiü.

MENVIH KESHO 81:10

Ngeiyü Shembüpa, am Ijip leipü müei leipü Kahvang. Ammei ju katuh hatü ngei ha kü maei shihphahen.

MENVIH KESHO 81:9

Am touei lebü kahvang ne-anghen vongbong; ammi mih-ei kahvang kü tekhüm.

MÜLANGPÜ 15:11

“Oh Shembüpa, kahvangthü khongkü nüng keipü üpa nyüpa? Daülangshemshepü kü nüng keiha den ngoipü, müknyinshekhang kü nyemshihanshi, yashanyale dükpü üpa nyüpa?

MÜLANGPÜ 20:23

Ammi ngei mü lenei hon nevaijü ngin yah-ei kahvang teling.

MÜLANGPÜ 22:19

Yemhimak mü mükbongjuyungpü shennyak jütüktuh.

MÜLANGPÜ 23:24

ammi jomei kahvang kü aümei shaei nekhümhen nevaijü jomei dükhiling kü nemühen, shejao ammi jomei daülangpü shemnyüthü khih mü benei mangtüktuh.

MÜLANGPÜ 32:8

Ngei jom kü dükhen eshuohpü peü yakphongtü lembienei lüdaikemteke; jomi jom shingvaishi mohoh cheha lajei hük lingtü ha kü khümei jakpü moila shuoh-ei, ‘Oh Israel am, hapayü am Ijip kahdok leipü müei daipü ammei kahvang khih’ shei enyüke” shei eteke.

MÜLANGPÜ 34:14

“Ammi lebü kahvang mehe kao tekhüm; mehenangkü Shembüpa ngei, üpalei men Mükhühpü nyüpa, hayü mükhühpü Kahvang nyüke.

ISAIAH 26:4

Den kü Shembüpa kü hinglemtuh; mehenangkü Shembüpa, Jeiyong Kahvangü nedohnetenpü loishing Yaongnyü.

ISAIAH 42:8

Ngeiyü Shembüpa, hapayü ngelei men; Ngei ngelei müknyinshekhang üpa kao neshuohhen, nevaijü ngelei menvih lajeithü kü neshuohhen.

ISAIAH 43:10

Amü ngelei denbüthü, ammi ngei nyinghen, hatü hinglemhen, hatü ngeiyü Kahvang shei nyinghen shingvaishi ngeijepü ngelei chongphobüthü shei Shembüpai enyüke. Ngei mü lenei üpa kahvangao nenyuham, nevaijü ngei mü üpa kahvangao nechongkahen.

ISAIAH 44:8

Amphong tenyem nevaijü tehan, Ngei shelei mebü-üng ha am kü ne-eangpü je? Amphongü ngelei denbüthü, Ngei mü lenei lebü Kahvang nyüpü je? Lebü Yaong neshiü; ngei hükao nyingei neshiüpih.”

ISAIAH 46:9

Peihdaipü douthü deihhümao; Mehenangkü ngeiyü Kahvang, hatü lebü neshiü; Ngeiyü Kahvang, hatü ngei keiha lebü hükao neshiü.

JEREMIAH 25:6

Ammi lebü kahvangthü chongtepho hatü hathü kü tekhüm, hatü ammei lakdoui ngei mong teshihhü. Shejüang ngei am kü hanghi neshuohpih” shei eteke.

JEREMIAH 35:15

Leiyei leiyei ngei chongphopü thibüthü am touei shompeih, hatü jomi am kü, ‘Am peü laophülei mang lemthü kübü mong leptuh hatü ammei dükhiling yeiyatuh, hatü lebü kahvangthü chongphoei ha pheikü temü. Shejüang am hatü ammei bühipa kü shuohpü kahdokei nyuaokhen’ shei eteke. Shejao ammi ngei epü kü mong neshuoh nevaijü ha nebang.”

JEREMIAH 7:9

Ammi gühtü, shennyak jütü, mükbungjuyungtü, shahshemi lahtü, Baal kahvang kü hatü ammi nenyingpü lebü kahvangthü kü moila shuohtü,

DANIEL 3:18

Shejao büpai hapakei neyangphüjao, Oh Ongpa, hamphongi nüngei kahvangthü chongnephohen hatü nüngi lingpü hon lajei kü nekhümpih shei nüng kü nyinghünyüpeih” shei jangei e.

HOSEA 13:4

Shejao ngeiyü Ijip kahdok leipü am mülangpü Shembüpa, ammei Kahvang. Ngei nevaipheikü lebü Kahvang ammi tetuh, hatü ngei mü lenei lebü yemleipüba neshiü.

MATHI 4:10

Jisui büpa kü, “Lüdaituh, Kahshih! Laihingi ha enyüke: ‘Shembüpa, nüngei Kahvang kü khümtuh, hatü büpa mon chongphotuh’ ” shei e.

1 KORINT 8:4

Lajeithü kü jeetükpü hahying hahpü nang keyü, “Hingmei mü hapa kahdoknyü kü lajei neshiü, hatü Kahvang hük mü lenei lebü neshiü” shei jeni nyingnyüke.

1 KORINT 8:6

shejao jen shingvaishiyü Pa Kahvang hük, üpa leipü douthü peü vam, hatü üpa shingvaishi jen nyunya, hatü Shembüpa hük, Jisu Khrista, üpa homei douthü peü vam, hatü üpa homei jen nyunya, büpa nyüke.

EPHESIA 5:5

Iyjeiphailei, nedaünelangpü shennyak nevaijü hahnempü (hayü lajei kü khümpü hük) üpayao Khrista hatü Kahvang ongching kü mükjüp neshiüpih shei ha nyingtuh.

SHAHKÜP 5:7

Ngei mü lenei ammi lebü kahvang te-ang.

SHAHKÜP 6:14

Lebü kahvang kü tekhüm, am ngeih-ei shonei nyupü nanglakthülei kahvang kü tekhüm.

SHAHKÜP 6:5

Shembüpa, ammei Kahvang kü ammei mongdang kempai, ammei laangha kempai hatü ammei wong kempai bamtuh.

PHILIPPI 3:19

Jom dohpeyü mahpü; jomei Kahvangü jomei shünyü, hatü jomei müknyinshekhangü jomei veüpong kü nyüke; jomei mongü kahdoknyü douthü kü tuh-ei nyüke.

KOLOSI 2:18

Am üpaiyao shahshemi maanpü leinyeih shei epüthü hatü vangsho phongshan kü khümpüthüi hayaoha manghkhang eenyeih shei am tenyonghü. Meheyao nevaivai-i hapa keipü shennyakthüi hangkulei phai chudeih enyüke,

SHAKEI VAMPÜ 19:10

Hahepak kü ngei büpalei la tüngei khümnüng aümei sha, shejao büpai ngei kü, “Nüngi ha tedük! Ngeiyü nüng mü chemi chongphopüba hatü Jisulei denpü kopü nüngei küphü. Kahvang kü khümtuh. Mehenangkü Jisu jung denpeyü tetpüvanpü laangha” shei eteke.

SHAKEI VAMPÜ 22:9

shejao büpai ngei kü, “Nüngi ha tedük! Ngeiyü nüng mü, hatü nüngei jeihinaü thibüthü hatü hapa lai kübü shahthü ven bangei dükpüthü peü mü chemi chongphopü hih. Kahvang kü khümtuh!” shei eteke.

SHAHPHENBÜTHÜ 6:10

Ngeiyü Shembüpa, ammei Kahvang; shaang am nyupü kahdok kü nyupü Amor amei kahvangthü kü tekhüm shei ngei amphong kü etepih, shejao amphongi ngei epü nebangpeih’ ” shei eteke.