MÜLANGPÜ 19:6 - DAÜLANGPÜ LAIHING (BSI)

⁶ Shejao amphongü ngelei ngongpa chingling hatü daülangpü jathili vaihen. Hathü shah nüngi Israel am kü eyeishuoh’ ” shei eteke.

MÜLANGPÜ 19:6 Iomraidhean Croise

1 ONGPATHÜ 3:8

Nüngei chongphobü nüngi jepü nanglakthü, ienüng neaoki longi nyupü khongkü nyüpeih.

1 ONGPATHÜ 8:53

Mechem nüngi hamei bühipa Ijip leipü müei leipa, nüngi nüngei chongphobü Mosa homei epükei kahdoknyü jatthü peü khongkü nüng lompü nanglak vaihen shingvaishi hayaoha lukei jepeih.

1 SHÜPPÜKENGPÜ 17:22

Nüngi nüngei nanglak Israel amü den shing nüng lompü vailangteke, hatü nüngü jomei Kahvang leiteke, Oh Shembüpa.”

MENVIH KESHO 114:2

Judah amü Kahvangei daülangpü nanglak leipeih; Israel amü büpalei lompü leipeih.

MÜLANGPÜ 15:26

Büpai, “Ammi Shembüpa, ammei Kahvangei ngeü kenhingei bangjema, hatü büpa touei mehe jiüpa, ha dükjema, hatü büpai kangpü kü ven bangei büpalei shahkungnyü noteijema, ngei Ijip am kü shuohbenüng dinlem meheyao am kü neshuohpih; mehenangkü ngeiyü din meihüpü Kahvang hih” shei eteke.

MÜLANGPÜ 22:31

Amü ngelei daülangpü nanglakthü. Hanangkü phaüyemi jüpü nyahhiphai tehah; hapayü shithü kü ühtüktuh.

MÜLANGPÜ 28:36

Daülangpü hon yah-ei ow hük lingtuh, hatü hapayü füoshang kei, “Shembüpa kü Daühünyeih” shei kukei nyangtuh.

ISAIAH 43:4

Mehenangkü amü ngei touei douvang hatü dhüm, hatü ngei am kü bampü nangkü, am nangjeiyei shennyakthü, hatü am shojei jatthü shuohhen.

ISAIAH 61:6

Shejao amphong keyü Shembüpalei ngongpathü shei nyükhen, hatü jenei Kahvang chongphobüthü shei menhen. Ammi jatthülei mopi mohmeihen, hatü jomei nükhinyiami am changmeihen.

ISAIAH 62:12

Amphong keyü, “Daülangpü Nanglak, Shembüpai yanglangpüthü” shei nyükhen; hatü Jerusalem kü, “Yemei Dangpü, Kahvangi Neyakphongpü Chingnyü” shei nyükhen.

ISAIAH 66:21

hatü ngei amphong khongkü hanei ngongpa hatü Levi am vaihen jehen.”

JEREMIAH 13:11

Shüng ashak hük düngei ngeihshi nyupü keiha ngei Israel hatü Judah am shemthü peü ngelei men kü dupü-oupü, vihpülüpü ngelei nanglak leihühen ngei mü khashi angpeih, shejao jomi ngei epü nebang.

JEREMIAH 2:3

Israel amü Shembüpa kü daülangpü, shongpü betjük nyuhampeih. Üami hapa hah, mang thahteke, hatü jom kü shanghah peihampeih shei Shembüpai enyüke.

JEREMIAH 7:23

Shejao jom kü, “Ngelei shah bangtuh, hatü ngei ammei Kahvang vaihen, hatü amü ngelei nanglak vaihen; am meishi nyuhen shingvaishi ngei epü lem kü kamtuh” shei hapa ngeükhüam shuohpeih.

LEVI 19:2

“Israel nanglak khong peü kü etuh. Am daülangi nyutuh; mehenangkü ngei, Shembüpa, ammei Kahvangü daülangpü Kahvang.

LEVI 20:24

Shejao ngei am kü eshah, “Ammi hapa kahdok yahhen; ngei am kü amma hatü nyahjiü yenpü kahdok am kü mükjüp vaishi shuohhen. Ngeiyü Shembüpa, ammei Kahvang, hatü ngei lebü jatthü mü am hayaoha loukei jepeih.”

LEVI 20:26

Am ngei touei daülangi nyuhen vongbong; mehenangkü ngeiyü daülangpü Shembüpa, hatü ngelei lompü vaihen ngei am lebü jatthü mü hayaoha jepeih.

LEVI 21:23

shejao büpa kü eela shadaipü nangkü ngelei daülangpü shing nyetei haenpü ashak nevaijü moidü yopailei neheihkahen; mehenangkü ngeiyü jom daühüpü Shembüpa.”

AMOS 3:2

Kahdoknyü jatthü peü khongkü ngei am mon nyingpeih; Hanangkü ammei mang lemphü nangkü ngei am hanghihühen.

HAGGAI 2:5

mehenangkü mechem am Ijip leipü vamei daipa, hahepak kü ngei am kü lahpükei ngei am mü düngei nyüpeih” shei Jeiyong Shembüpai enyüke. “Ngei düngei am mü nyüpeih; am mepa kao tenyem!”

BHEI-IE 16:3

Jomi Mosa hi Aaron nyi khüei khong lingtü peiyei jiji kü, “Anjinyi ahshi beiteke! Khong hatü nyülompaja peü daülangi nyüke, hatü Shembüpa jom mü nyüke. Mehekei anjinyi-i Shembüpalei nanglakthü dok kü aongnya?” shei eteke.

ROM SHAHSHA APPÜ 12:1

Hanangkü jeihinaü hatü nyahinaüthü, ammei büm Kahvang touei daülangpü hatü yah-aokbenüng yemmü tuhtü jakpü moila kei shuohtuh shei ngei Kahvang phahji homei am kü khümnyeih– hapayü ammi laangha kü khümpü dou nyüke.

1 KORINT 3:17

Hanei ami Kahvangei phopshem mangtükjema, Kahvangi hapa shennyak mahtükhen. Mehenangkü Kahvangei phopshemü daülangpü, hatü amphongü hapa phopshem nyüke.

SHAHKÜP 14:21

Ammi hathüyü am mü lakeiloiyei nyupü am kü shuohhen aok, hatü jomi ha hahhen aok. Shejao amphongü Shembüpa, ammei Kahvang touei daülangpü nanglakthü nyüke. Ammi mi nevaijü yum cheha yahei chenyülei amma mü techeü.

SHAHKÜP 26:19

Büpai lingpü lebü jatthü peü shak kü büpai amphong vihpülüpü, menmei hatü dhüm kü tuhhen hatü Shembüpa, ammei Kahvangi lahpükei amphongü büpa lompü daülangpü nanglak vaihen.

SHAHKÜP 28:9

Amphongi Shembüpa, ammei Kahvangei shahkungthü noteijema hatü büpalei lem kü kamjema, büpai lahpü keiha amphong büpalei nanglak leihühen.

SHAHKÜP 7:6

Mehenangkü amphongü Shembüpa, ammei Kahvang touei daülangpü nanglakthü nyüke. Shembüpa, ammei Kahvangi kahdok shak kü nyupü hangkuli peü mü amphongü büpalei lompü hayaoha nanglak vaihen jelangpeih.

1 THESALONIKA 5:27

Hapa lai jom peü touei ietuh shei Shembüpalei men kü ngei am kü ngeükhüam shuohnyeih.

1 PETER 2:5

amphongao yangnyuyem yaong keiha daülangpü ngongli vaihen hatü Jisu Khrista homei Kahvangi yah-aokbenüng laangha moila shuohhen nangkü am nyingi laangha shem vepü kü noteihütuh.

1 PETER 2:9

Shejao amphongü vangnyak kübü thamapü vangngai touei am nyüklangpü büpalei yashanpü douthü jung baonghen nyükei jelangpü li, ongpalei ngongli, daülangpü jat hatü Kahvangei nanglakthü nyüke.

SHAKEI VAMPÜ 1:6

hatü jen ongching hük leihü, hatü büpalei Pa Kahvang chongphohen ngongpathü leihü, büpa kü müknyinshekhang hatü vanglem lempü den den kü nyute. Amen.

SHAKEI VAMPÜ 20:6

Shongpü yangei leipü khongkü hean yahpüthü moihiman hatü daülangpü. Jom shak kü nyipabü dipülei ngan neshiü, shejao jomü Kahvang hatü Khristalei ngongpathü vaihen, hatü jomphongü Khrista mü bong haja hük vanglem lemhen.

SHAKEI VAMPÜ 5:10

nüngi hathüyü ongching, hatü jenei Kahvang chongphopü ngongpathü leihüteke, hatü jom kahdoknyülei vanglem lemhen.”