MÜLANGPÜ 18:12 - DAÜLANGPÜ LAIHING (BSI)

¹² hatü Jethro-i Kahvang kü jakpü moila koei pei; hatü Aaroni Israel am behethü peü müei peiyei Kahvang khümei hapa aan hahteke.

MÜLANGPÜ 18:12 Iomraidhean Croise

KAHBHAO 12:7

Shembüpa Abram touei vamei, “Nüngei lihila kü hapa kahdok shuohhen” shei e. Hanangkü büpa touei vamjapü Shembüpa kü hatouei moidü hük ling.

KAHBHAO 26:25

Isaki halei moidü hük lingtü Shembüpa kü khüm. Büpai halei ashakshem ve, hatü büpalei chongphobüthüi yungkuk kukteke.

KAHBHAO 26:30

Hanangkü büpai jom kü mo tem, hatü jomi hapa hah.

KAHBHAO 31:54

büpai hapa shangtaolei jakpü moila shuoh, hatü shem am kü halei hahyinghen nyük, hatü jomi halei hahyingtü vangnyakpü thahshi phaüshang kahmükei nyu.

KAHBHAO 4:4

Shejao Abeli büpalei shongpü mi cheha nitshüpü yah-ei moila koteke. Shembüpai Abelei moila kü monghah hatü ha yah,

KAHBHAO 43:25

hatü Joseph om mü leijajü thintho shuohhen shei tem; mehenangkü jomphongü om mü halei hahyinghen shei epü danteke.

KAHBHAO 8:20

Hapheikü Noah-i Shembüpa kü moidü hük ling, hatü daülangpü yemhimak hatü ou hanei yah-ei halei jakpü moila shuoh.

2 SAMUEL 9:7

Davidi, “Mephibosheth” shei nyüktü, “Nüng tenyem; mehenangkü ampa Jonathanei men kü ngei hingmei nüng kü phahji yahyang huhen. Ambü Saulei kahdok kemei nüng kü nyokei shuohhen, hatü nüng düngei ngei mü nükdü hük kü hahhen” shei e.

2 SHÜPPÜKENGPÜ 30:22

Shembüpa chongphopü dousho meishi yaoei dükjapü Levi am peü kü Hezekiah-i menvih shuoh-ei e. Nyih nyet thahshi jom kü hahhen epü hean hah-ei mongjempü moila shuoh-ei Shembüpa, chebü chepalei Kahvang kü menvih shuohteke.

JOB SHAHSHA APPÜ 1:5

Mechem jom mopü temhenshang Jobi jomphong daütük, hatü büpai dhom mü lomi paoei jomphong pabüm ieyei shing jakpü moila shuoh; mehenangkü Jobi, “Ngelei hapeüthüi mang thah-ei shiühen aokpeih, hatü jomei mongei Kahvang thaüvaüei shiühen aokpeih” shei e. Jobi düngei hapakei dükteke.

JOB SHAHSHA APPÜ 42:11

Hapheikü shelei büpa nyingei nyupüthü hatü jeihinaü nyahinaüthü peü peiyei büpalei shemei hahying; jomi büpa mü mongshang hantei, hatü Kahvangi büpa kü shanghah shuohpü nangkü mong nyiushemmei shah eshuoh. Jom peüi büpa kü lop maanbaong, hatü hon anguti hükbaong shuoh.

JOB SHAHSHA APPÜ 42:8

Hanangkü shaang mohoh chebaong nyet, mi chebaongha nyet yah-ei ngei chongphopü Job touei heihtuh, hatü amphongi laophü shing moila shuohtuh, hatü ngelei chongphobü Jobi am shingvaishi phophen; mehenangkü ammei ngadou shangshi ngei nephahji-i nedükhen shingvaishi ngei ha moila yahhen; mehenangkü amphongi ngei chongphopü Jobi keiha ngei nang mehe jiü, ha ne-eang” shei e.

MÜLANGPÜ 18:13

Nyihphei Mosai nanglakthü khongkü nedanteipü shah phenei nyu, hatü büpa dhom kübü nyak thahshi nang nekongi nyu.

MÜLANGPÜ 2:16

Midian am ngongpalei yiükhathü jom nyet nyu. Jomi chepalei mithü kü yinghen yung shonüng yungkukei heih.

MÜLANGPÜ 2:20

“Büpa melei nyüke?” shei chehathü kü phe. “Amphongi mehekei büpa halei tuhphongpa? Jen mü bhaong hahhen nyükeishuoh” shei e.

MÜLANGPÜ 20:24

Ammi ngei shingvaishi kahdok yah-ei moidü hük mon lingtuh hatü hapa shangkü ammei jakpü moila hatü mongjempü moila, ammei mi, yum hatü mohoh yah-ei ngei kü khümhen shingvaishi am kü shuohpü shing peü kü moilatuh; ngei am touei peikahen hatü moihimanhen.

MÜLANGPÜ 24:11

Kahvangi Israel nanglak mübüthü kü lak neshih; jomi Kahvang ee, hatü jom hahyingteke.

MÜLANGPÜ 24:5

Hahepak kü büpai Israel am nethethü shom, hatü jomi mohoh chebaongha yah-ei Shembüpa kü mongjempü moila jakei shuoh.

MÜLANGPÜ 3:1

Shaang, Mosai cheko Jethro, Midian am ngongpalei mi yomei nyu; büpai mithü müei yingnyü homei Kahvangei daülangpü Horeb Kahshangei aong.

MÜLANGPÜ 33:7

Shaang Mosai düngei vaishi baümtap shelei baümtap kübü kanja yanei ashakshem vehamteke; büpai hapa kü thaishing ashakshem shei men, hatü shennyak hanei-i Shembüpa mü shah eteihüjema halei peihamteke.

DANIEL 10:3

Hapta jem mangpeih thahshi ngei hetmei nehah; phai nehah nevaijü ngelei jui yiü kü nejep hatü sho kü meli nyioei sho nehai-i nyuteke.

BHEI-IE 10:29

Mosai Midian am cheko Jethrolei cheha Hobab kü, “Shembüpai ham kü shuohhen shei lahpü shingei layaongei lüdainyüpeih. Shembüpai Israel am dahüshehühen shei lahpeih; hanangkü ham mü daishah hatü hami nüng kü lemphüli hanphahen” shei e.

LUK SHAHSHA APPÜ 14:1

Chem Jisui Pharisee am mübü hükei shemei Sabbath nyih hahyinghen dai, hatü jomi büpa kü mük shahshi veiyei nyu.

LUK SHAHSHA APPÜ 14:15

Hahyinghen peipü yen hüki ha danei büpa kü, “Kahvang ongching kü hahyinghen moihiman!” shei e.

1 KORINT 10:18

Israel nanglakthü deihhümao; jakpü moila hahpüthüyü moidülei chemi hean yahpüthü nevaipü je?

1 KORINT 10:21

Ammi Shembüpalei yungshong hatü kahshihlei yungshongao yingnüng neaok. Ammi Shembüpalei nükdü hatü kahshihlei nükdü nyiphen kü hean yah-ei hahnüng neaok.

1 KORINT 10:31

Hanangkü hahjao yingjao nevaijü nüngi mehe mehe dükhenshang, lemphüli Kahvang müknyinshekhang shingvaishi düktuh.

SHAHKÜP 12:7

Halei, Shembüpa, ammei Kahvangi ammi dükpü lemphü kü moihimanpü nangkü am hatü ammei shem am kemei chemi hahyinghen hatü mongonghen.

SHAHKÜP 27:7

Halei mongjempü moila shuohtuh hatü Shembüpa, ammei Kahvang touei am hahyingei mongongtuh,