Biblia Todo Logo
Bìoball air-loidhne

- Sanasan -




MÜLANGPÜ 16:8 - DAÜLANGPÜ LAIHING (BSI)

8 Mosai, “Mechem Shembüpai om mü am kü phai hahhen yahphahen hatü dhom mü ammi hahhüpüshük hahhen hahying yahphahen; hapayü Shembüpa khih shei ammi nyinghen; mehenangkü büpa khüei ammi langmaanpü büpai danteke. Henjiyü üpaang? Ammi henji khüei nevai, shejao Shembüpa khüei langmaannyüke” shei eteke.

Faic an caibideil Dèan lethbhreac




MÜLANGPÜ 16:8
17 Iomraidhean Croise  

“Ngei Israel am langmaanpü danteke. Om kü jomi phai hahhen, hatü dhom mü jom hahhüpüshük hahhen hahying danghen shei e; shejüang jomi ngeiyü Shembüpa, jomei Kahvang shei nyinghen” shei eteke.


Hahepak kü Mosai Aaron kü, “Israel am khong kempü kü, ‘Shembüpa touei peiyei yaonghen eyeishuoh; mehenangkü jomi langmaanpü danteke’ ” shei e.


Hanangkü jomi Mosa mü deteke hatü, “Ham kü yinghen yung yahkei” shei e. Mosai jomphong kü, “Mehekei ammi ngei mü denya? Mehekei ammi Shembüpa kü doknya?” shei eteke.


Mehenangkü ngapa hüki ngashah enyeih, büpalei mongü ten mü nekongi nyunyeih. Büpai Kahvangi nelümpü dou düknyeih, hatü Shembüpa khüei ten enyeih; aeipüthü kü hahhen neshuohnyih, hatü yung lepüthü kü yung neshuohnyih.


Nüngi ngei khüei yaongpü, hatü nüng changmeipü ngelei dhaong thahshi aongpü nangkü ngei nüngei shong kü nyiamphaak shihhen, hatü nüngei ju kü ngelei nyiamphak ühhen; nüng peipü lem kü ngei nüng nyokei leishihhen.”


Shaang nanglakthü kü eyeishuoh: ‘Ngenyih shingvaishi am daüeilangei temtuh; ammi phai hahhen danghen’ ” shei eteke. “Hamphongi phai dangkao hahhen danglangmeyü meihen khih! Ijiplei nyupü-üng meipü khih” shei ammi langmaanshapshüpü Shembüpai danteke. Shaang Shembüpai am kü phai yahphahen, hatü ammi ha hahhen.


“Meshükpa ha nemeipü nanglakthüi ngei khüei eelahen? Israel ami ngei khüei eelaei langmaanpü ngei dantepih.


Nanglakthüi Mosa touei peiyei, “Hami Shembüpa hatü nüng khüei eela shingkü mang thahteke. Shembüpai ham toueipü biü yahlanghen phopeishuoh” shei e. Hanangkü Mosai nanglakthü shingvaishi phop.


Üami am mongongshi yah, jomi ngei mongongshi yahnyüke, hatü üami ngei mongongshi yah, jomi ngei shompüba mongongshi yahnyüke.


Shejao jomi deihpü Jisui nyingei, “Ammei mongkü mehekei ten deihnya?


Üami ammi epü bangnya, ngei epü bangnyüke, üami am yaktüknya, ngei hatü ngei shompüba yaktüknyüke.


Hingmei ngei enyeih, üami ngei shompü hük yahnya ngei yahnyüke, hatü üami ngei yahnya, ngei shompübaao yahnyüke” shei e.


Hanangkü üami vanglem lembüthü yaktüknya, Kahvangi jetükpü yaktüknyeih, hatü ha yaktükpüthü shahphenpü danghen.


Jom hanei ami langmaanpükei telangmaan; hanangkü jomü jüpü ami jütükpeih.


Hanangkü üpai hapa nyuhpüvenpü yaktüknya büpai shennyak nevai, shejao büpai Laangha Daülangpü shuohpü Kahvang yaktüknyeih.


hatü Shembüpai büpa kü, “Nanglakthüi nüng kü epü peü bangtuh; jomi nüng yaktüknyu nevai, shejao jomei ong vaipü ngei yaktüknyu khihma.


Lean sinn:

Sanasan


Sanasan