MÜLANGPÜ 16:4 - DAÜLANGPÜ LAIHING (BSI)

⁴ Hahepak kü Shembüpai Mosa kü, “Ngei am shingvaishi vangsho leipü hahying vang keipükei shomphahen, nyihjeih nanglakthüi daiyei laophü shingvaishi changshi homei leituh. Ngei epü kü jomi mü-ülashangkü hapakei ngei jom kü dokhen.

MÜLANGPÜ 16:4 Iomraidhean Croise

NEHEMIAH 11:23

Nyihjeih mekei jeiteiyei phopshemei kesho mühen, ongpa leipü ngeükhüam shuohteke.

NEHEMIAH 9:15

Jom aeipü kü nüngi vangsho leipü hahying shuoh, hatü jom yung lepü kü yaong leipü yung shuoh, hatü nüngi jom kü shuohhen shei lahpü kahdok yahnüng daihen eteke.

NEHEMIAH 9:20

Nüngi jom kü nyuhhen nüngei laangha meipü shuoh, hatü jomei ju kübü manna neshonglang, hatü jom yung lepü kü yung shuoh.

MENVIH KESHO 105:40

Jomi yüjü büpai jom kü adhit outhü shuoh, hatü vangsho leipü hahying changshi shuoh.

MENVIH KESHO 78:23

Shejao büpai phumshangthü kü ngeükhüam shuoh, hatü vangsho shadenthü aphü;

MÜLANGPÜ 15:25

Mosai Shembüpa kü phop, hatü Shembüpai büpa kü pü shohük hushuohteke; büpai hapa yung kü shük, hatü hapa yung vüngnyangi lei. Hamü Shembüpai jom nyuhen chonghen shahkungnyü shuoh, hatü hamü büpai jom kü dokteke.

MÜLANGPÜ 16:15

Mechem Israel ami ha eepa, jom hüki hük mü, “Hapayü meheang yo?” shei etei. Mehenangkü ha meheshang jomi nenying. Mosai jom kü, “Hapayü Shembüpai am kü hahhen shuohpü hahying khih” shei e.

KANDOK 30:8

Ngei toueipü shahshem hatü peileipü nünglangshih; Ngei taoei tetuhphong, nevaijü shemmei vaiyei tetuhphong, shejao nyihjeih hahying mon ngei kü yahshih.

MATHI 6:11

Nyihjeih hahying shinnyih ham kü yahkei.

LUK SHAHSHA APPÜ 11:3

Nyihjeih hahying nyih ieyei ham kü yahshihma.

1 KORINT 10:3

hatü peüi aihük laangha hahying hah,

SHAHKÜP 8:16

Jahpanei büpai am kü ambü ampai mechemao nehahpü manna hahhen shuohpeih. Pheilei am kü moihimanphahen shingvaishi büpai am kü shanghah shomei dokpeih.

SHAHKÜP 8:2

Shembüpa, ammei Kahvangi bong pinyi thahshi jahpanei am müei daiyei ammei mong kü deihpü nyinghen hatü ammi büpalei shahkung ven bangüla shei shanghah shomei am kü dokpü deih-ei dangtuh.

JOSHUA 24:15

Shaang ammi Shembüpa chongnephohüjema, ambü ampai Euphrates yungdangei chongphopü kahvangthü hi nevaijü am shaang nyupü kahdok Amor amei kahvangthü chongphohenmepapa chongphohen shinnyih-üng amphongi jehahtuh, shejao ngei hatü hamei shemongi payü Shembüpaüng chongphohen” shei eteke.