MÜLANGPÜ 16:3 - DAÜLANGPÜ LAIHING (BSI)

³ Israel ami jijinyi kü, “Ijip kahdokei nyuyaki-üng Shembüpalei laki ham jütüklangmeyü shei deihpeih. Halei vailangmeyü phaidük touei uotü hami lümpü lümpü peü moh-ei hahhen vaipeih; shejao anjinyi-i khong kemei shüaeiyunglepai dihühen müei daipü khih” shei eteke.

MÜLANGPÜ 16:3 Iomraidhean Croise

2 SAMUEL 18:33

Ongpai longi mongmang hatü büpa peshaden homei shangpa dung-amei aongei thep. Büpa aongyaki, “Oh ngelei hapeü Absalom! Ngelei ha, ngelei hapeü Absalom! Nüng nangjei ngei-ang dihah shepü-ü, Oh Absalom!, Ngelei hapeü, ngelei hapeü!” shei mahng thepteke.

JOB SHAHSHA APPÜ 3:1

Hapheikü Jobi büpalei ju kaei büpa bühpü nyih kü thaüvaüteke.

JOB SHAHSHA APPÜ 3:10

mehenangkü hapai onyülei naü uoshing neküptük, nevaijü ngelei mük kübü shanghah nejolang.

JOB SHAHSHA APPÜ 3:20

Mehekei shangpong kü nyupü am kü, hatü laangha kü shahyaki nyupüthü kü vangngai shuohnya?

MENVIH KESHO 107:5

Aeipü lepai monglemhen neshiüi mong mahdai.

MENVIH KESHO 78:19

Jomi Kahvang khüei, “Kahvangi jahpanei hahying shuoh-aokhen je?

MENVIH KESHO 78:25

Hangkui phongshanei hahying hah; büpai jom kü hahying changshi shom.

MÜLANGPÜ 14:11

Jomi Mosa kü, “Ijiplei mahngchong neshiü shei nüngi hamphong jahpanei dihününg müei daipü je? Ijip leipü nüngi ham müei daiyei mehe lingphünya?

MÜLANGPÜ 17:3

Shejao nanglakthü longi yungle hatü nedoh-i Mosa khüei langmaan. Jomi, “Mehekei nüngi ham Ijip leipü yunglepai ham, hamei hapeüthü hatü yemhimakthü jühen müei daipa?” shei e.

MÜLANGPÜ 2:23

Vangbong longi daipheikü hapa Ijip ongpa didai, shejao Israel hapeüthü aanyak kei ponghahpai thepeiyoungei sheühpü yüteke. Aa laphen kü ponghahpai jomi lenpüwongpü Kahvang thahshi aong.

MÜLANGPÜ 5:21

hatü jomphongi jiji kü, “Anji-i dükpü dou Shembüpai nyem-ee, hatü anji kü shah nyemphen! Anjinyi-i Pharaoh hatü büpalei lakchongbüthü tou kü ten vamhüteke, hatü ham jühen jomei lak kü yanlu shuohteke” shei eteke.

JEREMIAH 2:6

Jomphongi, “Ham Ijip leipü müei leipü, bhih hatü kahsha mon nyupü jahpan homei, ühivan hatü vangnyak nyupü kahdok, üamiyao nekamteipü hatü üamao nenyupü kahdokei ham müei leipü Shembüpa melei nyüpa?” shei jomi ne-e.

JEREMIAH 42:14

hatü ‘Anyoh, ham Ijip kahdokei leiyei vehok hatü vehok amit ngeü nedanpü, nevaijü aeipülepü neshiüpü shingei leidaihen’ shei ejema,

JEREMIAH 44:17

Hami dükhen shei epü lemphü dükhen. Hami Vangsho Onglanyü kü ham hatü lakchongbüthüi Judah jila hatü Jerusalem chingyangshong kü ayingshü jakei, yiü moila langei khümpükei khümhen hih. Hahepak keyü hamü hahying changshi, angeideiyei hatü neshanghah-i nyupeih.

YOUNG LAI 4:9

Hahhen yinghen neshiüi phaülei aeiyei leyei dileimeyü, vehok kü didaipüthü-üng vangmei khih.

BHEI-IE 11:15

Nüngi hapakei ngei kü linghen vaijema, shaang-üng ngei jütüktuh shejao nüngi ngei kü phahjiei deihjema, ngei hapakei teponghü” shei eteke.

BHEI-IE 11:20

shejao lenyang hük kemei ammei shuonghiju kü yenshi, hatü mangteng thahshi hahhen. Mehenangkü ammi am mü nyupü Shembüpa yakphong, hatü, “Ham Ijip leipü mehekei layaongei daihahpa?” shei büpa kü eelaei eteke.

BHEI-IE 14:2

Israel am kemei Mosa hatü Aaron nyi kü eela, hatü khong kemei-i jiji kü, “Hamphongü Ijiplei nevaijü jahpanei didailangmeyü meihah shepü khih!

BHEI-IE 14:3

Mih-ei lak kü dihen mü Shembüpai mehekei ham hapa kahdokei müei daipa? Hamei nyühihathü kemei vepathüi shetei lüdaihen khih. Ijiplei nyokei leidaijüang meihen khih!” shei eteke.

BHEI-IE 16:13

Amma hatü nyahjiü yenpü kahdok leipü jahpanei ham dihününg müei daipaiyao nüng kü mongnehamang je? hatü shaangao nüngü ham shak kü shembü vaihüpü je?

BHEI-IE 16:41

Nyihphei, Israel am khong kemei Mosa hi Aaron nyi khüei eela-ei, “Anjinyi-i Shembüpalei nanglak hanei mahtükteke” shei e.

BHEI-IE 21:5

hatü Kahvang hatü Mosa nyi khüei, “Jahpanei dihününg mehekei Ijip leipü ham müei daipa? Hahying neshiü! yinghen yung neshiü! Henüng nemeipü hahyingi tengteke” shei eteke.

PHONGSHANTHÜ DOU 26:29

Pauli, “Lomi vaijao nevaijao nüng mon nevai, shejao shinnyih ngei epü kü bangpüthü peü nyiamvüi shapü mü lenei ngei kei nyemlei shei ngei Kahvang kü phopnyeih” shei jangei e.

1 KORINT 4:8

Ammi napü peü dangteke! Am sheyü shemmei leiteke! Ham nevaijao am payü ongthü leidaiteke! Hamao am mü ong vaihen shingvaishi am peü ong nyemvai shei ngei deihnyeih.

2 KORINT 11:1

Ngei maani nelipü kü am nenteiaokei chongkütuh; shejao ammi hapayü dükei heiteke.

SHAHKÜP 28:67

Amphongi eepü lemphü nyempai mongdang tuktuk shei nyuhen. Nepnüng dhom mü, “Shaang om vaipü eema” shei, hatü om mü, “Shaang dhom vaipü eema” shei amphongi ehen.

SHAHKÜP 8:3

Büpai amphong aeiyeileyei ang, hatü am hatü ammei bühipai mechemao manghahpü manna hahhen shuohteke. Shennyaki aani mon yangnyu nenyunyih shejao Shembüpalei ju kübü vampü shah ieyei mon yangnyu nyunyüpeih shei am kü nyuhhen shingvaishi hapa dükteke.

JOSHUA 7:7

Hatü Joshua-i, “Oh Shembüpa Kahvang, mehekei nüngi ha nanglakthü Jordan yung homei Amor ami jütükhen shingvaishi jomei lak kü shuohhen müei deipa? Jordan yungdangei nyudailangmeyü meihah shepeih!