MÜLANGPÜ 16:12 - DAÜLANGPÜ LAIHING (BSI)

¹² “Ngei Israel am langmaanpü danteke. Om kü jomi phai hahhen, hatü dhom mü jom hahhüpüshük hahhen hahying danghen shei e; shejüang jomi ngeiyü Shembüpa, jomei Kahvang shei nyinghen” shei eteke.

MÜLANGPÜ 16:12 Iomraidhean Croise

1 ONGPATHÜ 20:28

Israel ongpa Ahab touei thibü hük peiyei, “Aram ami ngeiyü kahjilei Kahvang nevai, shejao shangchingthülei kahvangthü khih shei epü nangkü ngei hapa veshan khongnyü longpü nüngei lak kü shuohhen, hatü ngeiyü Shembüpa shei nüngi nyinghen” shei e.

MENVIH KESHO 105:40

Jomi yüjü büpai jom kü adhit outhü shuoh, hatü vangsho leipü hahying changshi shuoh.

MÜLANGPÜ 12:6

Ammi hapa len nyih anpüali mangngoi thahshi hathü jungei tuhtuh, hatü Israel am nanglak peüi hapa omdhümbaong kü jütuh.

MÜLANGPÜ 16:11

Shembüpai Mosa mü etei hatü,

MÜLANGPÜ 4:5

“Shembüpa, jomei bühipa Kahvang, Abraham Kahvang, Isak Kahvang hatü Jakob Kahvangi nüng touei shakei vamei hupü khih shei Israel ami nyinghen shingvaishi nüngi hapa düktuh” shei Shembüpai eteke.

MÜLANGPÜ 6:7

Ngei amü ngelei nanglak leihühen, hatü ngeiyü ammei Kahvang vaihen. Mechem ngei am Ijip amei aa vaipü laphen kübü bümei leihühen, ammi ngeiyü Shembüpa, ammei Kahvang shei nyinghen.

MÜLANGPÜ 7:17

Veituh, ngelei lak leipü lenshuoh-i Nile yung kü bheihen, hatü hapayü iy leidaihen. Hapai “Ngeiyü, Shembüpa” shei nüngi nyinghen shei Shembüpai enyüke.

JEREMIAH 31:24

Kahling am hatü laophülei mithü mütü longteipü shennyakthüao Judah hatü haleipü jilathü kü chemi nyuhen.

EZEKIEL 34:30

Jomi ngei, Shembüpa, jomei Kahvangü jom mü nyüke shei nyinghen, hatü jom, Israel phangü ngelei nanglakthü shei Shembüpa Kahvangi enyüke.

EZEKIEL 35:13

“Ajükiyao neyingi ammi ngei khüei changmei shah epeih, hatü ha ngei dantepih.

EZEKIEL 39:22

Hapa nyih mü leitü Israel ami ngeiyü Shembüpa, jomei Kahvang shei nyinghen.

JOEL 3:17

Hanangkü ngeiyü Shembüpa, ammei Kahvang, Zion, ngelei daülangpü kahshangei nyunyeih shei ammi nyinghen, hatü Jerusalemü daülangpü shing vaihen, hatü kong ami hajük kü ha ching nehahhen.

LEVI 11:44

Ngeiyü Shembüpa, ammei Kahvang; am nyingi daülangi nyutuh; mehenangkü ngeiyü daülangpü. Kahdokei lüteipü yemhimak homei am nyingi nedaünelangpü telei.

ZEKHARIAH 13:9

Hatü ngei ha shing hük aopai aw kü shukhen, hatü hon hi ngin daüpükei daütükhen. Jomi ngelei men kü nyükhen, hatü ngei jom kü janghen. “Jomü ngelei nanglakthü” shei ngei ehen, “Shembüpayü hamei Kahvang” shei jomi ehen.

BHEI-IE 11:4

Jom mü chemi daipü kung shennyakthüi mih-ei hetmei hahteipü vaüei deih, hatü Israel am dangkao eelahen chongpang, hatü “Phai dangkao hahhen danglangmeyü meihen khih.

BHEI-IE 14:27

“Meshükpa ha nemeipü nanglakthüi ngei khüei eelahen? Israel ami ngei khüei eelaei langmaanpü ngei dantepih.