MÜLANGPÜ 15:6 - DAÜLANGPÜ LAIHING (BSI)

⁶ Nüngei lakdah kü, Oh Shembüpa, müknyinshekhang wong nyüke; Nüngei lakdah-i, Oh Shembüpa, vepathü nihtüknyüke.

MÜLANGPÜ 15:6 Iomraidhean Croise

MENVIH KESHO 17:7

Nüngi bampü yashanyale longpü hushih, Vepathü kübü nüng kü loipüthü kü nüngei lakdah-i jom yangnyeih.

MENVIH KESHO 2:9

Nüngi nyiamlüng hük notü jom mangtükhen, nüngi jom haümdük nihpükei khih mü nihtükhen.

MENVIH KESHO 24:8

Müknyinshekhang ongpayü üpaang? Büpayü wonghingan kohpü Shembüpa, vehok kü wong kohpü Shembüpa.

MENVIH KESHO 44:3

Jomei yani hapa kahdok neüpü nevai, nevaijü jomei laki aokpü nevai, shejao nüngei lakdah-i, hatü nüngei müknyinshekhang vangngai-i aokpeih; mehenangkü nüngi jom kü monghahpeih.

MENVIH KESHO 44:4

Nüngü ngelei ongpa, ngelei Kahvang; nüngi Jakob aokpü danghühen shahkung shuohnyüke.

MENVIH KESHO 60:5

Nüngei lakdah-i ham aokpü danghütuh, hatü ham kü jangshih. Shejüang nüngi bampü am yangaokhen.

MENVIH KESHO 74:11

Mehekei nüngi nüngei lak temlangnya? mehekei nüngei lak leilangnya?

MENVIH KESHO 77:10

“Ngei kü shanghah kü deihpü hükü, Kahvangü wong neshiüi leidaiteke” shei ngei eteke.

MENVIH KESHO 89:14

Daülangshemshepü hatü shahhingü nüngei ong uoshing chongnyiam; bampü hatü shahhing epeyü nüng shekü dainyüke.

MENVIH KESHO 98:1

Oh Shembüpa kü kesho ja hük lokeishuoh; mehenangkü büpai thamapü douthü dükteke. Büpalei daülangpü laki büpa aokpü dangteke.

MÜLANGPÜ 15:11

“Oh Shembüpa, kahvangthü khongkü nüng keipü üpa nyüpa? Daülangshemshepü kü nüng keiha den ngoipü, müknyinshekhang kü nyemshihanshi, yashanyale dükpü üpa nyüpa?

MÜLANGPÜ 15:12

Nüngi nüngei lakdahphi haongteke, kahdoki vepathü lühtük.

MÜLANGPÜ 15:16

Nyemhühanhüpü jom shangkü peiteke; Oh Shembüpa, nüngei laklu wong longpai nüngei nanglakthü mangpei thahshi nüngi angei leipü, nanglakthü manghomkem thahshi, nyempai yaong keiha yaongdaiteke.

MÜLANGPÜ 18:8

Hahepak kü Mosai Jethro kü Shembüpai Pharaoh kü mehe dükpa, lemyangkü jomi mehe ponghahpa hatü Shembüpai jom mekei yangpa ha jung lemphüli jaüjateke.

MÜLANGPÜ 3:20

Hanangkü ngei ngelei lak noei ngelei yashanyale dou peü dükei Ijip am kü bheihen; hapheikü büpai am deishihhen.

MÜLANGPÜ 6:1

Hahepak kü Shembüpai Mosa kü, “Shaang ngei Pharaoh kü mehe dükshuohhen ha nüngi eehen. Ngei ngelei laklu wong longpai jom leishihtükhen; hingmei-üng ngei ngelei laklu wong longpai jom büpalei kahmük kübü deishihtükhen” shei e.

ISAIAH 30:14

Hapayü haümdük bhaopükei khih mü nihdaihen; awdep leipü awtao shihhen, nevaijü yung shohen mü nedangi nihdaihen.”

ISAIAH 51:9

Paotuh, paotuh, wong antuh, hatü ham yangshih, Oh Shembüpa; Paotuh, peihdaipü nyihthü kü keiha, meyangmeyangpü denshemthü kü keiha. Rahab khih mü nihtükpü hatü dragon kü peiyei hümtükpeyü nüng nevaipü je?

ISAIAH 52:10

Shembüpai büpalei daülangpü lak jatthü peüei müki eeshi laiteke; hatü kahdoknyü dohpü peüei jenei Kahvang yemleipü eehen.

ISAIAH 63:12

Mosalei lakdah philei laophülei müknyinshekhang laki ngan shompü, hatü nedohnetenpü menmei danghen nangkü jom toueiyungching hantükpü,

JEREMIAH 13:14

Hapheikü ngei behe hashih peü aihük mü dük keiha hüki hük mü kaongteihühen. Ngei hathü mahtükshingkü nephahjihen, neyanghen nevaijü neshinshanghen shei Shembüpai enyüke.

MATHI 6:13

Nüngi ham shüveipülei temühü, shejao nemeipü leipü ham yangtuh. Mehenangkü ongching ngan, hatü müknyinshekhang düngei nüng lompü vaituh.” Amen.

SHAKEI VAMPÜ 2:27

“Büpai jom kü nyiam lenshuoh notü vanglem lemhen, büpai jom ashem dük bhaopükei bheitü bhaotükhen.”

1 SAMUEL 2:10

Üami Shembüpa khüei yaongnya lomohhen. Büpai jom khüei vangsho leipü vangmuk khunghen; Shembüpai kahdok junghijang ngoishi shahphenhen. Büpai laophülei ong kü wong shuohhen, hatü laophüi thiteiphuei jepü kü ngan shuohhen.