MÜLANGPÜ 14:4 - DAÜLANGPÜ LAIHING (BSI)

⁴ Ngei Pharaohlei mong vaanhühen, hatü büpai jom kü changhen. Shejao Pharaoh hatü büpalei veshanthü shak kü ngei müknyinshekhang danghen, hatü Ijip ami ngeiyü Shembüpa shei nyinghen” shei eteke. Israel ami jom kü eshuohpükei dük.

MÜLANGPÜ 14:4 Iomraidhean Croise

NEHEMIAH 9:10

Nüngi yashanpü nyangeihepü, thamapü douthü Pharaoh, büpalei lakchongbüthü hatü jomei nanglakthü khüei shom; mehenangkü Ijip ami meshük changmeiyei hathü kü nemei-i dükpa, ha nüngi nying. Nüngi laophü shing menmei linghah, ha shinnyih thahshi nyüke.

MÜLANGPÜ 10:2

hatü mekei ngei Ijip am kü nemei-i nopa, hatü jom kü ngei mehe yashanyale douthü dükpa, ha ammi ammei hühihathü kü ejahen, shejüang ammi ngeiyü Shembüpa shei nyinghen shingvaishi ngei büpa hatü büpalei lakchongbüthülei mong vaanhüpeih” shei eteke.

MÜLANGPÜ 10:27

Shejao Shembüpai Pharaohlei mong vaanhü, hatü büpai jom neleishihhü.

MÜLANGPÜ 12:28

Shembüpai Mosa hi Aaron nyi kü epükei Israel ami dük.

MÜLANGPÜ 14:23

Ijip ami jom kü changei jom pheikü müshi Pharaohlei koyei, koyei khari hatü hapa mübüthü yung homhen heih.

MÜLANGPÜ 14:25

Büpai jomei koyei kharila longi wongshi shinhen mü nyaühut kü taangtük. “Shembüpai Israel am khüambakei jen khüei hoknyu khih. Israel amü nyemleidai” shei Ijip ami etei.

MÜLANGPÜ 14:3

Pharaoh-i Israel amü ai mah-ei longteinyüke, hatü jahpanei nyüke shei deihhen.

MÜLANGPÜ 14:5

Mechem Ijip ongpa kü nanglakthü nyaidaiteke shei eshuohpa, Pharaoh hatü büpalei lakchongbüthüi nanglakthü nangkü jomei mong yeiyateke hatü, “Jenei dou dükteipü jenei aa Israel am nyaidaihen mü jeni mehe dükhahpa?” shei etei.

MÜLANGPÜ 14:8

Shembüpai Ijip ongpa Pharaohlei mong vaanhü, hatü büpai mong longshi lüdaipü Israel am phei changteke.

MÜLANGPÜ 18:11

Shaang, Shembüpayü lebü kahvangthü peü khongkü longpüpa shei ngei nyingteke; mehenangkü mechem Ijip ami Israel am kü naamei dükpa, büpai nanglakthü Ijip am lak kübü yangpeih” shei e,

MÜLANGPÜ 6:7

Ngei amü ngelei nanglak leihühen, hatü ngeiyü ammei Kahvang vaihen. Mechem ngei am Ijip amei aa vaipü laphen kübü bümei leihühen, ammi ngeiyü Shembüpa, ammei Kahvang shei nyinghen.

MÜLANGPÜ 7:17

Veituh, ngelei lak leipü lenshuoh-i Nile yung kü bheihen, hatü hapayü iy leidaihen. Hapai “Ngeiyü, Shembüpa” shei nüngi nyinghen shei Shembüpai enyüke.

MÜLANGPÜ 7:3

Shejao ngei Pharaohlei mong vaanhühen; Ijip kahdok kü ngei nyeinya yashanyale dou dükshuohjao,

MÜLANGPÜ 7:5

Hatü mechem ngei Ijip am khüei ngelei lak noei Israel am mülanghen, hahepak kü Ijip ami ngeiyü Shembüpa shei nyinghen” shei eteke.

MÜLANGPÜ 9:16

Shejao nüng kü ngelei nganhilong huhen, hatü kahdoknyü peü touei ngelei men baonghühen nangkü mon ngei am nemahtüki tuhpeih.

EZEKIEL 20:9

Shejao ngei ngelei men kü, jom mü nyupü jatthüi eeshi ngelei men netenhühen, hatü jomi eeshi ngei jomphong Ijip leipü müei leihen shei nyinghütükpü nangkü ngei ha nedükpeih.

EZEKIEL 28:22

hatü Shembüpa Kahvangi hapakei enyüke” shei etuh: “Ngei nüng khüei nyüpeih, Oh Sidon, nüng kü ngei dükpü dou eeyei nanglakthüi ngei kü vihhen. Mechem ngei halei shahphenpü eehen, hatü ngei daülangshemshepü halei shakei vamhühenshang, jomi ngeiyü Shembüpa khih shei nyinghen.

EZEKIEL 32:15

Mechem ngei Ijip am lavüngtoiyei tuhphonghen, hatü hapa kahdok leipü lemphü thitei yaktükhen; mechem ngei halei nyupüthü peü mahtükhen, shejüang jomi ngeiyü Shembüpa khih shei nyinghen.

EZEKIEL 38:16

ngelei nanglak Israel am khüei kahdok kü phumnyaki jümpükei peihen. Shompülei ngelei kahdok khüei ngei nüng müei peihen, Oh Gog, shejüang mechem ngei nüng homei ngelei daülangshemshepü jomei müki eeshi huhenshang jatthüi ngei nyinghen.

EZEKIEL 38:23

Hapa keiha ngelei wong hi ngan, daülangshemshepü huhen, hatü jatthü longi tou kü ngei nyinghühen. Shejüang jomi ngeiyü Shembüpa khih shei nyinghen.

EZEKIEL 39:13

Kahdok kü nyupü nanglakthü peüi mahng vühen, hatü ngelei müknyinshekhang hupü nyih jomi dhüm danghen, shei Shembüpa Kahvangi enyüke.

LEVI 10:3

Hahepak kü Mosai Aaron kü eteke, “Mechem Shembüpai epa, büpai hapa nang epeih: Üami ngei yopailei peiyei chongphonya, jom homei ngelei daülangshemshe huhen, hatü nanglakthü peü touei ngelei müknyinshekhang shakei vamhühen.” Shejao Aaroni ju kü shah nevami nendai.

ROM SHAHSHA APPÜ 11:8

Hapa nyangei nyüke: “Kahvangi jomphong kü vaükpü laangha, ne-eehen mük, nedanhen dhaong shinnyih thahshi shuohtük.”

ROM SHAHSHA APPÜ 9:17

Mehenangkü Laihingi Pharaoh kü hei eteke: “Ngelei men kahdoknyü peülei baonghen nangkü nüng kü ngelei ngan huhühen mükhong kü ngei nüng longei anshihpeih.”

ROM SHAHSHA APPÜ 9:18

Hanangkü Kahvangi büpai jepü shennyak kü phahji hunyeih, hatü büpai mong vaantükhüpü shennyakei mong vaantüknyeih.

JOSHUA 11:20

Shembüpai Mosa kü epükei phahji neshiüi bhanghili mahtükhen, chemjalak kü jütükhen shingvaishi Israel am mü khüei hokhen Shembüpai jom mahmong longhüteke.

SHAHPHENBÜTHÜ 4:7

Jabinei veshan mübü Sisera, am khüei hokhen shingvaishi Kishon yungyenei büpalei koyei khari hatü veshanthü müei deiphahen, hatü ngei ammei lak kü büpa shuohhen.