MÜLANGPÜ 11:8 - DAÜLANGPÜ LAIHING (BSI)

⁸ Hahepak kü nüngei lakchongbüthü peü ngei touei peiyei aümei shatü, ‘Nüng hatü nüng pheikü müpü nanglakthü leituh’ shei ehen. Hapheikü mon ngei leidaihen” shei eteke. Hapheikü Mosai mongshih wong kempai Pharaoh toueipü leidai.

MÜLANGPÜ 11:8 Iomraidhean Croise

1 ONGPATHÜ 20:10

Hahepak kü shao Ben-Hadadi Ahab kü lebü shah hük shomei, “Ngei mü peipü shennyakthüi hapa Samaria kahdokao omshi paoh-ei neleidaijema kahvangthüi ngei kü nyeinya nemei-i nyemdükpha” shei e.

2 ONGPATHÜ 3:9

Hanangkü Israel ongpa, Judah ongpa hatü Edom ongpa shei layaongei dai, hatü mechem jomphongi nyih nyet shinei daipa, veshanthü hatü jom mü nyupü yemhimakthü shing yung neshiüi kemdai.

NEHEMIAH 5:6

Mechem jom langmaanpü ngei danpa ngei longi mongshih.

MENVIH KESHO 6:1

Oh Shembüpa, nüng mongshihpai ngei kü telohpha, nevaijü nüng mongpuk vampai ngei kü hanghi teyahpha.

MÜLANGPÜ 10:29

“Nüngi epü jiüphei! Nüngi epükei-üng hajük kü nüngi ngei ne-eepih” shei Mosai jangteke.

ISAIAH 49:23

Ongthüyü ammei pa kei nyukahen, hatü onglanyüthüyü ammei hümlungnyü kei nyukahen. Jomei dhe kahdokei aümei shatü ammei la leipü lamak lailangphahen. Shejüang ammi ngeiyü Shembüpa shei nyinghen; Üami ngei kü omdannya, mechemao veü neponghen.”

ISAIAH 49:26

Am kü shüveipüthü kü jomei phai-üng hahhen hanhen, hatü yiüi keiha jomei iy-i jom chokhen. Shejüang shennyakthü peüi ngeiyü Shembüpa, am Yemleibü, Wong kohpü Jakob Kahvang shei nyinghen.”

EZEKIEL 3:14

Laanghai ngei shangei an hatü ngei müei dai, hatü Shembüpalei ngan ngei touei wongmü pei, hatü ngei shahyaki mongshih-ei deihteke.

DANIEL 3:19

Hahepak kü Nebukadnezzari Shadrakh, Meshakh hatü Abednego hathü kü mongshih, hatü jomphong nangkü büpalei chudeih yeiyateke. Büpai nyingnyoipü mü nyetpa shaamshi aw jakhen ngeükhüam shuoh,

BHEI-IE 12:3

Shaang Mosayü longi nenteiaokpü shennyak, kahdoknyü kü nyupü shennyak peü mü nenteiaokpü shennyak nyuteke.

MARK 3:5

Büpai jomphong kü mongshih-ei shineileyei vei; jom mong vaanpü eeyei büpa mong kü tüngei hapa shennyak kü, “Nüngei lak lantuh” shei e. Büpai lak lan, hatü ha meidaitü nyu.

SHAHKÜP 29:24

Mih jatthü peüi, “Mehekei Shembüpai hapa kahdok kü hapakei dükshuohpa? Mehe tata kü hapakei mongshihpa yo?” shei pheteihen,

SHAHKÜP 32:24

Ngei jom kü shaühile, dinten, hatü chamhilem shomhen. Ngei jom khüei yemtenmakshai, leü nemeipü biüi kaokhen shomhen.

HEBREW 11:27

Hinglempai büpai ongpai mongshihpü kü nenyemi Ijip tuhphong; mehenangkü büpai müki ne-eepü Kahvang eepheikei munenei nyu.

SHAKEI VAMPÜ 3:9

Ngei, Satanei Sinagog, üami Jehoda am hih shei enya, shejao nevai, hatü shahshem epüthü nyüpa, ngei jomphong deiyei ammei la tüngei aümei khümhühen, shejüang ngei am kü bamnyu khih shei jomi nyinghen.

SHAHPHENBÜTHÜ 4:10

Baraki Naphtali hatü Zebulun jat nyi kübü shennyak haja an nyük, hatü jom büpa phei müei dai, hatü Deborah-ao büpa mü dai.

SHAHPHENBÜTHÜ 8:5

Mechem jomphong Sukkoth ngoipa, büpai jom kü, “Chingmeilemlingei ngei mü daipüthü kü hahying shuohtükütuh; mehenangkü jom aeipai hemdaiteke, shejoong nedoh-i Midian am Zebah hatü Zalmunna ongpa nyi phei changei dainyüpeih” shei e.