MÜLANGPÜ 1:17 - DAÜLANGPÜ LAIHING (BSI)

¹⁷ Shejao naü bühjü sheühteipü nyüha nyi-i Kahvang kü nyem, hatü Ijip ongpai jiji kü eshuohpükei nedük, shejao bahanaüthü-ao yangei tuh.

MÜLANGPÜ 1:17 Iomraidhean Croise

KAHBHAO 20:11

Abrahami, “Hapa shingei Kahvang kü nyempü lanshei neshiü; ngelei nyüha tata kü ngei jüphahen khih shei deihpü nangkü ha dükpeih.

KAHBHAO 42:18

Nyih jempabü kü Joseph-i jomphong kü, “Ha düktuh, hatü am yemmü nyuhen; mehenangkü ngei Kahvang kü nyemnyeih:

2 SAMUEL 24:4

Shejao ongpalei shah-i Joab, hatü veshan mübüthü shak kü nyu. Hanangkü Joab, hatü veshan mübüthü ongpa toueipü daiyei Israel veshanthü shangkuk ieteke.

NEHEMIAH 5:15

Ngei shekü nyupü governorthüi nanglakthü kü hanggovih longi kohü, hatü jom leipü hahying hatü yiü yah, hatü ha mü lenei nyih kü ngin pha pinyi yahhamteke. Jomei chongphobüthüi dangkao nanglakthü kü shüveihampeih. Shejao ngeiyü Kahvang kü nyempai hapakei nedükangpih.

ESTHER 3:3

Hahepak kü ongpalei pe shadenei yompü lakchongbüthüi Mordekai kü, “Nüngi mehekei ongpalei shah nebangnya?” shei e.

MENVIH KESHO 31:19

Nüng kü nyempüthü shing nüngi jaoei tuhpü meipü, hatü nüng kü loipüthü kü nüngi shuohpü doumeithü meshük thamapüang?

MÜLANGPÜ 1:18

Hanangkü Ijip ongpai jiji nyükei, “Anjinyi-i mehekei hapakei dükpa? Mehekei anjinyi-i bahanaüthü nejütüki yangei tuhpa?” shei pheteke.

MÜLANGPÜ 1:21

Naü bühjü sheühteipü nyüha nyi kü Kahvangi bampü nangkü jijinyi kao laophü laophülei awdep yemhen shuohteke.

KANDOK 16:6

Bampü hatü hinglempai mang tükpü dangnyeih, Shembüpa kü nyempü homei shennyak hüki ten kübü yangdainyüpeih.

KANDOK 8:13

Shembüpa nyempeyü mang kü jiühitpü; ngei changmeipü, mang lem, hatü shahshem epü jiühitnyeih.

CHONGVENBÜ 12:13

Shaang lemphüli danteke; lemphüli kü shahshomü hapa khih: Kahvang nyemtuh, hatü büpalei shahkungnyüthü noteituh; mehenangkü shennyakei dousho kempü hapa khih.

CHONGVENBÜ 8:12

Mang shennyakthüi mang kho hükpa düklangmao yangnyu den lushi nyunyüke, shejao üami Kahvang kü nyemnya, jomphong-üng meipüba nyuhen; mehenangkü jomi Kahvang kü nyemnyüke.

DANIEL 6:13

Hahepak kü jomphongi ongpa kü, “Judea am wüpküpei nyupü khongkü shennyak hük, Daniel, büpai dhüm neshuohnyu nevaijü nüngei shahkungnyü nebangnyu, Oh Ongpa, büpai düngei nyih kü jempa jempa phopnyüke” shei jang.

HOSEA 5:11

Ephraim amü tok vainyüke, shahphenpai nyonghüteke; Mehenangkü jom angkong kü sheühpü yemei longteiteke.

MIKA 6:16

Mehenangkü amphongi Omri ongpa, hatü büpalei cheha Ahab ongpa nyi-i dükbenüng douten dükpü nangkü ha vamkahen, hatü ammi jomei vanglem kü kamteke. Hanangkü ngei am mahtükhen, hatü peüi am yaktükhen. Jatli nanglak peüi am kü ne-ienelemi noteihen.”

MATHI 10:28

Üami büm mon jütü laangha nejüaok, hathü kü tenyem, shejao üpai laangha hatü büm nyiphen molo aw kü mahtükaok, büpa kü nyemtuh.

LUK SHAHSHA APPÜ 12:5

Shejao üpa kü nyemhen, ha ngei shahvüng shuohnyeih: Üpai jüpheikü molo awlei deishihhen wong nyu, büpa kü nyemtuh. Hih, ngei am kü enyeih, büpa kü nyemtuh!

PHONGSHANTHÜ DOU 5:29

Shejao Peter hatü phongshanthüi, “Hami shennyak leimeyü Kahvangei shah banghen.

1 SAMUEL 22:17

Hahepak kü ongpai yaakei büpa toueipü yombüthü kü, “Yaakei leiyei Shembüpalei ngongpathü jütuh; mehenangkü jomphongao David kü sheühnyu khih; jomphongi David lüdaipü nyingtü ha jung ngei kü ngaiyei ne-epeih” shei e. Shejao ongpalei chongphobüthüi Shembüpalei ngongpathü jühen lak neno.